Sumqayıt Şəhər Məhkəməsi Qərardad — İş №3(5-155)-507/2026

Azərbaycan Respublikası adından QƏRARDAD Sumqayıt şəhəri İş № 3(5-155)-507/2026 25.02.2026 SUMQAYIT ŞƏHƏR MƏHKƏMƏSİ Hakim İsmayılova Günel Rza qızı, X1 nümayəndəsi və vəkili X2 Daxili İşlər Nazirliyinin Baş Dövlət Yol Polis İdarəsinin xx.xx.2025-ci il tarixli XP2029663 nömrəli inzibati xəta haqqında iş üzrə icraata xitam verilmə barədə qərarından şikayətə və ona əlavə edilmiş materiallara işin baxılmağa hazırlanması mərhələsində baxaraq, MÜƏYYƏNETDİ: X1 nümayəndəsi və vəkili X2 Daxili İşlər Nazirliyinin Baş Dövlət Yol Polis İdarəsinin xx.xx.2025-ci il tarixli XP2029663 nömrəli inzibati xəta haqqında iş üzrə icraata xitam verilmə barədə qərarından verdiyi şikayət Sumqayıt Şəhər Məhkəməsinə daxil olmuşdur. Məhkəmə qərardan şikayəti və ona əlavə edilmiş materialları araşdıraraq hesab edir ki, iş baxılması üçün ərazi aidiyyəti üzrə Xankəndi Şəhər Məhkəməsinə göndərilməlidir. Belə ki, inzibati tənbeh vermə haqqında qərardan görünür ki, inzibati xətanın törədildiyi yer Xankəndi şəhəridir. Azərbaycan Respublikasının İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət inzibati xətanın törədildiyi yer üzrə rayon (şəhər) məhkəməsinə (bu Məcəllənin 129.1.3-1-ci maddəsində nəzərdə tutulmuş hal istisna olmaqla) verilir. Həmin Məcəllənin 129.1.3-1-ci maddəsinə əsasən Məcəllənin 122.1-ci və 127-3.2-ci maddələrində nəzərdə tutulmuş inzibati tənbeh vermə haqqında elektron qərarlardan məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 129.1-1-ci maddəsinə əsasən Məcəllənin 129.1.3-cü maddəsinə uyğun olaraq şikayətə baxmağa hazırlıq zamanı bu Məcəllənin 128.1-ci maddəsində göstərilən şəxslər tərəfindən şikayətə həmin şəxslərin yaşayış yeri və ya hüquqi şəxsin ünvanının olduğu yer üzrə baxılması haqqında vəsatət verilə bilər. Həmin Məcəllənin 109.1.7-ci maddəsinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul olunur. Beləliklə, qanunvericiliyin yuxarıda qeyd edilən normalarına əsaslanaraq məhkəmə qeyd edir ki, X1 nümayəndəsi və vəkili X2 Daxili İşlər Nazirliyinin Baş Dövlət Yol Polis İdarəsinin xx.xx.2025-ci il tarixli XP2029663 nömrəli inzibati xəta haqqında iş üzrə icraata xitam verilmə barədə qərarından verdiyi şikayət ərazi aidiyyəti üzrə baxılması üçün Xankəndi Şəhər Məhkəməsinə göndərilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 109 və 129-cu maddələrini rəhbər tutaraq, məhkəmə QƏRARAALDİ: X1 nümayəndəsi və vəkili X2 Daxili İşlər Nazirliyinin Baş Dövlət Yol Polis İdarəsinin xx.xx.2025-ci il tarixli XP2029663 nömrəli inzibati xəta haqqında iş üzrə icraata xitam verilmə barədə qərarından verdiyi şikayət ona əlavə olunmuş sənədlərlə birlikdə ərazi aidiyyəti üzrə baxılması üçün Xankəndi Şəhər Məhkəməsinə göndərilsin. Hakim: Günel İsmayılova