Quba Rayon Məhkəməsi Qərar — İş №3(5-139)-158/2026

Azərbaycan Respublikası adından QƏRAR Quba şəhəri İş № 3(5-139)-158/2026 12.03.2026 QUBA RAYON MƏHKƏMƏSİ Hakim Məmmədov Samir Əlibala oğlunun qızının sədrliyi, Muradov Əli Şakir oğlunun katibliyi, İnzibati xəta haqqında qərardan şikayət verən şəxs X3 iştirakı ilə, X3 Azərbaycan Respublikası DİN-nin BDYPİ-nin xx.xx.2026-cı il tarixli, EQ 33360975 saylı qərardan verdiyi şikayətə Quba Rayon Məhkəməsinin binasında açıq məhkəmə iclasında baxaraq, məhkəmə müəyyən etdi : X1 Rayon Məhkəməsinə müraciət edərək, xx.xx.2026-cı il tarixli, EQ 33360975 saylı inzibati tənbeh vermə haqqında qərarın ləğv edilməsi və inzibati işin icraatına xitam verilməsini xahiş etmişdir. Ərizə onunla əsaslandırılmışdır ki, xx.xx.2026 il tarixdə idarə etdiyi özünə məxsus “Kia Rio” markalı **-ZY-*** dövlət nömrə nişanlı avtomaşınla Quba şəhəri, Heydər Əliyev prospektində yol polisi əməkdaşı ona əsassız olaraq cərimə tərtib etmişdir. Avtomaşınını park etmək üçün parklanma yerinə saxlamaq üçün idarə edərkən həmin anda şəkilləri çəkilib ona inzibati protokol tərtib olunmuşdur. Bu zaman ona dayanma durmaya görə cərimə gəlmişdir. Şəkillərdən də aydın görünür ki, sükan arxasındadır və avtomaşın dönmək üçün xəbərdaredici işıqlarıda yanılıdır. Ona Azərbaycan Respublikası İXM-nin 346.4-cü maddəsilə nəzərdə tutulmuş inzibati xətanı (yəni 346.4. Yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə) törətməkdə təqsirləndirilərək BDYPİ vasitəsilə 80 manat məbləğində cərimə edilməsi barədə SMS-xəbər gəlmişdir. Şəkillərə baxanda avtomaşınının mühərriki işlək vəziyyətdə özündə avtomilin içində hərəkət vəziyyətində olarkən fotoşəkillərini çəkib BDYPİ-nin Mərkəzi İnforrmasiya sisteminə ötürməsini və buna əsasən də əsassız olaraq cərimə olunmasını anlamışdır. Buna görə də DİN BDYPİ-nin X4 barəsində qəbul edilmiş qərarın surətini və çəkilmiş fotoşəkilləri götürüb məhkəməyə şikayət etmək qərarına gəlmişdir. DİN BDYPİ-nin X2 gəldiyi nəticə tam əsassız və qeyri- qanunidir. Məhkəmə iclasında şikayət verən X6 ərizənin məzmununa uyğun izahat verərək bildirmişdir ki, o, barəsində inzibati xəta haqqında protokol və ya qərar çıxarılmasından yalnız SMS gəldikdən sonra xəbərdar olmuşdur. Belə ki, o, avtomobili parklanma yerinə saxlamaq üçün dayanıb digər avtomobilin yer boşaltmasını gözlədikdə, YPX əməkdaşı avtomobildən düşmədən, ona yaxınlaşmadan, öz maşınının içərisindən arxadan onun avtomobilinin fotoşəklini çəkmiş və dərhal İXH qərar çıxarmış və sistemə yerləşdirmişdir. Həmin vaxt o, avtomobilin içərisində olmuş, avtomobilin mühərriki işlək vəziyyətdə olmuşdur. Əgər YPX əməkdaşı ona işarə versəydi o hərəkətə başlayıb oradan uzaqlaşardı. Odur ki, qərar qanunsuz olduğundan ləgv edilməlidir. Məhkəmə iclasında şahid X5 bildirdi ki, protokolu özü tərtib etmiş və fotoşəkiləri bort kompüter vasitəsilə çəkmişdir. X3 idarə etdiyi “Kia Rio” markalı **-ZY-*** dövlət nömrə nişanlı avtomaşının dayandığı yerdə səki vardır. Səkidən sonra birinci cərgədə başqa nəqliyyat vasitəsi olmuşdur. X6 avtomobili ikinci cərgədə saxlamışdır. Həmin vaxt iş rejimi gərgin olduğundan,o, avtomobildən enməmiş və “Kia Rio” markalı **-ZY-*** dövlət nömrə nişanlı avtomaşınının içərisini çəkməmişdir. İşə baxılmasının yeri və vaxtı barədə qərarından şikayət verilən DİN BDYPİ-nə məlumat verilsə də, nümayəndəsinin məhkəmə iclasında iştirakını təmin etməmiş və səbəbləri barədə məlumat verməmişdir. Məhkəmə işə, qərarından şikayət verilən oranın nümayəndəsinin iştirakı olmadan baxılmasını mümkün hesab etmişdir. Məhkəmə şikayəti və təqdim olunmuş inzibati xəta materialını tədqiq edərək hesab edir ki, qərardan verilmiş şikayət qismən təmin edilməlidir. Belə ki, iş materiallarında olan BDYPİ-nin xx.xx.2026-cı il tarixli, EQ 33360975 saylı inzibati tənbeh vermə haqqında qərardan görünür ki, X6 Azərbaycan Respublikasının İnzibati Xəatalar Məcəlləsinin 346.4-cü maddəsində nəzərdə tutulan inzibati xətanı törətməkdə təqsirli bilinib, barəsində 80 (səksən) manat cərimə cəzası tətbiq edilmişdir. Azərbaycan Respublikası İXM-nin 346.4-cü maddəsinə əsasən, yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə səksən manat məbləğində cərimə edilir. Azərbaycan Respublikası İXM-nin 124.6-cı maddəsinə əsasən bu Məcəllənin 346.1 346.2, 346.4–346.9, 346-1.1–346-1.4 və 346-1.6–346-1.8-ci maddələrində nəzərdə tutulmuş inzibati xətanı törətmiş şəxs nəqliyyat vasitəsinin yanında olmadığı hallarda inzibati xəta törətmiş şəxsin iştirakı olmadan foto və ya video çəkiliş aparılmaqla, nəqliyyat vasitəsinin istifadəçisi barədə inzibati tənbeh vermə haqqında qərar çıxarılır. İnzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə olunmaqla, həmin qərarın surəti nəqliyyat vasitəsinin ön şüşəsinə qoyulur. İnzibati tənbeh vermə haqqında qərar operativ nəqliyyat vasitəsində quraşdırılmış bort-kompüter vasitəsilə tərtib olunaraq dərhal müvafiq icra hakimiyyəti orqanının müəyyən etdiyi orqanın (qurumun) müvafiq informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2.1 və 125.2.2-ci maddələrində nəzərdə tutulmuş qaydada məlumat verilir. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 346.4-cü maddəsinə əsasən yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə – səksən manat məbləğində cərimə edilir. “Yol hərəkəti haqqında “Azərbaycan Respublikasının Qanununa əsasən yolun hərəkət hissəsi – yolun nəqliyyat vasitələrinin hərəkəti üçün istifadə edilən hissəsidir (yolun ayırıcı zolaq vasitəsilə dürüst müəyyən edilən və ya müxtəlif səviyyələrdə olan bir neçə hərəkət hissəsi ola bilər). İş materiallarında olan foto görüntüdən də görünür ki, “Kia Rio” markalı **-ZY-*** dövlət nömrə nişanlı avtomobil parklanma üçün nəzərdə tutulmuş dayanacaqdan sonra yolun hərəkət hissəsində birinci cərgədə dayanmışdır. Azərbaycan Respublikası İXM-nin 346.1-ci maddəsinə əsasən bu Məcəllənin 346.2– 346.9-cu maddələrində nəzərdə tutulmuş hallar istisna olmaqla, dayanma və ya durma qaydalarını pozmağa görə - iyirmi manat məbləğində cərimə edilir. Azərbaycan Respublikası İXM-nin 134.1.2-ci maddəsinə əsasən, bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında qərarı ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. Həmin Məcələnin 135.1.4-cü maddəsinə əsasən inzibati məsuliyyət müəyyən edən qanunun normasının düzgün tətbiq edilməməsi inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Beləliklə Azərbaycan Respublikası DİN-nin BDYPİ-nin xx.xx.2026-cı il tarixli, EQ 33360975 saylı inzibati tənbeh vermə haqqında qərarı inzibati məsuliyyət müəyyən edən qanunun normasının düzgün tətbiq edilmədiyindən dəyişdirilməli və X6 Azərbaycan Respublikası İXM-nin 346.1-ci maddəsinə əsasən bu Məcəllənin 346.2–346.9-cu maddələrində nəzərdə tutulmuş hallar istisna olmaqla, dayanma və ya durma qaydalarını pozmağa görə - 20 (iyirmi) manat məbləğində cərimə edilməlidir. Yuxarıda göstərilənlərə əsasən və Azərbaycan Respublikası İXM-nin 128-137-ci maddələrini rəhbər tutaraq, məhkəmə qərara aldı: Şikayət qismən təmin edilsin. Azərbaycan Respublikası DİN-nin BDYPİ-nin xx.xx.2026-cı il tarixli, EQ 33360975 saylı inzibati tənbeh vermə haqqında qərarı inzibati məsuliyyət müəyyən edən qanunun norması düzgün tətbiq edilmədiyindən dəyişdirilsin və X3 əməli Azərbaycan Respublikasının İXM-nin 346.1-ci maddəsinə tövsif olunaraq 20 (iyirmi) manat mələğində cərimə edilsin. Qərarın surəti təqdim edildiyi və ya alındığı gündən 10 gün müddətində Quba Rayon Məhkəməsi vasitəsilə və ya bilavasitə Sumqayıt Apellyasiya Məhkəməsinə şikayət verilə bilər. Hakim: Samir Məmmədov