Sumqayıt Şəhər Məhkəməsi Qərardad — İş №3(5-155)-698/2026

Azərbaycan Respublikası adından QƏRARDAD Sumqayıt şəhəri İş № 3(5-155)-698/2026 10.03.2026 SUMQAYIT ŞƏHƏR MƏHKƏMƏSİ Hakim Nəsimiyev Fərid Aydın oğlunun sədrliyi ilə, Azərbaycan Respublikası Daxili İşlər Nazirliyi Baş X5 İdarəsinin Mərkəzi İnformasiya Sistemi tərəfindən qəbul edilmiş EQ 33169943 saylı, xx.xx.2026-cı il tarixli inzibati tənbeh vermə haqqında qərarının ləğv edilməsinə dair X1 etibarnamə üzrə nümayəndasi və müdafiəçisi Vəkil tərəfindən verilmiş şikayətin baxılmağa hazırlanması məsələsinə baxaraq, MÜƏYYƏN ETDİM: X1 etibarnamə üzrə nümayəndasi və müdafiəçisi Vəkil şikayətlə məhkəməyə müraciət edərək, xx.xx.2026-cı il tarixli EQ 33169943 saylı, inzibati tənbeh vermə haqqında qərarının ləğv edilməsinə dair qərar qəbul edilməsini xahiş etmişdir. Şikayət ərizəsini və ona əlavə olunmuş sənədləri nəzərdən keçirərək hesab edirəm ki, şikayət ərizəsi və ona əlavə olunmuş sənədlər geri qaytarılmalıdır. İş materialında olan Azərbaycan Respublikası Daxili İşlər Nazirliyi Baş X5 İdarəsinin Mərkəzi İnformasiya Sistemi tərəfindən qəbul edilmiş EQ 33169943 saylı, xx.xx.2026-cı il tarixli inzibati tənbeh vermə haqqında qərarın surətindən görünür ki, X3 İXM-nin 353.2-ci maddəsi ilə təqsirli bilinərək 600,00 manat məbləğində inzibati qaydada cərimə olunmuşdur. Belə ki, Azərbaycan Respublikası İnzibati Xətalar Məcəlləsinin 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs inzibati xəta törətməsi barədə bu Məcəllənin 125.2.2-ci maddəsində və ya 125.2.3-cü maddəsində (elektron kabinetdə mobil telefon nömrəsi olmadığı halda) müəyyən olunmuş qaydada məlumatlandırıldığı vaxtdan 20 gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. İş materiallarından görünür ki, mübahisələndirilən qərar xx.xx.2026-cı il tarixdə tərtib olunub, şikayət isə 20 (iyirmi) gündən artıq müddət keçdikdən sonra, yəni xx.xx.2026-cı il tarixdə verilib. Şikayət ərizəsinə əsasən inzibati orqanının qərarlarının xx.xx.2026-ci il tarixdə elektron yerləşdirildiyi, xx.xx.2026-ci il tarixində, yəni bir ay sonra avtomaşının mülkiyyətçisinin Binəqədi Rayon Məhkəməsinə şikayət verdiyi, ərizənin hüquqi şəxsin yerləşdiyi yer üzrə Xətai Rayon Məhkəməsinə göndərildiyi, Xətai Rayon Məhkəməsinin xx.xx.2026-cı il tarixində şikayəti geri qaytarıldığı, bundan sonra Şabran Rayon Məhkəməsinə şikayət edildiyi, xx.xx.2026-cı il tarixində şikayətin geri qaytarıldığı, qərardadın xx.xx.2026-cı il tarixində yerləşdirildiyi qeyd edilmişdir. Məhkəmə hesab edir ki, yuxarıda göstərilən xüsusatlar şikayət vermə müddətinin üzrlü səbəbdən buraxılması kimi qiymətləndirilə bilməz. Belə ki, ilkin edilən xx.xx.2026-cı il tarixli şikayətdə 20 günlük müddət ötürülmüşdür. Həmçinin şikayət vermə müddətinin ötürülməməsini təsdiq edən sübutlar şikayət ərizəsinə əlavə edilməmişdir. Bununla da, məhkəmə verilən şikayətə baxmağa hazırlıqla bağlı müəyyən etmişdir ki, şikayət prosessual müddət ötürülməklə verilmiş, müddətin bərpası barədə vəsatət verilməmişdir. Azərbaycan Respublikası İXM-nin 130.1-ci maddəsinə əsasən bu Məcəllənin 126.1ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 126.1-ci maddəsinə əsasən Barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Şikayət verən şəxs tərəfindən belə bir vəsatət verilməmişdir. Məhkəmə hesab edir ki, X1 şikayəti qanunvericilikdə nəzərdə tutulmuş müddət ötürülməklə verilmiş, həmin müddətin bərpa edilməsinə dair vəsatət verilməmişdir. Belə bir vəsatət verilmədiyindən şikayətin vaxtında verilib-verilməməsini, prosessual müddətin buraxılıb-buraxılmamasını yoxlamaq mümkün deyildir. Bu inzibati xəta haqqında qərardan verilən şikayət üzrə icraatı rədd edən hallardandır. İnzibati Xətalar Məcəlləsinin 132, 132.1.2-ci maddələrinin tələbinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub olmamasının məsələlərini həll edir. X1 Azərbaycan Respublikası Daxili İşlər Nazirliyi Baş X5 İdarəsinin Mərkəzi İnformasiya Sistemi tərəfindən qəbul edilmiş EQ 33169943 saylı, xx.xx.2026-cı il tarixli inzibati tənbeh vermə haqqında qərarının ləğv edilməsinə dair şikayət ərizəsində olan nöqsanları aradan qaldıraraq şikayət vermək müddətinin bərpa edilməsi barədə ərizə ilə yenidən məhkəməyə müraciət etmək hüququ izah edilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 109, 118, 126.1 və 132-ci maddələrinə əsasən, məhkəmə qərara aldı: X1 barəsində olan Azərbaycan Respublikası Daxili İşlər Nazirliyi Baş X5 İdarəsinin Mərkəzi İnformasiya Sistemi tərəfindən qəbul edilmiş EQ 33169943 saylı, xx.xx.2026-cı il tarixli inzibati tənbeh vermə haqqında qərarının ləğv edilməsinə dair verdiyi şikayəti icraata qəbul edilməsin, şikayət və ona əlavə edilmiş sənədlər geri qaytarılsın. X2 şikayətlə birlikdə şikayət verilməsi üçün buraxılmış müddətin bərpasına dair vəsatətlə məhkəməyə müraciət etmək hüququ izah edilsin. Qərardaddan şikayət verilə bilməz Hakim: Fərid Nəsimiyev