Hacıqabul Rayon Məhkəməsi Qərardad — İş №3(5-125)-79/2026

Azərbaycan Respublikası adından Qərardad Hacıqabul rayonu İş № 3(5-125)-79/2026 13.03.2026 HACIQABUL RAYON MƏHKƏMƏSI Hacıqabul Rayon Məhkəməsinin hakimi Bayramov Orxan Telman oğlu, Qərardan şikayət verən orqan (şəxs) DİN BDYPİ-nin Mərkəzi Məlumat Xidmətinin rəisi polis Rı Elvin Abdullazadə tərəfindən qəbul edilmiş ## ###### 2026-cı il tarixli, EQ seriyalı, ******** saylı qərarından verilmiş şikayət ərizəsi və müddətin bərpasına dair vəsatət üzrə işin baxılmağa hazırlanması zamanı nəzərdən keçirib, MÜƏYYƏN ETDİM : Qərardan şikayət verən orqan (şəxs) DİN BDYPİ-nin Mərkəzi Məlumat Xidmətinin rəisi polis Rı Elvin Abdullazadə tərəfindən qəbul edilmiş ## ###### 2026-cı il tarixli, EQ seriyalı, ******** saylı qərarından verilmiş şikayət ərizəsi ## #### 2026-cı il tarixdə məhkəməyə daxil olmuşdur. Belə ki, müəyyən edilmişdir ki, inzibati tənbeh tətbiq etmə barədə qərar Mikayılov İbrahim Rövşən oğlu barəsində qəbul edilmiş, lakin şikayət Qərardan şikayət verən orqan (şəxs) adından tərtib edilmiş və imzalanmışdır. Azərbaycan Respublikası İnzibati Xətalar Məcəlləsində şahidin, zərərçəkmiş şəxsin, həmçinin hüquqi şəxsin nümayəndəsinin olması nəzərdə tutulmuş, barəsində inzibati xəta haqqında iş üzrə icraat aparılan şəxsə hüquqi yardım göstərmək üçün müdafiəçi nəzərdə tutulmuşdur. Müdafiəçi qismində isə yalnız vəkilin iştirak edə biləcəyi müəyyən edilmişdir. İndiki halda isə şikayəti barəsində inzibati xəta haqqında iş üzrə icraat aparılan şəxsin nə özü, nə də qanunvericiliklə müəyyən edilmiş qaydada səlahiyyətli müdafiəçisi imzalamamışdır. Beləliklə də, hazırkı şikayət hüququ olmayan şəxs tərəfindən imzalanmışdır. Azərbaycan Respublikası İnzibati Xətalar Məcəlləsinin 61.1.6-ci maddəsinə əsasən barəsində inzibati xəta haqqında iş üzrə icraat aparılan şəxsin inzibati xətalar haqqında işlər üzrə icraatın təmin edilməsi tədbirlərinin tətbiqindən və iş üzrə qəbul edilmiş qərardan şikayət vermək hüququ var. Həmin Məcəllənin 65.1-ci maddəsinə əsasən barəsində inzibati xəta haqqında iş üzrə icraat aparılan şəxsə hüquqi yardım göstərmək üçün inzibati xəta haqqında iş üzrə icraatda müdafiəçi, zərər çəkmiş şəxsə hüquqi yardım göstərmək üçün isə nümayəndə iştirak edə bilər. Həmin Məcəllənin 65.1-1-ci maddəsinə əsasən məhkəmənin baxdığı inzibati xəta haqqında iş üzrə icraata fiziki şəxsin müdafiəçisi qismində yalnız vəkil, zərər çəkmiş fiziki şəxsin nümayəndəsi qismində isə onun yaxın qohumu və ya vəkil buraxılır. Həmin Məcəllənin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər; Həmin Məcəllənin 128.2.3-cü maddəsinə əsasən səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə inzibati xəta haqqında iş üzrə qərardan şikayət, prokuror isə protest verə bilər; 132.1-ci maddəsinə əsasən inzibati xəta haqqında iş üzrə qərardan verilən şikayətə baxmağa hazırlıq zamanı hakim tərəfindən aşağıdakı məsələlər həll edilir: inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi (132.1.1), inzibati xəta haqqında iş üzrə icraatı rədd edən hallar mövcuddurmu (132.1.2), vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılma üçün lazım olan şəxslər çağırılır (132.1.3). Məhkəmə hesab edir ki, yuxarıda qeyd edilən səbəblərdən şikayət subyektiv hüququ olmayan şəxs tərəfindən imzalandığı və şikayət etmək hüququ olmayan şəxsin adından verildiyi üçün geri qaytarılmalıdır. Məhkəmə həmçinin qeyd edir ki, “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun ## ###### 2020-ci il tarixli Qərarına əsasən inzibati xətalar qanunvericiliyinin ümumi və xüsusi normalarında məhkəmə qərardadlarından şikayət verilməsi nəzərdə tutulmamışdır. Yəni İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Odur ki, hazırki iş üzrə qərardad inzibati xəta haqqında işin baxılmasına hazırlanması zamanı qəbul edildiyindən qərardaddan apellyasiya şikayəti verilə bilməz. Şərh olunanları və Azərbaycan Respublikası İnzibati Xətalar Məcəlləsinin 132-ci maddəsini rəhbər tutaraq məhkəmə QƏRARA ALDIM: Qərardan şikayət verən orqan (şəxs) DİN BDYPİ-nin Mərkəzi Məlumat Xidmətinin rəisi polis Rı Elvin Abdullazadə tərəfindən qəbul edilmiş ## ###### 2026-cı il tarixli, EQ seriyalı, ******** saylı qərarından verdiyi şikayəti, müddətin bərpasına dair vəsatəti və ona əlavə edilmiş sənədlər geri qaytarılsın. Qərardaddan şikayət verilə bilməz. Hakim: Orxan Bayramov