Ağdaş Rayon Məhkəməsi Qərar — İş №3(5-108)-29/2026

Azərbaycan Respublikası adından QƏRAR Ağdaş rayonu İş № 3(5-108)-29/2026 02.02.2026 AĞDAŞ RAYON MƏHKƏMƏSİ Hakim Ələkbərova Fidan Vaqif qızının sədrliyi, Hümbətova Günay Xalid qızının katibliyi ilə Şəxs Azərbaycan Respublikası İnzibati Xətalar Məcəlləsinin (bundan sonra İnzibati Xətalar Məcəlləsinin) 529.3-cü maddəsi ilə nəzərdə tutulmuş inzibati xətanı törətməsinə dair Ağdaş Rayon Polis Şöbəsindən daxil olmuş materiala açıq məhkəmə iclasında baxaraq, məhkəmə müəyyənetdi: Şəxs xx.xx.2025-ci il tarixli, EQ 30774625 nömrəli qərarla İnzibati Xətalar Məcəlləsinin 346.1-ci maddəsi ilə ona tətbiq edilmiş 20 (iyirmi) manat, xx.xx.2025-ci il tarixli, EQ 29394630 nömrəli qərarla İnzibati Xətalar Məcəlləsinin 328.1-ci maddəsi ilə ona tətbiq edilmiş 10 (on) manat, xx.xx.2025-ci il tarixli, EQ 29209761 nömrəli qərarla İnzibati Xətalar Məcəlləsinin 328.1-ci maddəsi ilə ona tətbiq edilmiş 10 (on) manat, xx.xx.2025-ci il tarixli, EQ 30733099 nömrəli qərarla İnzibati Xətalar Məcəlləsinin 346.1-ci maddəsi ilə ona tətbiq edilmiş 20 (iyirmi) manat və xx.xx.2025-ci il tarixli, EQ 30288989 nömrəli qərarla İnzibati Xətalar Məcəlləsinin 346.6-cı maddəsi ilə ona tətbiq edilmiş 40 (qırx) manat məbləğində inzibati cəriməni 3 ay müddətində ödəmədiyindən onun barəsində Ağdaş RPŞ-nin DYPB-nin Yol Patrul Xidmətinin baş inspektoru X1 tərəfindən Azərbaycan Respublikasının İXM-nin 529.3-cü maddəsi ilə xx.xx.2026-cı il tarixli, İXP ******* və İXP ******* nömrəli inzibati xəta haqqında protokollar tərtib edilmiş və baxılması üçün məhkəməyə göndərilmişdir. Şəxs eyni vaxtda bir neçə inzibati xəta törətdiyindən və barəsində İnzibati Xətalar Məcəlləsinin 529.3-cü maddəsi ilə İXP ******* və İXP ******* nömrəli inzibati xəta haqqında protokollar tərtib edildiyindən məhkəmənin xx.xx.2026-cı il tarixli qərarı ilə həmin protokollara baxılması üzrə işlər bir icraatda birləşdirilmişdir. Barəsində inzibati xəta haqqında icraat aparılan şəxs və səlahiyyətli orqan məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasına gəlməmiş, səlahiyyətli nümayəndənin iştirakını təmin etməmiş və bunun səbəbi barədə məhkəməyə məlumat verməmişlər. Buna görə də məhkəmə, barəsində inzibati icraat aparılan şəxsin və səlahiyyətli orqanın nümayəndəsinin iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq olunmuş xx.xx.2025-ci il tarixli, EQ 30774625 nömrəli , xx.xx.2025-ci il tarixli, EQ 29394630 nömrəli, xx.xx.2025-ci il tarixli, EQ 29209761 nömrəli, xx.xx.2025-ci il tarixli, EQ 30733099 nömrəli , xx.xx.2025ci il tarixli, EQ 30288989 nömrəli inzibati tənbeh vermə haqqında qərarlardan və onlara əlavə edilmiş sənədlərdən görünür ki, Şəxs “KİA K5” minik markalı, 77YA621 dövlət qeydiyyat nişanlı avtomobili idarə edərkən İnzibati Xətalar Məcəlləsinin 346.1-ci, 328.1-ci və 346.6-cı maddələrində nəzərdə tutulan inzibati xətaları törətmişdir. O, səlahiyyətli orqan tərəfindən həmin maddələr ilə təqsirli bilinərək ümumilikdə 100 manat cərimə edilmiş, həmin cəriməni ödəmədiyindən əlavə olaraq 60 manat məbləğində dəbbə pulu hesablanmışdır. Ağdaş rayon RPŞ-nin DYPB-nın portalından çıxarışlardan görünür ki, EQ 30774625 xx.xx.2025-ci il tarixli inzibati xəta haqqında qərar xx.xx.2025-ci il tarixdə, EQ 29394630 nömrəli, xx.xx.2025-ci il tarixli inzibati xəta haqqında qərar xx.xx.2025-ci il tarixdə, EQ 30288989 nömrəli, xx.xx.2025-ci il tarixli inzibati xəta haqqında qərar xx.xx.2025-ci il tarixdə, EQ 30733099 nömrəli xx.xx.2025-ci il tarixli inzibati xəta haqqında qərar xx.xx.2025-ci il tarixdə Şəxs göndərilmişdir. İş materiallarına əlavə edilmiş “Asan Ödəniş” internet informasiya portalından əldə edilmiş məlumatdan görünür ki, EQ 30774625 nömrəli, EQ 29394630 nömrəli, EQ 29209761 nömrəli, EQ 30733099 və EQ 30288989 nömrəli qərarlar üzrə cərimə məbləği və ona hesablanmış dəbbə pulu ödənilmişdir. İnzibati Xətalar Məcəlləsinin 529.3-cü maddəsinə əsasən yol hərəkəti qaydaları əleyhinə olan inzibati xətaların, yaxud bu Məcəllənin 353.1, 353.2, 353.4 və ya 353.5-ci maddələrində nəzərdə tutulan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Həmin maddənin Qeyd hissəsinin 1-ci bəndinə əsasən bu Məcəllənin 529.3-cü maddəsində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, Şəxs inzibati məsuliyyətdən azad edilməklə onun barəsində xx.xx.2026-cı il tarixli, İXP ******* və İXP ******* nömrəli inzibati xəta haqqında protokollar əsasında Azərbaycan Respublikası İnzibati Xətalar Məcəlləsinin 529.3-cü maddəsi ilə başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə əsaslanaraq və İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə qəraraaldı: Şəxs xx.xx.2026-cı il tarixli, İXP ******* və İXP ******* nömrəli inzibati xəta haqqında protokollar üzrə Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati məsuliyyətdən azad olunaraq barəsində olan inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Ağdaş Rayon Məhkəməsi vasitəsi ilə və ya birbaşa Şəki Apellyasiya Məhkəməsinə şikayət verilə bilər. Hakim Fidan Ələkbərova