Sumqayıt Şəhər Məhkəməsi Qərardad — İş №3(5-155)-773/2026

Azərbaycan Respublikası adından QƏRARDAD Sumqayıt şəhəri İş № 3(5-155)-773/2026 19.03.2026 SUMQAYIT ŞƏHƏR MƏHKƏMƏSİ Hakim İsmayılova Günel Rza qızı, İsmayılzadə Əminə Rafiq qızının Bakı Şəhər Dövlət Yol Polis İdarəsinin xx.xx.2026-cı il tarixli İXP77889011 nömrəli protokol əsasında qəbul edilmiş xx.xx.2026-cı il tarixli qərarın ləğv edilməsi barədə şikayətinə və ona əlavə edilmiş materiallara işin baxılmağa hazırlanması mərhələsində baxaraq, MÜƏYYƏNETDİ: İsmayılzadə Əminə Rafiq qızının Bakı Şəhər Dövlət Yol Polis İdarəsinin xx.xx.2026-cı il tarixli İXP77889011 nömrəli protokol əsasında qəbul edilmiş xx.xx.2026-cı il tarixli qərarın ləğv edilməsi barədə verdiyi şikayət Sumqayıt Şəhər Məhkəməsinə daxil olmuşdur. Məhkəmə qərardan şikayəti və ona əlavə edilmiş materialları araşdıraraq hesab edir ki, iş baxılması üçün ərazi aidiyyəti üzrə Bakı şəhəri Xətai Rayon Məhkəməsinə göndərilməlidir. Belə ki, inzibati tənbeh vermə haqqında qərardan görünür ki, inzibati xətanın törədildiyi yer ünvan 1 ünvanıdır. Azərbaycan Respublikasının İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət inzibati xətanın törədildiyi yer üzrə rayon (şəhər) məhkəməsinə (bu Məcəllənin 129.1.3-1-ci maddəsində nəzərdə tutulmuş hal istisna olmaqla) verilir. Həmin Məcəllənin 129.1.3-1-ci maddəsinə əsasən Məcəllənin 122.1-ci və 127-3.2-ci maddələrində nəzərdə tutulmuş inzibati tənbeh vermə haqqında elektron qərarlardan məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 129.1-1-ci maddəsinə əsasən Məcəllənin 129.1.3-cü maddəsinə uyğun olaraq şikayətə baxmağa hazırlıq zamanı bu Məcəllənin 128.1-ci maddəsində göstərilən şəxslər tərəfindən şikayətə həmin şəxslərin yaşayış yeri və ya hüquqi şəxsin ünvanının olduğu yer üzrə baxılması haqqında vəsatət verilə bilər. Həmin Məcəllənin 109.1.7-ci maddəsinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul olunur. Məhkəmə, həmçinin qeyd edir ki, şikayət verən şəxs vəsatət verərək Bakı şəhəri Nəsimi rayonu ərazisində yaşaması ilə əlaqədar işin baxılması üçün ərazi aidiyyəti üzrə Bakı şəhəri Nəsimi Rayon Məhkəməsinə göndərilməsini xahiş etsə də, Elektron Məhkəmə İnformasiya Sistemindən çıxarışdan görünür ki, İsmayılzadə Əminə Rafiq qızı ünvan 2 ünvanında yaşayır. “Yaşayış yeri və olduğu yer qeydiyyat haqqında” Azərbaycan Respublikası Qanununun 3-cü maddəsinə əsasən yaşayış yerini müəyyən edən sənəd Azərbaycan Respublikası vətəndaşı barədə - yalnız Azərbaycan Respublikası vətəndaşının şəxsiyyət vəsiqəsidir. Şəxsin yaşayış yerinin müəyyən edilməsi üçün ondan əlavə hər hansı digər sənəd (arayış) tələb edilə bilməz. Beləliklə, qanunvericiliyin yuxarıda qeyd edilən normalarına əsaslanaraq məhkəmə qeyd edir ki, İsmayılzadə Əminə Rafiq qızının Bakı Şəhər Dövlət Yol Polis İdarəsinin xx.xx.2026-cı il tarixli İXP77889011 nömrəli protokol əsasında qəbul edilmiş xx.xx.2026-cı il tarixli qərarın ləğv edilməsi barədə verdiyi şikayət ərazi aidiyyəti üzrə baxılması üçün Bakı şəhəri Xətai Rayon Məhkəməsinə göndərilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 109 və 129-cu maddələrini rəhbər tutaraq, məhkəmə QƏRARAALDİ: İsmayılzadə Əminə Rafiq qızının Bakı Şəhər Dövlət Yol Polis İdarəsinin xx.xx.2026-cı il tarixli İXP77889011 nömrəli protokol əsasında qəbul edilmiş xx.xx.2026-cı il tarixli qərarın ləğv edilməsi barədə verdiyi şikayət ona əlavə olunmuş sənədlərlə birlikdə ərazi aidiyyəti üzrə baxılması üçün Bakı şəhəri Xətai Rayon Məhkəməsinə göndərilsin. Hakim: Günel İsmayılova