Şirvan Apellyasiya Məhkəməsi Qərar — İş №3(3-9)-303/2026

Azərbaycan Respublikası adından Qərar Şirvan şəhəri İş № 3(3-9)-303/2026 03.06.2026 ŞIRVAN APELLYASIYA MƏHKƏMƏSI Cinayət Kollegiyasının hakimi Əliyev Əli Abdulla oğlunun sədrliyi Zeynallı Aslan Ismayıl oğlunun katibliyi, səlahiyyətli orqan Azərbaycan Respublikasının Əmək və Əhalinin Sosial Müdafiəsi Nazirliyi yanında X3 Xidmətinin nümayəndəsi X1 iştirakı ilə, Barəsində inzibati xəta haqqında icraat aparılan şəxs barəsində Azərbaycan Respublikası Inzibati Xətalar Məcəlləsinin (bundan sonra – IXM-in) 529.1-1-ci maddəsi ilə inzibati xəta haqqında iş üzrə icraata inzibati məsuliyyətə cəlb etmə müddəti keçdiyi üçün xitam verilməsinə dair Imişli Rayon Məhkəməsinin ## #### 2026-cı il tarixli, *(***)-****/**** nömrəli qərarından səlahiyyətli orqan Azərbaycan Respublikasının Əmək və Əhalinin Sosial Müdafiəsi Nazirliyi yanında X3 Xidməti tərəfindən verilmiş şikayətə açıq məhkəmə iclasında baxaraq, məhkəmə M Ü Ə Y Y Ə N E T D İ: Məhkəmənin sözügedən qərarından narazı qalan Azərbaycan Respublikasının Əmək və Əhalinin Sosial Müdafiəsi Nazirliyi yanında X3 Xidməti şikayət verərək, Imişli Rayon Məhkəməsinin ##.##.2026-cı il tarixli, *(***)-****/**** nömrəli qərarının ləğv edilməsi və Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidmətinin Bakı Şəhər Idarəsi tərəfindən vəzifəli şəxs Barəsində inzibati xəta haqqında icraat aparılan şəxs barəsində tərtib edilmiş ##.##.2025-ci il tarixli, MN ******* nömrəli inzibati xəta haqqında protokol əsasında inzibati məsuliyyətə cəlb edilməsi barədə qərar qəbul edilməsini xahiş etmişdir. ŞIKAYƏTIN DƏLILLƏRI: Azərbaycan Respublikasının Əmək və Əhalinin Sosial Müdafiəsi Nazirliyi yanında X3 Xidməti şikayətini onunla əsaslandırmışdır ki, Barəsində inzibati xəta haqqında icraat aparılan şəxs işəgötürən "xxxx" MMC-də rəsmi işləməsi və əmək haqqı alması ilə əlaqədar X3 Xidmətinin IXM-in 150-ci maddəsinin tələblərinə əsasən ##.##.2024-cü il tarixli, MN ******* nömrəli inzibati tənbeh vermə haqqında qərar üzrə 700 manat məbləğində cərimənin ödənilməsinin təmin edilməsi məqsədi ilə vəzifəli şəxs qismində Barəsində inzibati xəta haqqında icraat aparılan şəxs ##.##.2025-ci il tarixli, *-**-*/*-*****/**** nömrəli xəbərdarlıq məktubu ünvanlamışdır. Sözügedən cərimənin əmək haqqından tutulması ilə bağlı Barəsində inzibati xəta haqqında icraat aparılan şəxs tərəfindən hər hansı tədbir görülmədiyindən IXM-in 529.1-1-ci maddəsi ilə inzibati xəta haqqında iş üzrə icraata başlanılmışdır. Sadalanan tədbirlərə baxmayaraq Barəsində inzibati xəta haqqında icraat aparılan şəxs tərəfindən Xidmətin qanuni göstərişinə əsasən 700 manat cərimənin ödənilməsi ilə əlaqədar hər hansı vəsaitin köçürülməsi təmin edilməmişdir. Bu səbəbdən vəzifəli şəxs barəsində inzibati xəta haqqında protokol tərtib edilmişdir. Göründüyü kimi X3 Xidməti tərəfindən ##.##.2025-ci il tarixli, MN ******* nömrəli inzibati xəta haqqında protokolun tərtib edilməsinə səbəb inzibati məsuliyyətə cəlb edilmiş şəxsin cəriməsinin tutulması üçün işəgötürənin IXM-in 150.1-ci maddəsinin tələblərini saymayaraq heç bir tədbir görməməsi olmuşdur. Həmçinin, işəgötürənlərin bu kimi hərəkətləri şəxsin törətdiyi əmələ görə məsuliyyət daşıması və qanunlara əməl etmək ruhunda tərbiyələndirilməsi yolunda maneələr törədir, habelə heç bir lüzum olmadan Icra orqanlarının işinin əsassız artmasına gətirib çıxarır. Beləliklə, vəzifəli şəxs Barəsində inzibati xəta haqqında icraat aparılan şəxs tərəfindən ##.##.2024-cü il tarixli, MN ******* nömrəli inzibati tənbeh vermə haqqında qərar üzrə 700 manat cərimənin ödənilməsi ilə bağlı heç bir tədbir görülməmiş və qanunvericiliyin tələbləri pozulmuşdur. Belə olan halda X3 Xidməti tərəfindən vəzifəli şəxs Barəsində inzibati xəta haqqında icraat aparılan şəxs barəsində tərtib edilmiş ##.##.2025-ci il tarixli, MN ******* nömrəli inzibati xəta haqqında protokol qanuni və əsasladır. Məhkəmənin vəzifəli şəxs Barəsində inzibati xəta haqqında icraat aparılan şəxs IXM-in 529.1-1-ci maddəsi ilə nəzərdə tutulan inzibati xətanı törətməkdə təqsirli bilinərək, IXM-in 38.1-ci maddəsində nəzərdə tutulmuş inzibati məsuliyyətə cəlb etmə müddətinin keçdiyindən barəsində inzibati xəta haqqında iş üzrə icraata xitam verilməsinə münasibətdə qeyd edir ki, X3 Xidmətinin qərarının icrası ilə bağlı tədbirlərin görülməsi üçün Cəmiyyətə ünvanlanmış ##.##.2025-ci il tarixli, *-**-*/*-*****/**** nömrəli xəbərdarlıq məktubu cəmiyyətin üzərinə konkret icra öhdəliyinin qoyulması və bu öhdəliyin yerinə yetirilməməsinin potensial hüquqi nəticələri barədə rəsmi bildiriş kimi qiymətləndirilməməlidir. Belə ki, hərəkətsizliklə ifadə olunan xətanın törədilmə anı hüquqi öhdəliyin yaranmasından və onun icrası üçün verilmiş ağlabatan müddətin nəticəsiz başa çatmasından sonrakı anla deyil, qanunla müəyyən edilmiş öhdəliklərin pozulması məqamı ilə başlayır və icra edilən anadək davam edir. Azərbaycan Respublikası Inzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair Azərbaycan Respublikası Konstitusiya Məhkəməsi Plenumunun ## ######## 2028-ci il tarixli plenum qərarına əsasən “Uzanan hüquqpozuntuları” isə (cinayət, xəta) başlayır və uzanaraq müəyyən müddət ərzində fasiləsiz törədilir. “Uzanan hüquqpozuntusu”-nun mahiyyəti onun fasiləsizliyində ifadə olunur və bu, onun əsas meyarıdır. Inzibati xətalar qanunvericiliyində uzanan inzibati xətaların təsnifatı və ya mahiyyəti açıqlanmasa da, nəzəri cəhətdən qeyd etmək olar ki, uzanan inzibati xəta bir müddət ərzində inzibati cəza təhdidi altında qanunverici tərəfindən müəyyən şəxsin üzərinə qoyulmuş öhdəliklərin hərəkət və ya hərəkətsizlik formasında yerinə yetirilməməsidir. “Uzanan hüquqpozuntuları”nın bəzi səciyyəvi xüsusiyyətləri ondan ibarətdir ki, onlar konkret məqamda - qanunla müəyyən edilmiş öhdəliklərin pozulması məqamında başlayır, o cümlədən hüquqazidd əməlin konkret bitmə məqamında - subyektin özü tərəfindən konkret hərəkətlərin dayandırılması məqamında başa çatır və ya bu hərəkət kənardan müdaxilə nəticəsində dayandırılır. Bununla da vəzifəli şəxs Barəsində inzibati xəta haqqında icraat aparılan şəxs X3 Xidmətinin qərarının icrası ilə bağlı tədbirlərin görülməsi üçün Cəmiyyətə ünvanlanmış ##.##.2025-ci il tarixli, *-**-*/*-*****/**** nömrəli xəbərdarlıq məktubunu icra etməməyə davam etmiş, nəticədə X3 Xidmətinin qərarının icrası ilə bağlı tədbirlərin görülməsi tələb edilsə də hərəkətsizlik hazırki tarixədək davam etdirilmiş və X3 Xidmətinin qərarı icra edilməmişdir. Inzibati xətanın aşkara çıxarılma vaxtına münasibətdə bildiririk ki, ##.##.2025-ci il tarixli, *-**- */*-*****/**** nömrəli xəbərdarlıq məktubunun göndərilməsi həmin xətanın aşkarlanması kimi təqdim oluna bilməz. Belə ki, vəzifəli ##.##.2025-ci il tarixli, *-**-*/*-*****/**** nömrəli xəbərdarlıq məktub göndərilənə qədər həmin Cəmiyyətin inzibati cərimənin ödənilməsi ilə bağlı tədbir görmək öhdəliyi olmamışdır. Qeyd olunan məktub vəzifəli şəxsə çatdıqdan sonra vəzifəli şəxs tərəfindən tədbirlərin görülməməsi ilə öhdəlik icra olunmamış və hüquqpozma törədilməyə başlanılmışdır. PROSESSUAL MƏSƏLƏLƏR: Məhkəmə iclasında iştirak edən səlahiyyətli orqan Azərbaycan Respublikası Əmək və Əhalinin Sosial Müdafiəsi Nazirliyi Yanında X3 Xidmətinin nümayəndəsi X1 şikayətin təmin olunmasını, Imişli Rayon Məhkəməsinin ## #### 2026-cı il tarixli, *(***)-****/**** nömrəli qərarının ləğv edilməsini, Barəsində inzibati xəta haqqında icraat aparılan şəxs səlahiyyətli orqan tərəfindən tərtib edilmiş protokol əsasında inzibati məsuliyyətə cəlb edilməsi haqqında qərar qəbul edilməsini xahiş etdi. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq barəsində inzibati xəta haqqında iş üzrə icraat aparılan vəzifəli şəxs Barəsində inzibati xəta haqqında icraat aparılan şəxs məhkəmə iclasına gəlməmiş və gəlməməsinin üzrlü səbəbləri barədə məhkəməyə məlumat verməmişdir. Məhkəmə IXM-in 133.2.4-cü maddəsinə əsasən, onun iştirakı olmadan inzibati işə baxılmasını mümkün hesab etdi. HÜQUQI MƏSƏLƏLƏR: IXM-in 128.1 və 133.2.8-ci maddələrinə əsasən “Barəsində qərar çıxarılmış şəxs, .... zərər çəkmiş şəxs, .... inzibati xəta haqqında iş üzrə qərardan şikayət, prokuror isə protest verə bilər”, “inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır”. Məhkəmə inzibati işin materiallarını, şikayətin dəlillərini və tətbiq edilməli olan hüquq normalarını tam, hərtərəfli və obyektiv araşdıraraq hesab edir ki, aşağıda göstərilən əsaslara görə şikayət təmin edilməməli, Imişli Rayon Məhkəməsinin ## #### 2026-cı il tarixli, *(***)- ****/**** nömrəli qərarı isə dəyişdirilmədən saxlanılmalıdır. Belə ki, IXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə görə, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 38.1-ci maddəsinə əsasən inzibati tənbeh, həmin maddədə xüsusi olaraq daha uzun müddət nəzərdə tutulmuş hallar istisna olmaqla, inzibati xətanın törədildiyi gündən ən geci dörd ay keçənədək verilə bilər. Idarəçilik qaydaları əleyhinə olan və IXM-in 529.1-1-ci maddəsi ilə nəzərdə tutulmuş hazırkı inzibati xəta həmin maddədə bir illik müddət tətbiq edilən xətalar sırasına aid deyildir. 38.2-ci maddəsinə əsasən bu Məcəllənin 38.1-ci maddəsində nəzərdə tutulan müddətlər uzanan inzibati xətalara münasibətdə xətanın aşkara çıxarıldığı gündən hesablanır. 53.1.6-cı maddəsinə əsasən bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 114.2.1-ci maddəsinə bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Iş materiallarından görünür ki, Barəsində inzibati xəta haqqında icraat aparılan şəxs barəsində IXM-in 529.1-1-ci maddəsi ilə ##.##.2025-ci il tarixli, MN ******* nömrəli inzibati xəta haqqında protokol tərtib edilmişdir. Şikayətdə xəbərdarlıq məktubunun tarixi kimi müxtəlif hissələrdə ##.##.2025-ci il və ##.##.2025-ci il tarixləri göstərilsə də, bu uyğunsuzluq iş üzrə hüquqi nəticəni dəyişmir. Çünki istər həmin tarixlərdən, istərsə də səlahiyyətli orqanın xətanı artıq müəyyən etdiyi ən son tarix kimi ##.##.2025-ci il tarixli protokolun tərtib edildiyi gündən hesablandıqda, inzibati tənbeh ən geci ## ####### 2025-ci il tarixinədək verilə bilərdi. Birinci instansiya məhkəməsinin qərarı isə ## #### 2026-cı il tarixdə qəbul edilmişdir. Bu tarix IXM-in 38.1-ci maddəsində nəzərdə tutulmuş dörd aylıq müddətin başa çatmasından xeyli sonrakı tarixdir. Ona görə də iş üzrə inzibati məsuliyyətə cəlb etmə müddətinin keçməsi faktı aşkar olduğundan, IXM-in 53.1.6 və 114.2.1-ci maddələrinə əsasən icraata xitam verilməsi məcburi hüquqi nəticə olmuşdur. Apellyasiya şikayətində inzibati xətanın “uzanan hüquqpozma” kimi qiymətləndirilməli olduğu göstərilsə də, bu dəlil birinci instansiya məhkəməsinin gəldiyi nəticəni şübhə altına almır. Belə ki, uzanan inzibati xəta mövcud hesab edildikdə belə, IXM-in 38.2-ci maddəsi müddətin hesablanmasını xətanın aşkara çıxarıldığı günlə əlaqələndirir. Hazırkı işdə səlahiyyətli orqan qanuni göstərişin icra edilmədiyini ən gec ##.##.2025-ci il tarixdə müəyyən etmiş və həmin tarixdə protokol tərtib etmişdir. Deməli, uzanan xəta barədə şikayətin mövqeyi qəbul edilsə belə, müddətin başlanğıcı ən gec ##.##.2025-ci il hesab edilməli və dörd aylıq müddət ##.##.2025-ci il tarixdə başa çatmış sayılmalıdır. “Uzanan inzibati xəta” anlayışının tətbiq edilməməsinin hüquqi əsasları Azərbaycan Respublikası Konstitusiya Məhkəməsi Plenumunun “Azərbaycan Respublikası Inzibati Xətalar Məcəlləsinin (bundan sonra – Inzibati Xətalar Məcəlləsi) 528.1-ci maddəsində nəzərdə tutulmuş əmələ görə təkrarən inzibati məsuliyyətə cəlb edilmənin mümkünlüyü məsələsi baxımından həmin maddənin Məcəllənin 9.2 və 35-ci maddələri ilə əlaqəli şəkildə şərh olunmasına” dair ## ######## 2018-ci il tarixli və “Azərbaycan Respublikası Cinayət Məcəlləsinin 263-cü maddəsinin Qeyd hissəsinin və Azərbaycan Respublikası Inzibati Xətalar Məcəlləsinin 38-ci maddəsinin bəzi müddəalarının şərh edilməsinə dair” ## #### 2022-ci il tarixli qərarlarında açıq şəkildə göstərilmişdir ki, uzanan hüquqpozma yalnız qanunla müəyyən edilmiş konkret və fərdi öhdəliyin mövcud olduğu halda mümkündür və bu hüquqpozma öhdəliyin yerinə yetirilməməsi davam etdiyi müddət ərzində mövcud olur. Hazırkı iş üzrə isə Barəsində inzibati xəta haqqında icraat aparılan şəxs üzərinə inzibati cərimənin ödənilməsi ilə bağlı konkret icra öhdəliyi yalnız ## ##### 2025-ci il tarixli, *-**-*/*-*****/**** saylı məktub ona çatdırıldıqdan sonra yaranmışdır. Həmin tarixədək şəxsin üzərinə qoyulmuş konkret və icrası tələb edilən hüquqi öhdəlik mövcud olmamışdır. Bu səbəbdən, apellyasiya şikayətində inzibati xətanın fasiləsiz davam edən hüquqpozma kimi qiymətləndirilməsi qanunun mahiyyətinə ziddir. IXM-in 38.1-ci maddəsi imperativ xarakter daşıyır və bu maddədə göstərilən müddətin keçməsi inzibati məsuliyyətin istisnasız olaraq aradan qalxmasına səbəb olur. Məhkəmə qeyd edir ki, bu müddətin ötürülməsi məhkəmə tərəfindən müəyyən edildikdə iş üzrə icraata xitam verilməsi məcburidir. Birinci instansiya məhkəməsi iş materiallarını düzgün qiymətləndirərək əsaslı şəkildə müəyyən etmişdir ki, inzibati məsuliyyətə cəlbetmə müddəti qanunla nəzərdə tutulmuş həddən keçmişdir və bu səbəbdən başqa hüquqi qərar qəbul etmək mümkün deyildir. Bu baxımdan şikayətin “hərəkətsizlik hazırkı tarixədək davam edir” məzmunlu dəlili inzibati məsuliyyət müddətinin yenidən hesablanmasına və ya müddətin qeyri-müəyyən müddətə uzadılmasına əsas ola bilməz. Qanunçuluq və hüquqi müəyyənlik prinsipləri tələb edir ki, inzibati tənbeh yalnız qanunla müəyyən edilmiş müddət daxilində tətbiq edilsin; həmin müddət keçdikdən sonra şəxsin inzibati məsuliyyətə cəlb edilməsi yolverilməzdir. Məhkəmə həmçinin qeyd edir ki, inzibati məsuliyyətə cəlb etmə müddətinin keçməsi iş üzrə digər halların, o cümlədən şəxsin təqsirli olub-olmamasının mahiyyəti üzrə araşdırılmasını hüquqi baxımdan əhəmiyyətsiz edir. Çünki IXM-in 53.1.6-cı maddəsi belə halda icraatın davam etdirilməsini istisna edən prosessual maneə yaradır. Məhkəmə yuxarıda göstərilənləri məcmu halda nəzərə alaraq birinci instansiya məhkəməsinin gəldiyi nəticə ilə razılaşır və bir daha bildirir ki, şikayətdə göstərilən dəlillər Imişli Rayon Məhkəməsinin ## #### 2026-cı il tarixli, *(***)-****/**** nömrəli qərarının ləğv edilməsi üçün kifayət etmir, ona görə də birinci instansiya məhkəməsi işin hallarını düzgün araşdırmaqla həmin halları düzgün olaraq qiymətləndirmişdir. Məhkəmə birinci instansiya məhkəməsinin inzibati xəta haqqında iş üzrə toplanmış icraat materiallarına əsasən gəldiyi nəticəni maddi və prossesual hüquq normalarının tələbləri baxımından tam əsaslı hesab edir. Belə ki, IXM-in 529.1-1-ci maddəsi həmin Məcəllənin “idarəçilik qaydaları əleyhinə olan inzibati xətalar” adlanan 39-cu fəslində nəzərdə tutulmuşdur və həmin kateqoriya üzrə inzibati xətalar görə məsuliyyətə cəlb etmə müddəti 04 ay müəyyən edilmişdir. Hazırki işdə isə xətanın törədildiyi tarixdən 04 aydan artıq müddət keçmişdir. Birinci instansiya məhkəməsi yuxarıda göstərilən məsələ üzrə qərar qəbul edərkən, bu məsələnin düzgün həlli üçün mühüm əhəmiyyət kəsb edən halları araşdırıb ətraflı təhlil etmiş, gəldiyi nəticəni qanunun tələblərinə istinad edərək əsaslandırmışdır. IXM-in 128.1-ci maddəsinə əsasən “Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər”. Həmin Məcəllənin 135.1.5-1-ci maddəsinə əsasən “bu Məcəllənin 53-cü maddəsində nəzərdə tutulmuş halların müəyyən olunması” inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Eyni Məcəllənin 134.1.3-cü maddəsinin mənasına görə inzibati xəta haqqında iş üzrə qərardan verilən şikayətə və ya protestə baxılarkən IXM-in 135.1.5-1-ci maddəsində nəzərdə tutulan hallarda qərarın ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. Odur ki, qanunvericiliyin müddəalarını və inzibati xəta haqqında iş üzrə icraat materiallarını tədqiq edən apellyasiya instansiyası məhkəməsi birinci instansiya məhkəməsinin iş üzrə gəldiyi nəticələri işin faktiki hallarına uyğun hesab edir. Belə ki, inzibati xəta haqqında iş üzrə icraat materiallarının müqayisəli təhlili göstərir ki, birinci instansiya məhkəməsi maddi və prossesual hüquq normalarına əsaslanaraq qanuni qərar qəbul etmişdir. IXM-in 134.1.1-ci maddəsinə əsasən, inzibati xəta haqqında iş üzrə qərardan verilən şikayətə və ya protestə baxılarkən, qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilir. Odur ki, apellyasiya qaydasında verilmiş şikayət təmin edilməməli və Imişli Rayon Məhkəməsinin ## #### 2026-cı il tarixli, *(***)-****/**** nömrəli qərarı dəyişdirilmədən saxlanılmalıdır. Şərh olunanları və IXM-in 128-134.1.1-ci maddələrinin tələblərini rəhbər tutaraq, apellyasiya instansiyası məhkəməsi Q Ə R A R A A L D İ: Şikayət təmin edilməsin. Imişli Rayon Məhkəməsinin ## #### 2026-cı il tarixli, *(***)-****/**** nömrəli qərarı Azərbaycan Respublikasının Əmək və Əhalinin Sosial Müdafiəsi Nazirliyi yanında X3 Xidmətinin Hüquq Idarəsinin rəis müavini, rəis vəzifəsini müvəqqəti icra edən Tamerlan Məlikli tərəfindən verilmiş şikayətə münasibətdə dəyişdirilmədən saxlanılsın. Qərar qəbul edildiyi andan dərhal sonra qanuni qüvvəyə minir. Qərardan şikayət və protest verilə bilməz.