Masallı Rayon Məhkəməsi Qərar — İş №3(5-145)-447/2026

Azərbaycan Respublikası adından QƏRAR Masallı rayonu İş № 3(5-145)-447/2026 03.03.2026 MASALLI RAYON MƏHKƏMƏSİ Masallı Rayon Məhkəməsinin hakimi Zeynalov Zeynal Ağabala oğlunun sədrliyi, Məhkəmə iclas katibi Əhmədov Xəyyam Adəm oğlunun katibliyi, Barəsində inzibati icraat aparılan şəxs Şəxs, Masallı Rayon İcra və Probasiya şöbəsinin böyük icra məmuru X2 iştirakları ilə, xx.xx.1976-cı ildə Masallı rayonu Təzə Alvadı kəndində doğulmuş, Masallı rayonu Təzə Alvadı kəndində qeydiyyatda olmaqla yaşayan, Azərbaycan Respublikasının vətəndaşı, orta təhsilli, evli, işləməyən, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Masallı Rayon Məhkəməsinin 2(050)-2284/2024 saylı, 27 avqust 2024-cü il tarixli icra sənədinə əsasən Şəxs 20500 (iyirmi min beş yüz) manat pul vəsaiti və 152 (bir yüz əlli iki) manat məbləğində dövlət resumu alınaraq X1 ödənilməsi müəyyən edilmişdir. Şəxs heç bir üzürlü səbəb göstərmədən öz öhdəsinə düşən tələbin təmin olunması ilə əlaqədar icra məmurunun qanuni tələblərini yerinə yetirməmişdir. Odur ki, Şəxs barəsində inzibati xəta haqqında protokol tərtib edilmişdir. Şəxs bu hərəkəti ilə Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Masallı Rayon İcra və Probasiya şöbəsinin icra məmuru X4 məhkəmə iclasında bildirdi ki, Masallı Rayon Məhkəməsinin 2(050)-2284/2024 saylı, 27 avqust 2024-cü il tarixli icra sənədinə əsasən Şəxs 20500 (iyirmi min beş yüz) manat pul vəsaiti və 152 (bir yüz əlli iki) manat məbləğində dövlət resumu alınaraq X1 ödənilməlidir. İcra vərəqəsi xx.xx.2025-ci il tarixdə Masallı Rayon İcra və Probasiya şöbəsinin icraatına daxil olmuşdur və icraata başlama haqqında qərər qəbul olunub tərəflərə göndərilmişdir. Borclu xx.xx.2025-ci il tarixdə icra şöbəsinə gəlmiş və onun izahatı alınmış və borcun ödənilməsi tələb olunmuşdur. Borcu ödəmədiyindən onun barəsində İXM-nin 528.1-ci maddəsi ilə inzibati qaydada protokol tərtib olunmuşdur. Masallı Rayon Məhkəməsinin qərarına əsasən iş üzrə icraata xitam verilmişdir. Bundan sonra borclu hər ay 500 manat olmaqla 2200 manat ödəmişdir, hal-hazırda 18452 manat borcu vardır. Borcunu ödəmədiyinə görə barəsində inzibati qaydada protokol tərtib olunmuşdur. Borclu ay sonunda 500 manat ödəyəcəyini bildirir, sadəcə tələbkar borcun tam şəkildə ödənilməsini tələb edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək bildirdi ki, problemləri olduğu üçün ödəniş edə bilməmişdir. Ay sonunda ödəyəcəkdir. Hər ayda ödəniş edəcəkdir. Hazırkı vaxta kimi 2200 manat ödəniş etmişdir. Qalan borcunuda hər ay hissə-hissə ödəyəcəkdir. Çalışıb bir il ərzində borcunu tam şəkildə ödəyəcəkdir. Mart-aprel ayında ***-**** manat ödəyəcəkdir. Məhkəmədən ona cərimə cəzası verilməsini xahiş etdi. Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməklə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Odur ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, həmin maddə ilə də inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən Məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 31-ci maddəsində göstərilir ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs inzibati məsuliyyətini yüngülləşdirən və ağırlaşdıran hallar yoxdur. Məhkəmə Şəxs barəsində inzibati tənbeh tədbiri tətbiq edilərkən Azərbaycan Respublikası İnzibati Xətalar Məcəlləsinin 528.1-ci maddəsinin sanksiyası həddində nəzərdə tutulumuş inzibati qaydada cərimə edilməsini qanuna uyğun hesab edir. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 40, 43, 115 və 156-cı maddələrini rəhbər tutaraq, məhkəmə QƏRAR VERDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinərək 500 (beş yüz) manat məbləğində inzibati qaydada cərimə edilsin. Qərarın icrası Masallı Rayon İcra və Probasiya Şöbəsinə tapşırılsın. Qərardan surəti təqdim edildiyi və ya alındığı gündən 10 (on) gün müddətində Masallı Rayon Məhkəməsi vasitəsi ilə və ya bilavasitə Şirvan Apellyasiya Məhkəməsinə şikayət verilə bilər. Sədrlik edən: Zeynal Zeynalov