Sabirabad Rayon Məhkəməsi Qərardad — İş №3(5-151)-189/2026

Azərbaycan Respublikası adından QƏRARDAD Sabirabad rayon İş № 3(5-151)-189/2026 23.01.2026 SABİRABAD RAYON MƏHKƏMƏSİ Mən, hakim Allahverdiyev Səlim Məhərrəm oğlu, X1 barəsində qəbul edilmiş xx.xx.2025-ci il tarixli, EQ 32991334 nömrəli inzibati tənbeh vermə haqqında qərardan vermiş olduğu şikayətə baxaraq, MÜƏYYƏN ETDİM: xx.xx.2026-cı il tarixdə X2 barəsində qəbul edilmiş xx.xx.2025-ci il tarixli, EQ 32991334 nömrəli inzibati tənbeh vermə haqqında qərardan şikayət tərtib edərək məhkəməyə müraciət etmişdir. Şikayətin məzmunundan da göründüyü kimi, inzibati tənbeh vermə haqqında qərar SMS vasitəsilə xx.xx.2025-ci il tarixdə şikayətçiyə çatdırılmışdır. Göründüyü ki, inzibati tənbeh vermə haqqında qərardan qanunla müəyyən edilmiş müddət keçdikdən sonra şikayət verilmişdir. Belə ki, Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər. Göstərilənələrə əsasən hesab edirəm ki, X1 barəsində qəbul edilmiş xx.xx.2025-ci il tarixli, EQ 32991334 nömrəli inzibati tənbeh vermə haqqında qərardan vermiş olduğu şikayət müddət keçdiyinə görə geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 40,43, 48- 51, 114, 128-130-cu maddələrini rəhbər tutaraq, QƏRARA ALDİM: X1 barəsində qəbul edilmiş xx.xx.2025-ci il tarixli, EQ 32991334 nömrəli inzibati tənbeh vermə haqqında qərardan vermiş olduğu şikayət geri qaytarılsın. Qərardaddan təqdim edildiyi və ya alındığı gündən 10 (on) gün müddətində Sabirabad rayon məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər.