Bakı Şəhəri Xətai Rayon Məhkəməsi Qərardad — İş №3(5-94)-1367/2026

Azərbaycan Respublikası adından QƏRARDAD Bakı şəhəri İş № 3(5-94)-1367/2026 13.02.2026 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Əlizadə Orxan Arzuxan oğlu, Bakı şəhər DYPİ-nin inzibati tənbeh vermə haqqında xx.xx.2025-ci tarixli, TP ******* saylı qərarın ləğv edilməsinə dair X2 tərəfindən verilmiş şikayətə baxaraq, müəyyən etdim: X2 ərizə ilə məhkəməyə müraciət edərək, Bakı şəhər DYPİ-nin xx.xx.2025-ci tarixli, TP ******* saylı inzibati tənbeh vermə haqqında qərarın ləğv edilməsi barədə qərar qəbul edilməsini xahiş etmişdir. Məhkəmə inzibati tənbeh vermə haqqında qərardan X2 tərəfindən verilmiş ərizəni və ona əlavə edilmiş sənədləri araşdırıb belə qənaətə gəlir ki, inzibati tənbeh vermə haqqında qərardan verilmiş şikayət və ona əlavə edilmiş sənədlər aidiyyəti üzrə düzgün verilməmişdir. Ona görə də toplanmış material baxılması üçün aidiyyəti üzrə Bakı şəhəri Səbail Rayon Məhkəməsinə göndərilməlidir. Belə ki, iş materiallarına əlavə olunmuş inzibati tənbeh vermə haqqında qərardan görünür ki, X1 xx.xx.2025-ci il tarixində Puşkin küçəsi, Z.Əliyeva küçəsi ərazisində Azərbaycan Respublikası İXM-nin 327.2-ci maddəsi ilə nəzərdə tutulmuş inzibati xətanı törətməsi göstərilmiş və barəsində Bakı şəhər X4 İdarəsi tərəfindən inzibati tənbeh tədbiri tətbiq edilmişdir. Azərbaycan Respublikası İnzibati Xətalar Məcəlləsinin: 109.1.7-ci maddəsinə əsasən, hakim inzibati xəta haqqında işin baxılmağa hazırlanması zamanı əgər bu məsələnin baxılması onun səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edir. 110.1. İnzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. TP ******* saylı protokola əsasən, inzibati xətanın Puşkin küçəsi, Z.Əliyeva küçəsi ünvanında törədilməsi qeyd edilmişdir. İş materiallarına əlavə edilmiş fotoşəkillərdən də inzibati xətanın törədilməsi istinad edilən ərazinin “Hökumət Evi”nin yaxınlığı olması müəyyən edilir. Eyni zamanda, X2 inzibati xəta haqqında işə onun yaşadığı yer üzrə baxılmasına dair vəsatət də verməmişdir. Məhkəmə, səlahiyyətli orqanın qərarından məhkəməyə verilən şikayətin inzibati xətanın törədildiyi yer üzrə rayon (şəhər) məhkəməsinə verildiyini və ehtimal olunan inzibati xətanın Puşkin küçəsi, Z.Əliyeva küçəsi ərazisində baş verdiyini, barəsində qərar çıxarılmış şəxs tərəfindən şikayətə qeydiyyatda olduğu yerin məhkəməsində baxılmasına dair vəsatət daxil olmamasını nəzərə alaraq hesab edir ki, inzibati tənbeh vermə haqqında qərardan verilmiş şikayət baxılması üçün aidiyyəti üzrə Bakı şəhəri Səbail Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 109 və 110-cu maddələrini rəhbər tutaraq, qərara aldım: X1 Bakı şəhər DYPİ-nin inzibati tənbeh vermə haqqında xx.xx.2025-ci tarixli, TP ******* saylı inzibati tənbeh vermə haqqında qərardan verdiyi şikayəti ona əlavə olunmuş sənədlərlə birlikdə aidiyyəti üzrə baxılması üçün Bakı şəhəri Səbail Rayon Məhkəməsinə göndərilsin. Bu qərardaddan şikayət verilə bilməz. Hakim: Orxan Əlizadə