Göygöl Rayon Məhkəməsi Qərar — İş №3(5-124)-26/2026

Azərbaycan Respublikası adından QƏRAR Göygöl rayonu İş № 3(5-124)-26/2026 27.01.2026 GÖYGÖL RAYON MƏHKƏMƏSİ Hakim Hüseynzadə Leyla Vəliyyəddin qızının sədrliyi, X2 iclas katibliyi, Göygöl YNH inspektoru polis baş leytenantı Nümayəndə, barəsində inzibati icraat aparılan Şəxs iştirakları ilə, xx.xx.1960-cı ildə Vedi rayonunda doğulmuş, Azərbaycan Respublikası vətəndaşı, evli, orta təhsilli, fərdi əməklə məşğul olan, ünvan 1 ünvanında qeydiyyatda olan və yaşayan, Şəxs barəsində Azərbaycan Respublikası İnzibati Xətalar Məcəlləsinin 332.4 və 327.1-ci maddəsi ilə Göygöl rayon polis Şöbəsindən daxil olmuş inzibati xəta haqqında iş materiallarına açıq məhkəmə iclasında baxaraq, məhkəmə müəyyən etdi: Şəxs Azərbaycan Respublikası İXM-in 332.4, 327.1-ci maddələri ilə inzibati xəta törətməsi haqqında Göygöl YNH inspektoru polis baş leytenantı Nümayəndə tərəfindən İXP ******* saylı protokol tərtib edilərək baxılması üçün Göygöl Rayon Məhkəməsinə göndərilmişdir. Göygöl YNH inspektoru polis baş leytenantı Nümayəndə tərəfindən tərtib olunmuş xx.xx.2026-cı il tarixli İXP ******* nömrəli inzibati xəta haqqında protokolda göstərilmişdir ki, xx.xx.2025-ci il tarixdə saat 18:26-da Şəxs “VAZ 2106” minik markalı, 25BJ906 dövlət qeydiyyat nişanlı nəqliyyat vasitəsi ilə İXM-in 332.4 və 327.1-ci maddələri ilə nəzərdə tutulmuş inzibati xətanı törətmişdir. Məhkəmə iclasında Göygöl YNH inspektoru polis baş leytenantı Nümayəndə inzibati xəta haqqında protokola uyğun izahat verərək məhkəmədən törədilmiş inzibati xəta ilə bağlı inzibati tənbeh tətbiq olunmasını xahiş edir. Bildirdi ki, hadisə zamanı zərərçəkmiş şəxs hazırda həqiqi hərbi xidmətdədir, bu səbəbdən iştirak edə bilmir. Şəxsin həmin vaxt nəqliyyat vasitəsini idarə etmək hüququ olmamışdır. Məhkəmə iclasında barəsində inzibati xəta haqqında iş üzrə icraat aparılan Şəxs izahatında təqsirini etiraf edərək əməlindən peşman olduğunu bildirdi.Oğlunu işə apararkən qəfildən hadisə baş verdiyini bildirdi. Azərbaycan Respublikası İnzibati Xətalar Məcəlləsinin 332.4-cü maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə baxışında müəyyən edilmişdir ki, xx.xx.2025-ci il tarixdə saat 18:26-da Şəxs “VAZ 2106” minik markalı, 25BJ906 dövlət qeydiyyat nişanlı nəqliyyat vasitəsi ilə İXM-nin 332.4 və 327.1-ci maddə ilə nəzərdə tutulmuş inzibati xətanı törətmişdir. İş materiallarında olan yol nəqliyyat hadisəsinin sxemindən görünür ki, barəsində inzibati iş aparılan şəxs Şəxs idarə etdiyi “VAZ 2106” minik markalı, 25BJ906 dövlət qeydiyyat nömrə nişanlı avtomaşının hadisə zamanı ön hissəsi Zərərçəkmiş şəxs idarə etdiyi “VAZ 2106” minik markalı, 25BJ906 dövlət qeydiyyat nişanlı avtomaşın ilə toqquşmuşdur. Zərərçəkmiş şəxs Göygöl RPŞ-ə verdiyi izahatında göstərilmişdir ki, 12.2025-ci il tarixdə qardaşı X1 adına olan VAZ-21093 markalı **-GH-*** qeydiyyat nişantı avtomobil ilə saat 18 radələrində A.Hacıyev küçəsində yerləşən İnternet kluba gedib. Təxminən orada 20 dəqiqə tanışları ilə söhbət etdikdən sonra anası ona zəng edib evə çağırıb. O, yolun kənarında saxladığı avtomobilə əyləşmək istəyən zaman anidən arxadan gələn **-BJ-*** qeydiyyat nişanlı avtomobil onun avtomobilinin sağ arxa hissəsində vuraraq qəza törədib. Zərbənin təsirindən o, yerə yıxılıb və sağ ayağından sıyrıq xəsarətləri alıb. Daha sonra həmin yerə ətrafda olan şəxslər ona köməklik edib ayağa qaldırıblar. Sonradan o, qardaşı Kamrana zəng edib yanına çağırıb və hadisəni törədən **-BJ-*** qeydiyyat nişanlı avtomobilin sürücüsü Akif adlı şəxs avtomobilinə dəyən maddi ziyanı eləcə də onun almış olduğu bədən xəsarətləri üçün xəstəxana xərclərini ödəyəcəyini bildirdiyi üçün razılaşıb oradan avtomobilini götürüb, lakin sonradan Akif adlı şəxs sözünə əməl etmədiyi üçün şikayətçi olub. Azərbaycan Respublikası Səhiyyə Nazirliyi “Məhkəmə Tibbi-Ekspertiza və X3” publik hüquqi şəxsi tərəfindən verilmiş xx.xx.2026-cı il tarixli 05 nömrəli ekspert rəyində göstərilmişdir ki, vət. Zərərçəkmiş şəxs bədəni üzərində aşkar edilmiş xəsarətlər-sol diz oynağı nahiyyəsinin yumşaq toxumalarının əzilməsi (qançır, sıyrıq və şişkinliyi) sağ baldır, hər iki bud, sol bazu və sağ bayır topuq oynağı nahiyyələrinin sıyrıqları-bərk küt əşyanın təsiri nəticəsində əmələ gəlmişdir, əmələ gəlmə müddətləri müayinə olunanın dediyi tarixə, yəni xx.xx.2025-ci il tarixə uyğun gəlir və dərəcəsinə görə birgə sağlamlığın qısa müddətə pozulmasına səbəb olan sağlamlığa Yüngül zərər vurmaya aid edilir. 16 yanvar 2026-cı il tarixli “cinayət işi başlanmasının rədd edilməsi haqqında” qərarda qeyd olunur ki, Şəxs əməlində cinayət tərkibi olmadığı üçün onun barəsində cinayət işinin başlanması rədd edilmişdir, qərarın ntəsviri hissəsində göstərilənlərə əsasən Şəxs barəsində AR İXM 327.1 və 332.4-cü maddəsinə əsasən inzibati tənbeh tədbirinin görülməsi üçün qəbul edilmiş qərarın surəti RPŞ DYPB-nə həvalə edilmişdir. Məhkəmə toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, Şəxs Azərbaycan Respublikası İXM-in 332.4-cü maddəsində nəzərdə tutulmuş inzibati xətanı törətməsi özünün etirafı və iş materialları ilə tam sübuta yetirilir. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, şahid izahatı və digər sənədlərlə, xüsusi texniki vasitələrin göstəriciləri ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Hazırki halda Şəxs hərəkətində AR İXM-nin 332.4-cü maddəsinə əsasən inzibati xəta tərkibi olması iş üzrə toplanmış sübutlar və tərəflərin izahatları ilə sübut edilmişdir. Məhkəmə Şəxs hansı tənbeh növünün tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin səmimi etirafını, habelə yaşını nəzərə alaraq İXM-nin 332.4-cü maddəsinin sanksiyasında nəzərdə tutulmuş cərimə növündə tənbehi tətbiq edilməlidir. Eyni zamanda Şəxs barəsində tərtib edilmiş inzibati xəta haqqında protokolda onun tərəfindən Azərbaycan Respublikası İXM-nin 332.4-cü maddəsi ilə yanaşı, həmçinin 327.1-ci maddəsində nəzərdə tutulan inzibati xətanın törədilməsi də qeyd olunmuşdur. Bununla bağlı məhkəmə qeyd edir ki, Azərbaycan Respublikası İnzibati Xətalar Məcəlləsinin 43.1-ci maddəsində rayon (şəhər) məhkəmələrinin baxmağa səlahiyyətli olduğu inzibati xətalara dair işlərin tam siyahısı göstərilmişdir. Həmin maddəyə əsasən, İXM-nin 327.1-ci maddəsi ilə nəzərdə tutulmuş inzibati xətalara dair işlərə baxılması rayon (şəhər) məhkəmələrinin səlahiyyətində deyildir. “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə Azərbaycan Respublikası Prezidentinin 15 fevral 2016-cı il tarixli Fərmanın 5.1-ci bəndinə əsasən Azərbaycan Respublikası İnzibati Xətalar Məcəlləsinin 327.1 və 327.6-cı maddəsində nəzərdə tutulmuş inzibati xətaya dair işlərə Azərbaycan Respublikası Daxili İşlər Nazirliyi baxır. “Azərbaycan Respublikası İnzibati Xətalar Məcəlləsinin 34-cü maddəsinin şərh edilməsinə dair” Azərbaycan Respublikası Konstitusiya Məhkəməsinin Plenumunun 2 sentyabr 2020-ci il tarixli qərarında qeyd edilmişdir ki, Konstitusiya Məhkəməsinin Plenumu müraciətdə göstərilən, şəxsin eyni vaxtda törətdiyi (bir hərəkətlə ideal məcmu yaradan) bir neçə inzibati xətaya dair işlərə baxılması müxtəlif orqanların səlahiyyətlərinə aid olduqda, bu işlərin eyni vaxtda, eyni orqan tərəfindən baxılmasının mümkünlüyü məsələsinə aydınlıq gətirilməsini zəruri hesab edir. Yuxarıda qeyd olunduğu kimi, qanunverici eyni vaxtda törədilən bir neçə inzibati xətaya dair protokolların eyni orqan tərəfindən tərtib edilməsi və eyni orqanın səlahiyyətinə aid olması ilə şərtləndirmişdir. Yəni eyni vaxtda törədilən bir neçə inzibati xətaya dair işlərə bir orqan tərəfindən baxılması, yalnız həmin xətaların hər biri bu orqanın səlahiyyətinə aid olduqda mümkündür. Şəxsin bir hərəkəti ilə bir neçə inzibati xəta törətməsi, bu xətalardan biri məhkəmənin, digəri isə müvafiq orqanın səlahiyyətinə aid olduqda bu xətalara münasibətdə ayrı-ayrı orqanlar öz səlahiyyətləri çərçivəsində tənbeh tətbiq etməlidirlər. Şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması ayrı-ayrı orqanların səlahiyyətinə aid olduqda, Azərbaycan Respublikasının İnzibati Xətalar Məcəlləsinin 34.1-ci maddəsinə əsasən müvafiq səlahiyyətli orqanlar tərəfindən hər bir inzibati xətaya görə ayrılıqda inzibati tənbeh tətbiq edilir. Qeyd olunanlara əsasən məhkəmə belə qənaətə gəlir ki, Şəxs Azərbaycan Resublikasının İnzibati Xətalar Məcəlləsinin 332.4-cü maddəsi ilə təqsirli bilinib, cərimə növündə tənbeh tətbiq edilməsi onu qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Həmçinin məhkəmə hesab edir ki, Şəxs barəsində tərtib edilmiş inzibati xəta haqqında protokol Azərbaycan Respublikasının İnzibati Xətalar Məcəlləsinin 327.1-ci maddəsinə münasibətdə baxılması üçün Göygöl rayon Polis Şöbəsinə göndərilməlidir. Göstərilənlərə əsаsən və İXM-nin 112, 114, 115, 117, 128-130-cu mаddələrini rəhbər tutаrаq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanın törədilməsində təqsirli bilinib 500 (beş yüz) manat məbləğində cərimə edilsin. Şəxs barəsində tərtib edilmiş inzibati xəta haqqında protokol Azərbaycan Respublikasının İnzibati Xətalar Məcəlləsinin 327.1-ci maddəsinə münasibətdə baxılması üçün Göygöl Rayon Polis Şöbəsinə göndərilsin. Qərаrın surəti təqdim edildiyi və yа аlındığı gündən 10 gün müddətinə Göygöl Rayon Məhkəməsi vasitəsi ilə Gəncə Аpellyаsiyа Məhkəməsinə şikаyət və protest verilə bilər. Sədrlik edən: Leyla Hüseynzadə