Yevlax Rayon Məhkəməsi Qərar — İş №3(5-166)-62/2026

Azərbaycan Respublikası adından QƏRAR Yevlax Rayou İş № 3(5-166)-62/2026 14.01.2026 YEVLAX RAYON MƏHKƏMƏSİ Hakim Paşayev Qalib Hidayət oğlunun sədrliyi, Məhkəmə iclasının katibi X8, Yevlax rayon İcra və Probasiya Şöbəsinin icra məmuru X7, Zərərçəkmiş şəxs (tələbkar) Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs və onun müdafiəçisi X3 iştirakları ilə xx.xx.1982-ci ildə Yevlax rayonunda doğulmuş, Azərbaycan Respublikasının vətəndaşı, orta təhsilli, evli, fərdə əməklə məşğul olan, Yevlax rayonunun Yəldili kəndində yaşayan, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair inzibati xəta haqqında işə Yevlax Rayon Məhkəməsinin binasında, məhkəmə iclas zalında, açıq məhkəmə iclasında baxaraq, müəyyən etdi: Yevlax Rayon Məhkəməsinə Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair inzibati protokol daxil olmuşdur. İnzibati xəta haqqında protokola görə Şəxs Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı, Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı və Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra sənədlərindəki tələbi üzürsüz səbəbdən icra məmuru tərəfindən müəyyən olunmuş müddətdə icra etməmişdir. Məhkəmə iclasında Yevlax rayon İcra və Probasiya Şöbəsinin icra məmuru X9 verdiyi izahatında göstərmişdir ki, Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı icra vərəqəsinə əsasən cavabdehlər Şəxs və X1 müştərək qaydada 870 (səkkiz yüz yetmiş) manat məbləğində pul, 30.40 (otuz manat qırx qəpik) manat dövlət rüsumu alınıb iddiaçı X2, Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı icra vərəqəsinə əsasən cavabdeh Şəxs 1100 (bir min bir yüz) manat pul alınıb iddiaçı X4 və Yevlax Rayon Məhkəməsinin xx.xx.2023-cü il tarixli, 2(039)- 1978/2023 saylı icra vərəqəsinə əsasən cavabdeh Şəxs 1479 (bir min dörd yüz yetmiş doqquz) manat pul və 34.80 (otuz dörd manat səksən qəpik) manat dövlət rüsumu tutularaq iddiaçı Zərərçəkmiş şəxs ödənilməlidir. İcra vərəqələri Yevlax rayon İcra və Probasiya Şöbəsinin icraatına daxil olduqdan sonra icraata başlamaq haqqında qərar qəbul olunmuş və tələbin könüllü icrası ilə bağlı borcluya bildiriş verilmişdir. Borclu ötən müddət ərzində iki icra sənədi üzrə qismən ödəniş etmiş, lakin sonradan icra sənədinin icrasından yayınmışdır. Borclu tərəfindən icra sənədləri icra edilmədiyinə görə barəsində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta haqqında protokol tərtib edilərək, məhkəməyə verilmişdir. Qeyd edilənlərin nəzərə alınaraq, məhkəmədən qanuna müvafiq qərar qəbul edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs ona istinad olunan inzibati xətanı törətməkdə özünü qismən təqsirli bilərək, verdiyi izahatında Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı icra sənədi üzrə tutulmalı olan borcun ona aidiyyətinin olmadığını, bu səbəbdən həmin borcu ödəmədiyini, digər iki icra sənədi üzrə qismən ödənişlər etdiyini, lakin sonradan ürəyinə stend qoyulduğuna, işləyə bilmədyinə və maddi imkanı olmadığına görə icra sənədlərini icra edə bilməmişdir. Hazırda da icra sənədləri üzrə həmin məbləğləri ödəyə bilməz. Əməlindən səmimi peşmandır. Qeyd edilənlərin nəzərə alınaraq, qanuna müvafiq qərar qəbul edilməsini xahiş etmişdir. Məhkəmə iclasında zərərçəkmiş şəxs (tələbkar) Zərərçəkmiş şəxs verdiyi izahtında göstərmişdir ki, Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra vərəqəsinə əsasən cavabdeh Şəxs 1479 (bir min dörd yüz yetmiş doqquz) manat pul və 34.80 (otuz dörd manat səksən qəpik) manat dövlət rüsumu alınıb ona verilməlidir. Ötən müddət ərzində borclu tərfindən icra sənədi üzrə ona cəmi 340 (üç yüz qırx) manat ödəniş edilmiş, lakin 2025-ci ilin fevral ayından borclu icra sənədinin icrasından yayınmışdır. Hazırda barəsində inzibati xəta haqqında iş üzrə icraat aparılan şəxsdən şikayətçidir. Qeyd edilənlərin nəzərə alınaraq onun barəsində daha ağır inzibati tənbeh tədbiri tətbiq edilməsini xahiş etmişdir. Məhkəmə işə gəlməyən zərərçəkmiş şəxslərin iştirakları olmadan baxılmasını mümkün hesab etmişdir. Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi özünün izahatı, zərərçəkmiş şəxsin və icra məmurunun izahatları ilə yanaşı işdə olan sənədlərlə tam təsdiq edilmişdir. Belə ki, işdə olan Yevlax Rayon Məhkəməsinin xx.xx.2017-ci il tarixli, 2(039)- 2671/2017 saylı icra vərəqəsindən görünür ki, cavabdehlər Şəxs və X1 müştərək qaydada 870 (səkkiz yüz yetmiş) manat məbləğində pul, 30.40 (otuz manat qırx qəpik) manat dövlət rüsumu alınıb iddiaçı X2 verilməlidir. İşdə olan Yevlax rayon İcra və Probasiya Şöbəsinin xx.xx.2017-ci il tarixli icraata başlamaq haqqında qərarından və həmin tarixli bildirişindən görünür ki, Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı icra icra vərəqəsi icraata qəbul edilmiş və borcludan icranı 10 (on) gün müddətində könüllü təmin etməsi təklif edilmişdir. İşdə olan Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı icra vərəqəsindən görünür ki, cavabdeh Şəxs 1100 (bir min bir yüz) manat pul alınıb iddiaçı X4 verilməlidir. İşdə olan Yevlax rayon İcra və Probasiya Şöbəsinin xx.xx.2021-ci il tarixli icraata başlamaq haqqında qərarından və həmin tarixli bildirişindən görünür ki, Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı icra vərəqəsi icraata qəbul edilmiş və borcludan icranı 10 (on) gün müddətində könüllü təmin etməsi təklif edilmişdir. İşdə olan Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra vərəqəsindən görünür ki, cavabdeh Şəxs 1479 (bir min dörd yüz yetmiş doqquz) manat pul və 34.80 (otuz dörd manat səksən qəpik) manat dövlət rüsumu tutularaq iddiaçı Zərərçəkmiş şəxs verilməlidir. İşdə olan Yevlax rayon İcra və Probasiya Şöbəsinin xx.xx.2023-ci il tarixli icraata başlamaq haqqında qərarından və həmin tarixli bildirişindən görünür ki, Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra vərəqəsi icraata qəbul edilmiş və borcludan icranı 10 (on) gün müddətində könüllü təmin etməsi təklif edilmişdir. İşdə olan bir neçə icra sənədinin bir icraata birləşdirilməsi haqqında Yevlax rayon İcra və Probasiya Şöbəsinin xx.xx.2026-cı il tarixli qərarından görünür ki, Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı, Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı və Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra sənədləri bir icraatda birləşdirilmiş və icra tədbirlərinin bir icraatda davam etdirilməsi qərara alınmışdır. “İcra haqqında” Azərbaycan Respubliksının Qanununun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Müstəsna hallarda icra sənədində göstərilən tələblərin icra olunması icra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Qanunverici “İcra haqqında” Qanunun Azərbaycan Respubliksının Qanununun 82ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Azərbaycan Respubliksının Qanununun Qanunun 82.1-ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. Məhkəmə iclasında müəyyən edilmişdir ki, Yevlax Rayon Məhkəməsinin xx.xx.2017-ci il tarixli, 2(039)-2671/2017 saylı icra vərəqəsinə əsasən cavabdehlər Şəxs və X1 müştərək qaydada 870 (səkkiz yüz yetmiş) manat məbləğində pul, 30.40 (otuz manat qırx qəpik) manat dövlət rüsumu alınıb iddiaçı X2, Yevlax Rayon Məhkəməsinin xx.xx.2021-ci il tarixli, 2(039)-1601/2021 saylı icra vərəqəsinə əsasən cavabdeh Şəxs 1100 (bir min bir yüz) manat pul alınıb iddiaçı X4 və Yevlax Rayon Məhkəməsinin xx.xx.2023-cü il tarixli, 2(039)-1978/2023 saylı icra vərəqəsinə əsasən cavabdeh Şəxs 1479 (bir min dörd yüz yetmiş doqquz) manat pul və 34.80 (otuz dörd manat səksən qəpik) manat dövlət rüsumu tutularaq iddiaçı Zərərçəkmiş şəxs ödənilməlidir. İcra vərəqələri Yevlax rayon İcra və Probasiya şöbəsinin icraatına daxil olduqdan sonra icraata başlamaq haqqında qərarlar qəbul olunmuş və tələbin 10 gün müddətində könüllü icrası ilə bağlı borcluya bildirişlər verilmişdir. Borclu ötən müddət ərzində icra sənədi üzrə ödəməli olduğu məbləğləri tələbkarlara ödəməmiş və icra sənədinin icrasından yayınmışdır. Buna görə də barəsində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta haqqında protokol tərtib edilərək, məhkəməyə verilmişdir. Məhkəmə iclasında tədqiq olunmuş sübutlarla Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi tam təsdiq edilmişdir. Məhkəmə barəsində inzibati xəta haqqında iş üzrə icraat aparılan şəxsin özünü qismən təqsirli bilməsi ilə bağlı verdiyi izahatını özünü müdafiə kimi qiymətləndirir və nəzərə alır. Barəsində inzibati xəta haqqında iş üzrə icraat aparılan şəxsin əməlindən peşman olması onun məsuliyyətini yüngülləşdirən haldır və məsuliyyətini ağırlaşdıran hallar müəyyən edilməmişdir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə məsuliyyət nəzərdə tutulur. Məhkəmə xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, inzibati xətaya görə məsuliyyətini yüngülləşdirən halı, məsuliyyətini ağırlaşdıran halların olmamasını, icra sənədini üzrsüz səbəbdən icra etmədiyini nəzərə alıb onun barəsində daha ciddi inzibati tənbeh tədbirinin tətbiq edilməsini məqsədəmüvafiq hesab edir. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib 08 (səkkiz) gün müddətinə inzibati qaydada həbs edilsin. Şəxs həbsdə saxlama müddətinin əvvəli 14 yanvar 2026-cı il tarixdən, saat 13:20dən hesablansın. Elan edilmiş qərarın surəti tərəflərə təqdim edilsin. Barəsində inzibati xəta haqqında iş üzrə icraat aparılan şəxs Şəxs Yevlax şəhər Vəkil Bürosunun vəkili X3 göstərdiyi 2 (iki) saat hüquqi yardımın ödənilməsi Azərbaycan Respublikası dövlət büdcəsi vəsaiti hesabına həyata keçirilsin. Göstərilən hüquqi yardıma görə cəmi 22 (iyirmi iki) manat dövlət büdcəsindən tutularaq Yevlax şəhər Vəkil Bürosunun vəkili X6 ödənilsin. Qərarın surəti, təqdim edildiyi və ya alındığı gündən 10 gün müddətində Yevlax Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət və ya protest verilə bilər. Hakim: Qalib Paşayev