Gəncə Apellyasiya Məhkəməsi Qərar — İş №3(3-7)-505/2026

Azərbaycan Respublikası adından Qərar Gəncə şəhəri İş № 3(3-7)-505/2026 31.07.2026 GƏNCƏ APELLYASIYA MƏHKƏMƏSI Gəncə Apellyasiya Məhkəməsinin Cinayət Kollegiyasının hakimi Abdullayev Əlizamin Gülzalı oğlunun sədrliyi, Xəlilov Eldar Yaşar oğlunun katibliyi, Barəsində inzibati tənbeh tətbiq edilmiş şəxs Barəsində inzibati xəta haqqında icraat aparılan şəxs və zərərçəkmiş şəxs Zərərçəkmiş şəxs iştirakları ilə, MÜƏYYƏN ETDI: Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarı ilə Barəsində inzibati xəta haqqında icraat aparılan şəxs barəsində Azərbaycan Respublikası IXMnin 528.1-ci maddəsi ilə başlanmış inzibati xəta haqqında iş üzrə icraata verilmişdir. Həmin qərardan zərərçəkmiş şəxs Zərərçəkmiş şəxs şikayət verərək, Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarın ləğv edilməsini və Barəsində inzibati xəta haqqında icraat aparılan şəxs Azərbaycan Respublikası IXM-nin 528.1ci maddəsi ilə təqsirli bilinib inzibati qaydada həbs edilməsinə dair qərar qəbul edilməsini xahiş etmişdir. Zərərçəkmiş şəxs Zərərçəkmiş şəxs apellyasiya şikayətində qeyd etmişdir ki, məhkəmə onun hüquqlarını pozmuş və işə birtərəfli baxaraq ədalətsiz qərar çıxarmışdır. Belə ki, məhkəmə qərar qəbul edərkən nəzərə almamışdır ki, borclu şəxs Barəsində inzibati xəta haqqında icraat aparılan şəxs 7.000 manat məbləğində olan aliment borcunu ödəməmiş, yalnız həbs olunacağına görə onu aldadaraq 200 manat ödəniş edib hər ay 250 manat da ödəniş edəcəyinə söz verib ondan ərizə almışdır. Lakin məhkəmə qərar qəbul etdikdən sonra və Barəsində inzibati xəta haqqında icraat aparılan şəxs həbs olunmadığına görə ona bildirmişdir ki, bundan sonra aliment borcu ilə bağlı heç bir ödəniş etməyəcək. Həmçinin məhkəmə nəzərə almamışdır ki, borclunun maddi cəhətdən imkanı çox yaxşıdır, yəni borclu sahibkarlıq fəaliyyəti ilə məşğul olur, özünə məxsus Gəncə şəhərində təkər sexi var, adına bir neçə əmlaklar var aylıq gəliri yüksək olur, bir sözlə aylıq gəlirləri yüksək olan şəxsin 7.000 manat aliment borcundan yalnız, 200 manat ödəniş etməsi inandırıcı deyil, yəni o məqsədli və qərəzli şəkildən məhkəmə qətnaməsini icra etmir. Lakin məhkəmə bu haları nəzərə almayaraq və inzibati xəta törətmiş şəxsin niyyətini və qərəzli olaraq məhkəmə qətnaməsini icra etməməsini nəzərə almayaraq, borclunun onu aldadaraq aldığı ərizəyə istinad edib, inzibati iş üzrə inzibati icraata xitam verilməsinə dair qərar qəbul etmişdir. Ona görə də Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarının ləğv edilməsini və Barəsində inzibati xəta haqqında icraat aparılan şəxs Azərbaycan Respublikası IXM-nin 528.1-ci maddəsi ilə təqsirli bilinib inzibati qaydada həbs edilməsinə dair qərar qəbul edilməsini xahiş etmişdir. Apellyasiya instansiyası məhkəməsinin iclasında iştirak etmiş zərərçəkmiş şəxs Zərərçəkmiş şəxs apellyasiya şikayətini müdafiə edərək eyni məzmunda izahat vermiş və əlavə olaraq göstərmişdir ki, məhkəmədə Barəsində inzibati xəta haqqında icraat aparılan şəxs alimentlə yanaşı hər ay borcundan 250 manat ödəyəcəyini vəd etmiş, buna görə də onun həbs edilməyini istəməmişdir. Lakin o, vədinə əməl etməmiş və həmin borcu ödəməyəcəyini bildirmişdir. Buna görə də məhkəmənin qərarından şikayət vermək məcburiyyətində qalmışdır. Barəsində inzibati xəta haqqında icraat aparılan şəxs aliment borcunu ödəməkdən yayındığına görə onun həbs olunmasını istəyir. Apellyasiya instansiyası məhkəməsinin iclasında barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs apellyasiya şikayətinə etiraz edərək göstərdi ki, o, məhkəmə tırıfindən aliment təyin olunduqdan sonra tələbkarla barışmış və bir yerdə yaşamışlar. Ona gərə də onun aliment borcu yoxdur. Hazırda təkər təmiri sexində fəhlə işləyir. Hər ay qazancından alimenti ödəyir. Qeyd etdiklərini nəzərə alaraq məhkəmənin qərarının dəyişdirilmədən saxlanılmasını və apellyasiya şikayətinin təmin edilməməsini xahiş etdi. Məhkəmə iclasının vaxtı və yeri barədə Gəncə şəhəri üzrə Icra Idarəsinin icra məmuru Nümayəndə Nürəddin oğluna məhkəmə bildirişi göndərilməsinə baxmayaraq, o, məhkəmədə iştirak etməmiş və məhkəmə iclasına gəlməməsinin səbəbi barədə məlumat verməmişdir. Məhkəmə, göstərilənləri nəzərə alaraq icra məmurunun iştirakı olmadan işə baxılaraq yekunlaşdırıl-masını mümkün hesab etmişdir. Apellyasiya instansiyası məhkəməsi apellyasiya şikayətini araşdıraraq və təqdim olunmuş inzibati materialı nəzərdən keçirib hesab edir ki, şikayət təmin edilməli, Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarı ləğv edilərək iş üzrə yeni qərar qəbul edilməlidir. Iş materiallarında olan Gəncə Şəhər Məhkəməsinin ##.##.2023-cü il tarixli, *(***)-***/**** saylı icra vərəqəsinə əsasən ## ###### 2017-ci il təvəllüdlü X1 və ## ####### 2018-ci il təvəllüdlü X2 yetkinlik yaşına çatana kimi saxlanılmaları üçün ayda hər uşaq üçün 175 (yüz yetmiş beş) manat, cəmi 350 (üç yüz əlli) manat miqdarında alimentin Barəsində inzibati xəta haqqında icraat aparılan şəxs ## #### 2023-cü il tarixdən başlayaraq tutulub Zərərçəkmiş şəxs verilməsi qət edilmişdir. Iş materiallarında olan və məhkəmə iclasında tədqiq edilən ##.##.2023-cü il tarixli “Icraata başlamaq haqqında” qərardan görünür ki, Gəncə Şəhər Məhkəməsinin ##.##.2023-cü il tarixli, 2(125)-359/2023 saylı icra sənədinə əsasən Gəncə şəhəri üzrə Icra Idarəsində icraat başlanılmış və tələbin könüllü icrası barədə bildiriş borcluya təqdim olunmuşdur. Iş materiallarında olan Gəncə şəhəri üzrə Icra Idarəsinin icra məmuru Nümayəndə Nürəddin oğlu tərəfindən tərtib edilmiş ##.##.2026-cı il tarixli, MN ******* nömrəli inzibati xəta haqqında protokoldan görünür ki, həmin protokol borclu Barəsində inzibati xəta haqqında icraat aparılan şəxs icra sənədi üzrə icra məmurunun qanuni tələblərini yerinə yetirməməsi, borclu Barəsində inzibati xəta haqqında icraat aparılan şəxs hal-hazıradək 7000 manat aliment borcunun olması və qanunla müəyyən edilmiş müddətdə aliment borcunu ödəməkdən boyun qaçırması, bununla da Azərbaycan Respublikası IXM-nin 528.1-ci maddəsində nəzərdə tutulan inzibati xətanı törətməsinə dair tərtib edilmişdir. Azərbaycan Respublikası Konstitusiyasının (mətndə bundan sonra: “Konstitusiya”) 60-cı maddəsinin birinci (İ) hissəsinə əsasən, hər kəsin hüquq və azadlıqlarının məhkəmədə müdafiəsinə təminat verilir. Ikinci (II) hissəsinə əsasən, hər kəsin hüququ var ki, onun işinə qərəzsiz yanaşılsın və həmin işə inzibati icraat və məhkəmə prosesində ağlabatan müddətdə baxılsın. Konstitusiyanın 125-ci maddəsinin yeddinci (VII) hissəsinə əsasən, məhkəmə icraatı həqiqətin müəyyən edilməsini təmin etməlidir. Konstitusiyanın 129-cu maddəsinin üçüncü (III) hissəsinə əsasən, məhkəmə qərarı qanuna və sübutlara əsəslanmalıdır. IXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.2 və 8.3-cü maddələrinə əsasən inzibati məsuliyyətə cəlb olunan şəxs öz təqsirsizliyini sübut etməyə borclu deyildir. Inzibati məsuliyyətə cəlb olunan şəxsin təqsirli olması barədə şübhələr onun xeyrinə həll edilir. Həmin Məcəllənin 12-ci maddəsində göstərilmişdir ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmçinin, IXM-nin 48-ci maddəsində göstərilmişdir ki, inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Birinci instansiya məhkəməsi Barəsində inzibati xəta haqqında icraat aparılan şəxs əməlində IXM-nin 528.1-ci maddəsində nəzərdə tutulan inzibati xətanın tərkibi olmadığına görə iş üzrə icraata xitam verilməsinə dair qərar qəbul etməklə işin faktiki hallarına uyğun olmayan nəticəyə gəlmişdir. Birinci instansiya məhkəməsi Barəsində inzibati xəta haqqında icraat aparılan şəxs əməlində IXM-nin 528.1-ci maddəsində nəzərdə tutulan inzibati xətanın tərkibinin olmadığı qənaətinə gələrkən, borclu Barəsində inzibati xəta haqqında icraat aparılan şəxs yaranmış borcdan müəyyən ödənişlər etməsi və qalıq qalan borcun ödənilməsi ilə bağlı tələbkar tərəflə razılıq əldə edərək yaxın zaman ərzində ödəniş edəcəyinə dair vəd verməsi, barəsində inzibati xəta haqında icraat aparılan şəxsin əməli qərəzli olaraq törətməməsinə əsaslanmışdır. Lakin, məhkəmə işdə olan həmin halları və işin digər hallarını əlaqəli şəkildə araşdırmamış, nəticədə Barəsində inzibati xəta haqqında icraat aparılan şəxs tərəfindən icra sənədlərinin üzrsüz səbəbdən icra edilməməsi halının mövcud olmadığı qənaətinə gələrək onun əməlinə düzgün hüquqi qiymət verməmişdir. IXM-nin 528.1-ci maddəsində məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulur. Qeyd edilməlidir ki, borclu tərəfindən icra məmurunun qanuni tələblərinin yerinə yetiriməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin icra edilməməsi üzrsüz səbəbdən baş verdiyi, həmçinin qərəzli olaraq icra edilmədiyi hallarda şəxsin məsuliyyətə cəlb edilməsinə səbəb olur. “Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair” ## ####### 2012-ci il tarixli qərarında Azərbaycan Respublikası Konstitusiya Məhkəməsinin Plenumu qeyd etmişdir ki, icra sənədini icra etməmə o halda qərəzli olur ki, təqsirkar şəxsə yazılı şəkildə xəbərdarlıq edildikdən sonra da o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. Məhkəmə aktlarının qərəzli icra edilməməsini aşağıdakılara əsasən müəyyən etmək olar: - məhkəmə qərarında nəzərdə tutulmuş tələblərin həmin qərarda müəyyən edilmiş müddət ərzində icra edilməməsi; - borcluya məhkəmə qərarının icra edilməməsi haqqında dəfələrlə rəsmi xəbərdarlıq edilməsi; - borclunun məhkəmə qərarını icra etməməsinə görə inzibati məsuliyyətə cəlb edilməsi; - borclu tərəfindən məhkəmə qərarının icrası üçün yetərli tədbirlərin görülməməsi; - borclunun məhkəmə qərarının icrası üçün faktiki imkanlarının olması. Apellyasiya instansiyası məhkəməsi hesab edir ki, borclu Barəsində inzibati xəta haqqında icraat aparılan şəxs hərəkətlərində qərəzliliyi təsdiq edən kifayət qədər hallar olsa da, birinci instansiya məhkəməsi tərəfindən həmin hallar nəzərə alınmamışdır. Iş materialları ilə təsdiq olunur ki, həqiqətən də borclu X3 ona verilmiş vaxt ərzində tələbi könüllü icra etməmiş, icra məmurunun dəfələrlə xəbərdarlıq etməsinə baxmayaraq, borcunu tam ödəməkdən, məhkəmə qərarı ilə müəyyən edilmiş alimenti vaxtı-vaxtında ödəməkdən boyun qaçıraraq icra sənədinin icrası üçün yetərli tədbirlər görməmiş, müxtəlif bəhanələr gətirərək tələbkara borcunu tam məbləğdə ödəməkdən yayınmış, borcunu ödəməməkdə davam etmiş, bununla da icra məmurunun qanuni tələblərini yerinə yetirməmişdir. Nəticədə üç il ərzində borclunun 7000 manat aliment borcu yaranmışdır. Borclu Barəsində inzibati xəta haqqında icraat aparılan şəxs borclu olduğu məbləğin cüzi bir hissəsini ödəməklə və tələbkarla (zərərçəkmiş şəxslə) borcunu hissə-hissə ödəyməsi ilə bağlı razılıq əldə edərək vəd verməklə icra sənədinin icrasından boyun qaçırmadığı görüntüsünü yaratması, bununla da borcun tam ödənilməsi və icra sənədində nəzərdə tutulan borcun ödənilməsi üçün heç bir real hərəkət etməməsi, onun qərəzli olaraq icra sənədini icra etməməsinə və həmin sənədin icrası ilə bağlı icra məmurunun qanuni tələblərini yerinə yetirməməsinə dəlalət edir. Borclu Barəsində inzibati xəta haqqında icraat aparılan şəxs birinci instansiya məhkəməsində işə baxıldıqdan sonrakı davranışı, xüsusən də tələbkara alimentlə yanaşı hər ay borcundan 250 manat ödəyəcəyini vəd etməsi, lakin vədinə əməl etməməsi və borcunu ödəməyəcəyini bildirməsi bu qənaətə gəlməyə əsas verir. Həmçinin qeyd edilməlidir ki, borcun borclu tərəfindən az-az ödəməsi onu borcunu tam icra etməkdən azad etmir və borcun hissə-hissə ödənilməsini şərtləndirmir. Bu səbəbdən apellyasiya məhkəməsi Barəsində inzibati xəta haqqında icraat aparılan şəxs yaranmış borcunu, eləcə də icra sənədində müəyyən edilən borc məbləğini maddi imkansızlığı ilə əlaqədar ödəyə bilməməsi dəlilini qəbul etmir və bunu, eləcə də birinci instansiya məhkəməsində borcun hissə-hissə ödəmsi barədə razılığa gələrək vəd verməsini borclunun məsuliyyətdən yayınma məqsədi güdməsi kimi qiymətləndirir. Qeyd edilənlər belə nəticəyə gəlməyə əsas verir ki, işin halları ilə Barəsində inzibati xəta haqqında icraat aparılan şəxs icra sənədinin icra olunmamasında qərəzli olduğu təsdiq olunduğu halda, birinci instansiya məhkəməsi işin faktiki hallarına uyğun olmayan nəticəyə gəlmiş və əsassız olaraq Barəsində inzibati xəta haqqında icraat aparılan şəxs əməlində IXMnin 528.1-ci maddəsinin tərkibi olmadığı qənaətinə gələrək onun barəsində inzibati xəta haqqında iş üzrə icraata xitam verilməsinə dair qərar qəbul etmişdir. Işin faktiki halları ilə Barəsində inzibati xəta haqqında icraat aparılan şəxs ona istinad edilən inzbati xətanı törətməsi təsdiq olunduğundan o, Azərbaycan Respublikası IXM-nin 528.1ci maddəsi ilə nəzərdə tutulan inzibati xətanı törətməkdə təqsirli bilinməli və ona həmin maddənin sanksiyası daxilində inzibati tənbeh tətbiq edilməlidir. IXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Apellyasiya məhkəməsi işin faktiki hallarını, eləcə də Barəsində inzibati xəta haqqında icraat aparılan şəxs oğlunun şəxsiyyətini xarakterizə edən halları nəzərə alaraq ona IXM-nin 528.1-ci maddəsinin sanksiyasında nəzərdə tutulan həbs növündə inzibati tənbehin tətbiq edilməsini məqsədə uyğun hesab edir. Barəsində inzibati xəta haqqında icraat aparılan şəxs oğluna həbs növündə inzibati tənbehin tətbiq edilməsi törədilən inzibati xətanın xarakterinə və inzibati xətanı törədənin şəxsiyyətinə uyğundur, ona həbs növündə inzibati tənbehin tətbiq edilməsi ilə IXM-nin 21-ci maddəsində nəzərdə tutulmuş inzibati tənbehin məqsədlərinə nail olunmasının təmin edilməsi mümkündür. IXM-nin 134-cü maddəsinə əsasən, inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: qərarın dəyişdirilmədən, şikayətin və ya protestin isə təmin edilmədən saxlanılması haqqında; bu Məcəllənin 135.1.2-135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında; bu Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında; bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında; şikayətə və ya protestə baxılarkən inzibati xəta haqqında iş üzrə qərarı buna səlahiyyəti çatmayan hakimin, orqanın (vəzifəli şəxsin) qəbul etdiyi müəyyən olunduqda, qərarın ləğv edilməsi və işin aidiyyəti üzrə baxılmaq üçün göndərilməsi haqqında. Həmin Məcəllənin 135.1-ci maddəsinə əsasən inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslar aşağıdakılardır: 135.1.1. hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması; 135.1.2. hakimin, səlahiyyətli orqanın (vəzifəli şəxsin) gəldiyi nəticələrin işin faktiki hallarına uyğun olmaması; 135.1.3. hakim, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan halların sübuta yetirilməməsi; 135.1.4. inzibati məsuliyyət müəyyən edən qanunun normasının düzgün tətbiq edilməməsi; 135.1.5. tətbiq edilmiş tənbehin bu Məcəllənin 31 – 34-cü maddələrinin tələblərinə uyğun olmaması; 135.1.5-1. bu Məcəllənin 53-cü maddəsində nəzərdə tutulmuş halların müəyyən olunması; 135.1.5-2. inzibati xəta haqqında iş üzrə qərarın buna səlahiyyəti çatmayan hakim və ya orqan (vəzifəli şəxs) tərəfindən qəbul edilməsi; 135.1.6. bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması. Beləliklə, apellyasiya instansiyası məhkəməsi hesab edir ki, zərərçəkmiş şəxs Zərərçəkmiş şəxs tərəfindən verilmiş apellyasiya şikayəti əsaslı hesab edilməli, hazırkı iş üzrə Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarı ləğv edilməli, iş üzrə yeni qərar çıxarılmalı, Barəsində inzibati xəta haqqında icraat aparılan şəxs IXM-nin 528.1-ci maddəsi ilə təqsirli bilinərək ona həmin maddənin sanksiyasında nəzərdə tutulan həbs növündə inzibati tənbeh tətbiq edilməlidir. Qeyd olunanlara əsasən və Azərbaycan Respublikası IXM-nin 133-136-cı maddələrini rəhbər tutaraq, apellyasiya instansiyası məhkəməsi QƏRARA ALDI: Apellyasiya şikayəti təmin edilsin. Gəncə Şəhər Məhkəməsinin ##.##.2026-cı il tarixli, *(*-***)-****/**** saylı qərarı ləğv edilsin. Barəsində inzibati xəta haqqında icraat aparılan şəxs Azərbaycan Respublikası Inzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törtəməkdə təqsirli bilinsin və ona 8 (səkkiz) gün müddətə inzibati həbs təyin edilsin. Barəsində inzibati xəta haqqında icraat aparılan şəxs məhkəmə iclas zalından həbsə alınsın və onun həbsdə saxlanılmasının əvvəli ## ###### 2026-cı il tarixdən, saat 15:00-dan hesab edilsin. Qərar elan edildiyi andan dərhal sonra qüvvəyə minir. Qərar qətidir və ondan şikayət və protest verilə bilməz.