Qəbələ Rayon Məhkəməsi Qərar — İş №3(5-137)-149/2026

Azərbaycan Respublikası adından QƏRAR Qəbələ şəhəri İş № 3(5-137)-149/2026 23.02.2026 QƏBƏLƏ RAYON MƏHKƏMƏSİ Qəbələ rayon Məhkəməsi, X8 Oktay oğlunun sədrliyi, Cabbarova Səbinə Adil qızının katibliyi, Qəbələ rayon İcra və Probasiya şöbəsinin icra məmuru, İ dərəcəli ədliyyə qulluqçusu X4, barəsində inzibati xəta haqqında iş üzrə icraat aparılan şəxs Şəxs və müdafiəçi Vəkil iştirakı ilə, xx.xx.1985-ci ildə Qəbələ rayonu, Mıxlıqovaq kəndində anadan olmuş, AR vətəndaşı, evli, Qəbələ rayonu, Mıxlıqovaq kəndində qeydiyyatda olan Şəxs barəsində AR İXM-nin 528.1-ci maddəsi ilə olan inzibati xəta haqqında iş üzrə icraatın materiallara açıq məhkəmə iclasında baxaraq M Ü Ə Y Y Ə N E T D İ: Şəxs barəsində AR İXM-nin 528.1-ci maddəsi ilə ondan ötrü inzibati xəta haqqında protokol (xx.xx.2026-cı il tarixli MN 2330548) tərtib olunmuşdur ki, o, Zərərçəkmiş şəxs xeyrinə xx.xx.2021ci il təvəllüdlü X6 və xx.xx.2023-cü il təvəllüdlü X3 yetkinlik yaşına çatanadək saxlanılmaları üçün sonrakı artımlar nəzərə alınmaqla hər uşaq üçün hər ay ölkə üzrə müəyyən olunmuş minumum əməkhaqının 0,5 misli həddində (200 manat) sabit pul məbləğində aliment ödəməsi barədə Qəbələ Rayon Məhkəməsinin 07 aprel 2025-ci il tarixli e-2(025)-123/2025 saylı icra sənədi üzrə tələbi icra məmuru tərəfindən müəyyən edilmiş müdətdə üzürsüz səbəbdən icra etməyərək 1200,0 manat borclu qalmışdır. Barəsində inzibati xəta haqqında Protokol tərtib olunmuş şəxs Şəxs özünü təqsirli bilməyərək göstərmişdir ki, Zərərçəkmiş şəxs xeyrinə xx.xx.2021-ci il təvəllüdlü X6 və xx.xx.2023-cü il təvəllüdlü X3 yetkinlik yaşına çatanadək saxlanılmaları üçün sonrakı artımlar nəzərə alınmaqla hər uşaq üçün hər ay ölkə üzrə müəyyən olunmuş minumum əməkhaqının 0,5 misli həddində (200) manat sabit pul məbləğində aliment ödəməsi barədə Qəbələ Rayon Məhkəməsinin 07 aprel 2025ci il tarixli e-2(025)-123/2025 saylı icra sənədi üzrə 1200,0 manat məbləğində borcu ödəməməsi üzürsüz səbəbdən olmamışdır. Belə ki, o, əvvəllər “FAB” boya şirkətində işləmiş və sağlamlıq vəziyyətində yaranmış ciddi problemlərlə əlaqədar əmək qabiliyyətini tamamilə itirdiyi üçün 2025-ci ilin may ayında işdən çıxmışdır. Həmin vaxtdan indiyədək ağ ciyər və nəfəs yolları xəstəliklərindən dövlət hesabına müalicə alaraq heç yerdə işləməmiş, o cümlədən maddi gəlirləri və qiymətli əmlakı olmadığından ailimenti ödəyə bilməmişdir. Hal-hazırda düçar olduğu ağciyər şişkinliyi xəstəliyi səbəbindən əllillik dərəcəsi təyin olunmasına və aliment borcunun veriləcək pensiya hesabına ödənilməsinə ümid edir. İşdə olan Qəbələ Rayon Məhkəməsinin 07 aprel 2025-ci il tarixli e-2(025)-123/2025 nömrəli icra vərəqəsinə əsasən cavabdeh Şəxs xx.xx.2021-ci il təvəllüdlü X6 və xx.xx.2023-cü il təvəllüdlü X3 yetkinlik yaşına çatanadək saxlanılmaları üçün sonrakı artımlar nəzərə alınmaqla hər uşaq üçün hər ay ölkə üzrə müəyyən olunmuş minumum əməkhaqının 0,5 misli həddində (200) manat sabit pul məbləğində aliment tutulub tələbkar Zərərçəkmiş şəxs xeyrinə ödənilməlidir. İşdə olan Qəbələ Rayon İcra və Probasiya Şöbəsinin xx.xx.2025-ci il tarixli “İcraata başlamaq haqqında” Qərarının surətinə əsasən Qəbələ Rayon Məhkəməsinin 07 aprel 2025-ci il tarixli e-2(025)-123/2025 nömrəli icra sənədi üzrə icraat başlanılmış və borcluya 10 gün müddətində icranı könüllü qaydada təmin etməsi təklif edilmişdir. İşdə olan AR-nın ƏN Qəbələ Rayon İcra Qrupu tərəfindən verilmiş xx.xx.2025-ci il tarixli e279992/2025-11-6 nömrəli bildirişin surətinə əsasən borclu Şəxs Qəbələ Rayon Məhkəməsinin 07 aprel 2025-ci il tarixli e-2(025)-123/2025 nömrəli icra sənədi üzrə tələbi 10 gün müddətində könüllü qaydada təmin etməsi tələb olunmuşdur. İşdə olan AR ƏN Qəbələ rayon İPŞ tərəfindən verilmiş arayışa əsasən, Qəbələ Rayon Məhkəməsinin 07 aprel 2025-ci il tarixli e-2(025)-123/2025 saylı icra sənədinə əsasən borclu Şəxs Zərərçəkmiş şəxs 1200,0 manat, borcu var. İşdə olan AR ƏN Qəbələ rayon İPŞ tərəfindən verilmiş arayışa əsasən, Qəbələ Rayon Məhkəməsinin 07 aprel 2025-ci il tarixli e-2(025)-123/2025 saylı icra sənədinə əsasən borclu Şəxs Zərərçəkmiş şəxs 1200,0 manat, borcu var. İşdə olan 16497193 nömrəli AR Səhiyyə Nazirliyi Ambulator kitabçadan çıxarışın surətinə əsasən Şəxs xx.xx.2025-ci il tarixdən xx.xx.2026-cı il tarixədək Bakı X1 İnstitutunda stasionar şəraitdə müalicə almış və ona “bronxial astma, infeksion-allergik forma, hissəvi nəzarət olunan” diaqnozu qoyulmuşdur. İşdə olan 16497193 nömrəli AR Səhiyyə Nazirliyi Ambulator kitabçadan çıxarışın surətinə əsasən Şəxs xx.xx.2026-cı il tarixdən xx.xx.2026-cı il tarixədək Bakı X1 İnstitutunda stasionar şəraitdə müalicə almış və ona “bronxial astma, infeksion-allergik forma ağır gedişli nəzarət olunmayan stabilləşmə mərhələsi, ikinci dərəcə tənəffüs çatmamazlığı, keçirilmiş ağciyər vərəmindən sonrakı bərk ocaqlar şəklində qalıq fibroz” diaqnozu qoyulmuşdur. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət nəzərdə tutulmuşdur. Məhkəmədə tədqiq olunmuş sübutlara əsasən müəyyən edilmişdir ki Şəxs Qəbələ Rayon Məhkəməsinin 07 aprel 2025-ci il tarixli e-2(025)-123/2025 saylı icra sənədinə əsasən borclu Şəxs Zərərçəkmiş şəxs 1200,0 manat aliment borcu qalmışdır. Məcburi icra tədbirləri nəticəsində onun qazancı və digər gəlirləri, o cümlədən tələb yönələ bilən qiymətli əmlakı aşkar edilməmişdir. Şəxs 2025-ci ilin may ayından 2026-cı ilin fevral ayınadək ağ ciyər və nəfəs yolları xəstəliklərindən stasionar və ambulator şəraitdə müalicə olunmuş və sağlamlıq vəziyyəti imkan vermədiyindən işləməmişdir. AR İXM-nin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin AR İXM-nin 105.1-ci maddəsinə əsasən Bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Məhkəmə tədqiq olunmuş sübutlara qiymət verərək hesab edir ki, Qəbələ Rayon Məhkəməsinin 07 aprel 2025-ci il tarixli e-2(025)-123/2025 saylı icra sənədi üzrə tələbin borclu Şəxs tərəfindən ödənilməməsi üzürsüz səbəbdən olmadığından əməlində inzibati xəta tərkibi yoxdur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 50, 114, 115, 117, 130 və 138-ci maddələrini rəhbər tutaraq Q Ə R A R A A L D İ: Şəxs barəsində Azərbaycan Respublikası İXM-nin 528.1-ci maddəsi ilə olan inzibati xəta haqqında iş üzrə (MN 2330548) icraata xitam verilsin. Qərardan 10 (on) gün müddətində Qəbələ Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov