Göyçay Rayon Məhkəməsi Qərar — İş №3(5-123)-206/2026

Azərbaycan Respublikası adından QƏRAR Göyçay rayonu İş № 3(5-123)-206/2026 11.03.2026 GÖYÇAY RAYON MƏHKƏMƏSİ Hakim Camalzadə Cavid Əhməd oğlunun sədrliyi Məmmədova Fidan Şöhrət qızının katibliyi ilə, Göyçay Rayon Polis Şöbəsi tərəfindən Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş xx.xx.2026-cı il tarixli, İXP ******* saylı inzibati xəta haqqında protokola və ona əlavə olunmuş materiallara açıq məhkəmə iclasında baxaraq, məhkəmə müəyyən etdi: Göyçay Rayon Polis Şöbəsində Şəxs barəsində Azərbaycan Respublikası İXM-in 529.3-cü maddəsi ilə xx.xx.2026-cı il tarixli, İXP ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. İş materiallarında olan və məhkəmə iclasında tədqiq olunmuş sənədlər: xx.xx.2026-cı il tarixli protokoldan görünür ki, “Renault Dokker” markalı, **-SM-*** dövlət qeydiyyat nişanlı nəqliyyat vasitəsini idarə edən Şəxs tərəfindən yol hərəkəti qaydaları əleyhinə olan inzibati xətaların törədilməsinə görə xx.xx.2025-ci il tarixdə EQ 31911660 saylı inzibati tənbeh vermə haqqında elektron qərar qəbul edilmiş, həmin qərar qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməmiş və nəticədə Azərbaycan Respublikası İXM-in 529.3-cü maddəsində nəzərdə tutulmuş inzibati xəta törədilmişdir. Barəsində inzibati xəta haqqında icraat aparılan şəxs Şəxs və inzibati xəta haqqında protokolu tərtib etmiş səlahiyyətli orqanın nümayəndəsinə məhkəmə iclasının vaxtı və yeri barədə qanunla müəyyən edilmiş qaydada lazımi bildiriş göndərilmiş, lakin həmin şəxslər məhkəmə iclasında iştirak etməmişdirlər. Barəsində inzibati xəta haqqında icraat aparılan şəxsin məhkəmə iclasında iştirak etməməsini işin obyektiv, hərtərəfli və tam araşdırılmasına maneə yaratmır və bu səbəbdən də Azərbaycan Respublikası İXM-in 61.3-cü maddəsinin tələblərinə uyğun olaraq inzibati xəta haqqında işə barəsində icraat aparılan şəxsin iştirakı olmadan baxılmasını məhkəmə mümkün hesab edilmişdir. xx.xx.2025-ci il tarixli, EQ 31911660 saylı inzibati tənbeh vermə haqqında elektron qərardan və həmin qərara əlavə edilmiş foto şəkildən görünür ki, Dəmirov X1 Dokker” markalı, **-SM-*** dövlət qeydiyyat nişanlı nəqliyyat vasitəsi ilə hərəkətdə olan zaman yolda müəyyən edilmiş hərəkət sürətini 11 km/saat həddində aşmış və nəticədə Azərbaycan Respublikası İXM-in 328.1-ci maddəsində nəzərdə tutulmuş inzibati xətanı törətmişdir. Şəxs Azərbaycan Respublikası İXM-in 328.1-ci maddəsində nəzərdə tutulmuş inzibati xətanın törədilməsinə görə 10 manat məbləğində inzibati cərimə növündə tənbeh tətbiq edilmişdir. “AsanPay Web” internet portalından əldə edilmiş çıxarışdan görünür ki, Şəxs xx.xx.2025-ci il tarixli, EQ 31911660 saylı qərarla təyin edilmiş cəriməni qanunla müəyyən edilmiş müddət ərzində ödəmədiyi üçün üzərinə əlavə olaraq 6 manat məbləğində dəbbə pulu hesablanmış və Şəxs ödəməli olduğu cərimənin ümumi məbləği 16 manat təşkil etmişdir. Yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiqetmə haqqında xx.xx.2025-ci il tarixli, EQ 31911660 saylı qərar qanuni qüvvəyə mindiyi gündən 2 ay müddətində Şəxs tərəfindən icra edilmədiyi üçün Azərbaycan Respublikası İXM-in 96.1-ci maddəsinə əsasən idarə etdiyi “Renault Dokker” markalı, **-SM-*** dövlət qeydiyyat nişanlı nəqliyyat vasitəsinin saxlanılması və BDYPİ-nin mühafizə olunan duracağına yerləşdirilməsi haqqında xx.xx.2026-cı il tarixdə qərar qəbul edilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. 33.1.2-ci maddəsinə əsasən inzibati xətaya görə inzibati tənbeh almış şəxsin eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi inzibati tənbeh tətbiq edilərkən, məsuliyyəti ağırlaşdıran hal hesab edilir. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 529.3-cü maddəsinə əsasən yol hərəkəti qaydaları əleyhinə olan inzibati xətaların, yaxud bu Məcəllənin 353.1, 353.2, 353.4 və ya 353.5-ci maddələrində nəzərdə tutulan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə - nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Həmin maddənin qeyd hissəsinə əsasən bu Məcəllənin 529.1-ci və ya 529.2-ci maddələrində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu (bu Məcəllə ilə müəyyən edilmiş hallarda), 529.3-cü maddəsində nəzərdə tutulmuş inzibati xətanı törətmiş şəxs isə müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. Məhkəmənin hüquqi qiymətləndirməsi: İş materiallarında görünür ki, Şəxs Azərbaycan Respublikası İXM-in 328.1-ci maddəsində nəzərdə tutulmuş inzibati xətanın törədilməsinə görə 10 manat məbləğində inzibati cəriməni qərar qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra etməmişdir. Azərbaycan Respublikası İXM-in 529.3-cü maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında xx.xx.2026-cı il tarixli, İXP ******* saylı protokol, xx.xx.2025-ci il tarixli, EQ 31911660 saylı qərar, habelə iş materiallarında olan digər sənədlərlə tam sübuta yetirilmişdir. Belə ki, şəxs tərəfindən cərimənin icrasından yayınma hallarına yol verilməsi onun üzərinə düşən inzibati öhdəliyin icrasına laqeyd münasibət göstərdiyini təsdiq edir. Elektron qərarın qanuni qüvvəyə mindiyi tarixdən sonra könüllü icra üçün kifayət qədər müddət mövcud olmuşdur. Həmçinin, Göyçay Rayon Polis Şöbəsində Şəxs barəsində Azərbaycan Respublikası İXM-in 529.3-cü maddəsi ilə xx.xx.2026-cı il tarixli, İXP ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. Göründüyü kimi Şəxs eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətmişdir. Şəxsin eyni xarakterli inzibati xətanı bir il ərzində təkrar törətməsi onun hüquq normalarına laqeyd münasibətini göstərir və məsuliyyəti ağırlaşdıran hal kimi qiymətləndirilməlidir. Törədilmiş inzibati xətanın xarakterini, inzibati xəta törədən şəxsin şəxsiyyətini, onun təqsir dərəcəsini, məsuliyyəti ağırlaşdıran halın müəyyən edilməsini, habelə inzibati tənbehin tərbiyəvi və preventiv məqsədlərini nəzərə alaraq məhkəmə hesab edir ki, Şəxs Azərbaycan Respublikası İXM-in 529.3-cü maddəsinin sanksiyası həddində nəqliyyat vasitələrini idarə etmək hüququnun məhdudlaşdırılması növündə inzibati tənbeh tətbiq edilməsi qanuni, əsaslı və ədalətli hesab olunmalıdır Yuxarıda göstərilənlərə əsasən və Azərbaycan Respublikası İXM-in 43, 32.2, 33.1.2, 114 və 115-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətməkdə təqsirli bilinərək, ona nəqliyyat vasitələrini idarə etmək hüququnun 9 ay müddətinə məhdudlaşdırılması növündə inzibati tənbeh tətbiq edilsin. Qərarın sürəti rəsmi qaydada verildiyi vaxtdan 10 (on) gün müddətində qərarı qəbul etmiş Göyçay Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət və ya protest verilə bilər. Hakim Cavid Camalzadə