Bakı Şəhəri Suraxanı Rayon Məhkəməsi Qərardad — İş №3(5-103)-832/2026

Azərbaycan Respublikası adından QƏRARDAD Bakı şəhəri İş № 3(5-103)-832/2026 16.02.2026 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Rzayeva Nərminə Cahangir qızının sədrliyi, Ələmşahova Aytəkin Aqil qızının katibliyi, Bakı şəhəri Suraxanı Rayon İcra Şöbəsinin icra məmuru X1, borclu Şəxs iştirakı ilə, Bakı şəhəri Suraxanı rayon İcra Şöbəsindən daxil olmuş Şəxs Azərbaycan Respublikası İXM-nin 528.1-1-ci maddəsində nəzərdə tutulmuş inzibati xəta törətməsinə dair materiallara baxaraq, məhkəmə MÜƏYYƏN ETDİ: Bakı şəhəri Suraxanı rayon İcra Şöbəsinin icra məmuru X2 tərəfindən Şəxs Azərbaycan Respublikası İXM-nin 528.1-1-ci maddəsi ilə inzibati məsuliyyətə cəlb edilməsi barədə inzibati 09 fevral 2026-cı il tarixli, MN ******* saylı protokol tərtib edilmiş baxılması üçün Bakı şəhəri Suraxanı Rayon Məhkəməsinə göndərilmişdir. Məhkəmə iclasında Suraxanı rayon İcra və Probasiya şöbəsinin icra məmuru Əzizxan Eminov protokolda göstərilənlərə uyğun izahat verərək, borclunun qanunla müəyyən edilmiş qaydada barəsində inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasında borclu Şəxs izahatında bildirdi ki, Suraxanı Rayon Məhkəməsinin 2(010)-45/2025 saylı, xx.xx.2025-ci il tarixli qətnaməsi qəbul edilən zaman o ürək əməliyyatı olunmuşdur. Həmin qətnamədən razı deyildir. Bununla bağlı icra məmuru onu çağırarda qətnamə barədə məlumatı olmuşdur. Ondan sonra o, dərhal müddətlə əlaqədar və qətnamənin ona çatdırılmaması ilə bağlı Məhkəmə Hüquq Şurasına şikayət etmişdir. Ona indiyədək həmin qətnamə təqdim edilməmiş, həmin qətnamədən narazı olmasına baxmayaraq şikayət verə bilməmişdir. Qətnamə ilə bağlı şikayət etdikdən sonra Suraxanı Rayon Məhkəməsinin məktubunda qeyd edilən nömrə ona deyil, atasına məxsus olmuşdur. Hal-hazırda şikayətlə bağlı hər hansı cavab alınmadığından həmin qətnaməni icra etmir. Əgər onun şikayətinə baxıldıqdan sonra qətnamə qüvvədə qalacağı təqdirdə icra edəcəkdir. Məhkəmə iş üzrə təqdim edilmiş materialları araşdıraraq hesab edir ki, inzibati xəta haqqında protokol ona əlavə olunmuş sənədlərlə birlikdə geri qaytarılmalıdır. Belə ki, borclu izahatında indiyədək qətnamənin təqdim edilmədiyini, həmin qətnamədən narazı olmasına baxmayaraq şikayət verə bilməməsini, qətnamədən halhazırda şikayət etdiyini,apellyasiya şikayətinin vermə müddətinin bərpa edilməsinə dair ərizə ilə müraciət edilməsinə dair hələ də cavab ala bilmədiyini bildirmiş, buna görə də məhkəmə hesab edir ki, həmin qətnamənin borclu Şəxs çatıb-çatmamasını müyyən etmək, həmçinin də şikayəti ilə bağlı hər hansı nəticənin əldə edilib-edilməməsini müəyyən etmək qeyri mümükn olduğundan inzibati xəta haqqında materiallar geri qaytarılmalıdır. Azərbaycan Respublikası İnzibati Xətalar Məcəlləsinin 100.2-ci maddəsinə əsasən, protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Azərbaycan Respublikası İXM-nin 103.1 -ci maddəsinə əsasən inzibati xəta haqqında protokol (prokurorun qərarı) tərtib edildiyi vaxtdan 48 saatadək müddətində hakimə, səlahiyyətli orqana (vəzifəli şəxsə) göndərilir. Həmin Məcəllənin 103.2-ci maddəsinə əsasən inzibati həbs nəzərdə tutan inzibati xəta haqqında protokol (prokurorun qərarı) tərtib edildikdən sonra dərhal baxılması üçün hakimə göndərilir. Azərbaycan Respublikası İXM-nin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikası İXM-in tələblərinə müvafiq olaraq tərtib edilməsi məsələsini həll edir. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xəta haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Göstərilənlərə əsasən və Azərbaycan Respublikası İnzibati Xətalar Məcəlləsinin 100 və 109.1.6-cı maddəsini rəhbər tutaraq, QƏRARA ALDİ: Bakı şəhəri Suraxanı rayon İcra və Probasiya Şöbəsindən daxil olmuş Şəxs Azərbaycan Respublikası İXM-nin 528.1-1.ci maddəsində nəzərdə tutulmuş inzibati xəta törətməsinə dair tərtib edilmiş 09 fevral 2026-cı il tarixli, MN ******* saylı inzibati xəta haqqında protokol və ona əlavə edilmiş sənədlər Bakı şəhəri Suraxanı rayon İcra Şöbəsinə geri qaytarılsın. Qərardaddan rəsmi qaydada verildiyi gündən 10 (on) gün müddətində Bakı şəhər, Suraxanı Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Nərminə Rzayeva