Biləsuvar Rayon Məhkəməsi Qərar — İş №3(5-115)-213/2026

Azərbaycan Respublikası adından QƏRAR Biləsuvar rayonu İş № 3(5-115)-213/2026 16.02.2026 BİLƏSUVAR RAYON MƏHKƏMƏSİ Mən - Biləsuvar Rayon Məhkəməsinin hakimi X5, məsləhətçi (iclas katibi) Məlikov Elnur Rafiq oğlunun katibliyi, Şikayət vermiş şəxs X2 iştirakı ilə, Baş Dövlət Yol Polisi İdarəsinin xx.xx.2026-cı il tarixli EQ 33538627 saylı qərarından X4 tərəfindən verilmiş şikayətə məhkəmənin inzibati binasında açıq məhkəmə iclasında baxaraq M ü ə y y ə n e t d i m: X1 Rayon Məhkəməsinə müraciət edərək, Baş Dövlət Yol Polisi İdarəsinin barəsində tərtib edilmiş EQ33538627 saylı xx.xx.2026-ci iİ tarixli elektron qərarının ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Şikayət vermiş şəxs X4 məhkəmə iclasında bildirmişdir ki, 29 yanvar 2026-ci il tarixində saat təxminən 10:25 radəiərində ona məxsus Mercedes markalı, **-HM-*** dövlət qeydiyyat nişanlı avtomobilini Bakı şəhəri, Yasamal rayonu, Tbilisi pr. 175 ünvanında yolun və səkinin sağ cinahında park etmişdir. Ona görə də barəsində İnzibati Xətalar Məcəlləsinin 346.4-cü maddəsi ilə elektron qaydada inzibati protokol tərtib olunmuşdur. Belə ki, protokol növü avtomatik, ani tərtib olunan - EQ kimi görünsə də, bu protokol telefon kamerası vasitəsi ilə şəxs tərəfindən çəkilmiş, İnzibati Xətalar Məcəlləsinin 122.1-ci bəndinin tələbləri pozulmuşdur. Yol nişanlanma xəttinin sürücülərə ayam şəkildə görsədilməməsi və ya gizlədilməsinə görə baş verən inzibati xətaya görə sürücü məsuliyyətə cəlb oluna bilməz. Habelə, həmin yer yolun hərəkət hissəsi və ya zolağı deyil, yolun sağında səki ilə nəqliyyat yolu arasında dəmir sütuncuqlar vardır. Avtomobili isə park olunmuş avtomobillərin önündə, səkinin sağında qalır. Odur ki, barəsində olan xx.xx.2026ci il tarixli İXM-nin 346.4-cü maddəsi ilə cərimə edilməsinə dair qərarın qanunsuz, ədalətsiz və əsassız olduğundan ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş edir. İnzibati xəta haqqında protokol tərtib etmiş Baş Dövlət Yol Polisi İdarəsinin əməkdaşı məhkəmə iclasına gəlməmişdir. İş materiallarını araşdıraraq hesab edirəm ki, X2 Baş Dövlət Yol Polisini İdarəsinin xx.xx.2026-cı il tarixli EQ 33538627 saylı qərarının ləğv edilməsi barədə şikayəti təmin edilməməlidir. Belə ki, işdə olan DİN BDYPİ-nin mərkəzi məlumat xidmətinin rəisi, polis polkovnikleytenantı Elvin Abdullazadə tərəfindən qəbul edilmiş xx.xx.2026-cı il tarixli EQ 33538627 saylı qərardan görünür ki, X4 İXM-in 346.4-cü maddəsində nəzərdə tutulmuş inzibati xətanı törətdiyi üçün barəsində 80 manat məbləğində inzibati tənbeh tədbiri tətbiq edilmişdir. İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 31.1 və 31.2-ci maddəsinə görə inzibati xətaya görə tənbeh bu Məcəlləyə uyğun olaraq tətbiq edilir. Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Beləliklə, yuxarıda qeyd edilənləri, habelə işdə iştirak edən şəxsin izahatını, işə əlavə edilmiş sənədləri nəzərə alaraq hesab edirəm ki, X2 barəsində DİN BDYPİ-nin mərkəzi məlumat xidmətinin rəisi, polis polkovnik-leytenantı Elvin Abdullazadə tərəfindən qəbul edilmiş xx.xx.2026-cı il tarixli EQ 33538627 saylı qərarın ləğv edilməsi barədə X4 tərəfindən verilmiş şikayət təmin edilməməli və həmin qərar qanuni və əsaslı hesab edilməlidir. İXM-in 8-ci maddəsinin tələblərinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İXM-in 84-cü maddəsinəı görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Heç bir sübutun qabaqcadan müəyyən edilmiş qüvvəsi yoxdur. Qeyd edilməlidir ki, İXM-in 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Qeyd olunanlara əsasən və İXM-in 130-134-cü maddələrini rəhbər tutaraq Q ƏRARA ALDİM: X2 Baş Dövlət Yol Polisi İdarəsinin xx.xx.2026-cı il tarixli EQ 33538627 saylı qərarının ləğv edilməsinə dair şikayəti təmin edilməsin. DİN BDYPİ-nin mərkəzi məlumat xidmətinin rəisi, polis polkovnik-leytenantı Elvin Abdullazadə tərəfindən qəbul edilmiş xx.xx.2026-cı il tarixli EQ 33538627 saylı qərar qanuni və əsaslı hesab edilsin. Qərarın surəti təqdim edildiyi və ya alındığı gündən 10 gün müddətinə Biləsuvar Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti və ya protesti verilə bilər. X8