Sabirabad Rayon Məhkəməsi Qərar — İş №3(5-151)-400/2026

Azərbaycan Respublikası adından QƏRAR Sabirabad rayon İş № 3(5-151)-400/2026 25.02.2026 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Quliyev Mətin Azər oğlunun katibliyi, İnzibati xəta haqqında protokolu tərtib etmiş şəxs Sabirabad RPŞ-nin sahə rəisi X1, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1993-cü ildə Sabirabad rayonunun Nərimankənd kəndində anadan olmuş, Azərbaycan Respublikası vətəndaşı, subay, fərdi əməklə məşğul olan, Sabirabad rayonunun Nərimankənd kəndində qeydiyyatda olmaqla yaşayan Şəxs Azərbaycan Respublikasının İnzibati Xətalar Məcəlləsinin 510.1 və 535.1-ci maddələri ilə inzibati xəta törətməsinə dair Sabirabad rayon RPŞ-dən daxil olmuş inzibati xəta haqqında materiala Sabirabad Rayon Məhkəməsinin inzibati binasında binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Sabirabad rayon RPŞ-dən daxil olmuş inzibati xəta haqqında materiala görə, xx.xx.2026cı il tarixdə Şahaliyev X2 rayonunun Nərimankənd kəndində ucadan nalayiq ifadələr işlədərək polisin qanuni tələbinə qəsdən tabe olmamışdır. Barəsində inzibati xəta üzrə icraat aparılan şəxs Şəxs məhkəmə iclasında vermiş olduğu izahatında özünü təqsirli bilməyib göstərdi ki, xx.xx.2026-cı il tarixində o, yaşadığı kənddə olarkən polis əməkdaşları ona yaxınlaşaraq sosial şəbəkədə kriminal aləmi təbliğ etməsini bildirib onu şöbəyə dəvət etmiş, o, səhifəni onun qonşularının açdığını, yeni dostlar qazancmaq üçün onların bir-iki videonu səhifəyə yerləşdirdiyini, özünün səhifəyə video yerləşdirməkdən anlayışının olmadığını bildirmiş, polis əməkdaşları bu sözündən sonra da onu şöbəyə dəvət etdikdə o, heç bir etiraz bildirmədən polislərlə birgə şöbəyə gəlmişdir. Himayəsində yaşlı və yataq xəstəsi anası vardır. Anasına o, qulluq edir. Hazırda o, məhkəmədən barəsində ədalətli qərar qəbul edilməsini xahiş edir. İnzibati xəta haqqında protokolu tərtib etmiş şəxs Sabirabad RPŞ-nin sahə rəisi X3 ona verilmiş suallara cavab olaraq bildirdi ki, raportla müraciət etmiş PPXB-nin komandiri uzaq kəndlərdə xidmətdə olduğu üçün şahid qismində məhkəməyə dəvət edilməsi qeyri mümkündür. Məhkəmə izahatı dinləyib, inzibati xəta haqqında xx.xx.2026-cı il tarixli, MN № ******* saylı protokolu və ona əlavə edilmiş sənədləri araşdıraraq hesab edir ki, Şəxs qeyd edilən inzibati xətalar üzrə təqsirliliyi sübuta yetirilmədiyindən iş üzrə icraata xitam verilməlidir. Belə ki, araşdırma nəticəsində Şəxs qeyd edilən inzibati xətalar üzrə təqsirliliyi təsdiq edəcək hər hansı sübut müəyyən edilmədi. Azərbaycan Respublikasının İXM-nin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 8.1, 8.2 və 8.3-cü maddələrinə görə barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.2-ci maddəsinə əsasən, hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda inzibati xəta haqqında iş üzrə icraata xitam verilməsi barədə qərar qəbul edilir. Məhkəmə hesab edir ki, yuxarıda sadalanan hallar nəzərə alınmaqla Şəxs barəsində olan hazırki işin icraatına xitam verilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikasının İnzibati Xətalar Məcəlləsinin 510.1 və 535.1ci maddələri ilə aparılan inzibati xəta haqqında iş üzrə icraata xitam verilsin. Qərardan təqdim edildiyi vaxtdan 10 (on) gün müddətində Sabirabad Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər.