Qazax Rayon Məhkəməsi Qərar — İş №3(5-136)-201/2026

Azərbaycan Respublikası adından QƏRAR Qazax rayon İş № 3(5-136)-201/2026 13.02.2026 QAZAX RAYON MƏHKƏMƏSİ Hakim Mansırov Elçin Faxrəddin oğlunun sədrliyi, Qəhrəmanova Mehin Asəf qızının katibliyi, Barəsində inzibati xəta haqqında iş üzrə icraat aparılan şəxs Şəxs, İnzibati xəta haqqında protokolu tərtib etmiş Qazax Rayon İcra və Probasiya Şöbəsinin icra məmuru X2 iştirakları ilə, xx.xx.1988-ci ildə Qazax rayonu, Orta Salahlı kəndində anadan olan, Azərbaycan Respublikasının vətəndaşı, subay, Qazax rayonu, Orta Salahlı kəndində qeydiyyatda olan Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Qazax Rayon İcra və Probasiya Şöbəsindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Qazax Rayon İcra və Probasiya şöbəsi tərəfindən tərtib olunmuş 13 fevral 2026-cı il tarixli, MN ******* nömrəli inzibati xəta haqqında protokoldan görünür ki, Şəxs Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli, və Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra sənədləri üzrə yaranmış 7140 manat aliment borcunu tələbkara ödəməmiş icra sənədinin icrası ilə əlaqədar Qazax Rayon İcra və Probasiya Şöbəsinin icra məmurunun qanuni tələblərini yerinə yetirməmiş, bununla da, Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xətanı törətmişdir. Məhkəmə iclasında Qazax rayon İcra və Probasiya Şöbəsinin icra məmuru X7 göstərmişdir ki, borclu Şəxs Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli, və Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra vərəqəsinə əsasən Tərəflərin birgə nikahından doğulmuş xx.xx.2010-cu il təvəllüdlü X5 və xx.xx.2012-ci il təvəllüdlü X3 yetkinlik yaşına çatanadək saxlanmalı üçün Qazax rayon məhkəməsinin 04 dekabr 2023-cü il tarixli, 2(023)- 1233/2023 nömrəli qətnaməsi ilə hər uşaq üçün 170 manat olmaqla cəmi 340 manat, Qazax rayon məhkəməsinin 18 mart 2024-cü il tarixli, 2(023)-32/2024 nömrəli qətnamə üzrə 70 manat olmaqla cəmi 340 manat aliment alınaraq Zərərçəkmiş şəxs ödənilməsi qət edilmişdir. Borclu Şəxs yığılıb qalmış 7140 manat aliment borcu var hal-hazırda həmin borcundan 300 manat ödəniş etmiş və 6840 manat aliment borcu var. 7140 manat ödənişi etmədiyindən borclu Şəxs barəsində inzibati protokolun tərtibinə zərurət yaranmış və borclu barəsində inzibati xəta haqqında protokol tərtib edilərək onun İXM-nin 528.1-ci maddəsi ilə inzibati məsuliyyətə cəlb edilməsini xahiş edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs (borclu) Şəxs izahatında göstərmişdir ki, Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli və Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra vərəqələrinə əsasən birgə nikahından doğulmuş xx.xx.2010-cu il təvəllüdlü X5 və xx.xx.2012-ci il təvəllüdlü X4 yetkinlik yaşına çatanadək saxlanılmaları üçün hər ay 340 manat olmaqla aliment tutularaq iddiaçı Zərərçəkmiş şəxs verilməsi qərara alınmışdır. Qətnamələr qəbul edilən zaman Azərbaycan Respublikasının ərazisində olmamış qətnamədən məlumatsız olmuşdur. Halhazırda borcundan 300 manay ödəniş etmişdir. Eyni zamanda birgə nikahlarından olan xx.xx.2012-ci il təvəllüdlü X8 hazırda onun himayəsindədir. Odur ki, qanuna müvafiq qərar qəbul edilməsinin xahiş etdi. İş materiallarında olan və məhkəmə iclasında tədqiq edilən Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli icra vərəqəsinə əsasən cavabdeh Şəxs xx.xx.2010-cu il təvəllüdlü X5 və xx.xx.2012-ci il təvəllüdlü X1 üçün xx.xx.2023-cü il tarixdən başlayaraq hər ay hər uşaq üçün 170 manat, cəmi 340 manat sabit pul məbləğində aliment alınaraq uşağın atası Zərərçəkmiş şəxs verilməsi barədə qətnamə qəbul edilmişdir. İş materiallarında olan və məhkəmə iclasında tədqiq edilən icraata başlamaq haqqında 05 dekabr 2023-cü il tarixli qərardan görünür ki, Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli icra sənədi üzrə Qazax Rayon İcra və Probasiya Şöbəsində icraat başlanılmışdır. İş materiallarında olan və məhkəmə iclasında tədqiq edilən Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra vərəqəsinə əsasən cavabdeh Şəxs xx.xx.2010-cu il təvəllüdlü X5 və xx.xx.2012-ci il təvəllüdlü X1 üçün xx.xx.2024-cü il tarixdən başlayaraq hər ay hər uşaq üçün 170 manat, cəmi 340 manat sabit pul məbləğində aliment alınaraq uşağın atası Zərərçəkmiş şəxs verilməsi barədə qətnamə qəbul edilmişdir. İş materiallarında olan və məhkəmə iclasında tədqiq edilən icraata başlamaq haqqında 26 aprel 2024-cü il tarixli qərardan görünür ki, Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra sənədi üzrə Qazax Rayon İcra və Probasiya Şöbəsində icraat başlanılmışdır. İş materiallarında olan və məhkəmə iclasında tədqiq edilən Kapitalbank ASC-nin 1- 773296881 nömrəli xx.xx.2026-cı il tarixli qəbzdən görünür ki, 100 manat ödəniş edilmişdir. İş materiallarında olan və məhkəmə iclasında tədqiq edilən Kapitalbank ASC-nin 1- 773298576 nömrəli xx.xx.2026-cı il tarixli qəbzdən görünür ki, 100 manat ödəniş edilmişdir. İş materiallarında olan və məhkəmə iclasında tədqiq edilən Kapitalbank ASC-nin 1- 773299475 nömrəli xx.xx.2026-cı il tarixli qəbzdən görünür ki, 100 manat ödəniş edilmişdir. Məhkəmə inzibati xəta haqqında materialları araşdırıb, icra məmurunu və barəsində inzibati protokol tərtib edilmiş şəxsin, zərərçəkmiş şəxsin izahatlarını dinləyib hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair işin icratına xitam verilməlidir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən-məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikasının İnzibati Xətalar Məcəlləsinin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbulu və icra edilməsi, həmin vaxtı qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikasının İnzibati Xətalar Məcəlləsinin tələblərinə müvafiq olaraq tərtib edilməsi məsələsini həll edir. Azərbaycan Respublikasının İnzibati Xətalar Məcəlləsinin 53.1.2-ci maddəsinə əsasən, əməldə inzibati xəta tərkibi olmadıqda inzibati xəta haqqında işlər üzrə icraat başlanıla bilməz, başlanmış icraata isə xitam verilir. Belə ki, məhkəmə iclasında müəyyən edildi ki, borclu Şəxs Qazax rayon məhkəməsinin 04 dekabr 2023-cü il tarixli, 2(023)-1233/2023 nömrəli və Qazax rayon məhkəməsinin 18 mart 2024-cü il tarixli, 2(023)-32/2024 nömrəli icra vərəqələrinin icrasından imtina etmir. İnzibati Xətalar Məcəlləsinin 528.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə məsuliyyət yaranır. Göründüyü kimi Şəxs qətnamənin icrasından imtina etmir, yaranmış borcundan hətta birdəfəlik 300 manat məbləğində ödəniş etmişdir. Bu səbəbdən onun əməlində İnzibati Xətalar Məcəlləsinin 528.1-ci maddəsinin tərkibi yoxdur. Məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsi barədə inzibati işin icraatına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 61, 62, 114, 128-130-cu maddələrini rəhbər tutaraq qərara aldı: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti, təqdim edildiyi və ya alındığı gündən 10 (on) gün müddətində Qazax Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. HAKİM: Elçin Mansırov