Bakı şəhəri Qaradağ Rayon Məhkəməsi Qərar — İş №3(5-96)-669/2026

Azərbaycan Respublikası adından QƏRAR Bakı şəhəri İş № 3(5-96)-669/2026 12.03.2026 BAKI ŞƏHƏRİ QARADAĞ RAYON MƏHKƏMƏSİ Hakim Dadaşova Şəfa Əliövsət qızının sədrliyi, Zeynalzadə Seyidzöhrə Səmid qızının katibliyi, İnzibati xəta haqqında protokol tərtib etmiş şəxs Bakı şəhəri Qaradağ Rayon Polis İdarəsinin 38-ci PŞ-nin sahə rəisi, X3, Zərərçəkmiş şəxs X2, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1983-cü il tarixdə Bakı şəhərində doğulmuş, Azərbaycan Respublikasının vətəndaşı (FİN: xxxxxxx), subay, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə tənbeh tədbirinin tətbiq edilməsinə dair Bakı şəhəri Qaradağ rayon Polis İdarəsinin 38-ci Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: İnzibati xəta haqqında protokola və ona əlavə edilmiş materiallara əsasən Şəxs xx.xx.2026-cı il tarixdə X2 250 manat məbləğində pulunu vəd etməklə talamışdır. Bu səbəbdən 38-ci Polis Şöbəsinin sahə rəisi X6 tərəfindən Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi iləxx.xx.2026-cı il tarixli, MN ******* nömrəli inzibati xəta haqqında protokol tərtib edilmişdir. Məhkəmə iclasında inzibati xəta haqqında protokolu tərtib etmiş Bakı şəhəri Qaradağ Rayon Polis İdarəsinin 38-ci PŞ-nin sahə rəisi X6 çıxış edərək bildirmişdir ki, vətəndaş X5 xx.xx.2026-cı il tarixdə Qaradağ Rayon Polis İdarəsinin 38-ci PŞ-nə ərizə verərək, eyni zamanda 102 xidməti zəng mərkəzinə müraciət edərək Şəxs kredit götürməyi vəd edərək onun 250 manat məbləğində pulunu mənimsədiyini bildirmiş, barəsində müvafiq tədbir görülməsini xahiş etmişdir. Qaradağ RPİ-nin 38-ci PŞ-nin təhqiqatçısı Fariz İldırımov tərəfindən Şəxs barəsində 06 mart 2026-cı il tarixdə cinayət işinin başlanmsının rədd edilməsi Azərbaycan Respublikası İXM-nin 227-ci maddəsi ilə inzibati tədbir görülməsinə dair qərar qəbul edilmişdir. Buna görə də Şəxs barəsində İXM-nin 227-ci maddəsi ilə inzibati xəta haqqında protokol tərtib olunmuş və məhkəməyə təqdim olunmuşdur. Lakin daha sonra Şəxs zərərçəkmiş X4 dəymiş zərəri ödəmiş və onunla barışıq əldə etmişdir. Barəsində inzibati xəta haqqında icraat aparılan Şəxs məhkəmə iclasında özünü təqsirli bilmiş, əməlindən peşman olduğunu, mənimsədiyi pulu dərhal geri qaytara bilmədiyini bildirmişdir. Hazırda zərərçəkmiş şəxslə barışdığını, ona vurduğu zərəri tam olaraq ödədiyinin nəzərə alınmasını, məhkəmədən barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında iştirak edən zərərçəkmiş şəxs X5 izahatında bildirmişdir ki, bankdan kredit pul götürmək üçün Şəxs ilə telefon vasitəsi ilə əlaqə qurmuş, daha sonra sonuncu kredit pul götürəcəyini vəd edərək ondan 250 manat məbləğində pulun bank kartı hesabına göndərilməsini istəmiş, lakin həmin pulu geri qaytarmamışdır. Şəxs dəymiş ziyanı tam şəkildə ödədiyindən ona qarşı heç bir tələbi və şikayəti yoxdur. Göstərilən halları nəzərə alaraq, Şəxs barəsində başlanmış inzibati xəta haqqında iş üzrə icraata xitam verilməsini məhkəmədən xahiş etmişdir. İş materialında olan 06 mart 2026-cı il tarixli cinayət işinin başlanmasının rədd edilməsi haqqında qərardan görünür ki, X2 müraciəti əsasında toplanmış material üzrə, cinayət tərkibi olmadığından cinayət işinin başlanması rədd edilmiş, Şəxs oğlunun Azərbaycan Respublikası İXM 227-ci maddəsi ilə inzibati məsuliyyətə cəlb edilməsi qərara alınmışdır. İş materialında olan Qaradağ RPİ-nin 38-ci Polis Şöbəsinin rəisinə ünvanlanmış 06 mart 2026-cı il tarixli raportdan görünür ki, vətəndaş X5 xx.xx.2026-cı il tarixdə Qaradağ Rayon Polis İdarəsinin 38-ci PŞ-nə ərizə verərək, eyni zamanda 102 xidməti zəng mərkəzinə müraciət edərək Şəxs kredit götürməyi vəd edərək onun 250 manat məbləğində pulunu mənimsədiyini bildirmiş, barəsində müvafiq tədbir görülməsini xahiş etmişdir. X2 ərizəsi əsasında toplanmış təhqiqat materialı üzrə cinayət tərkibi olmadığından cinayət işinin başlanmasının rədd edilməsi haqqında qərar qəbul edilmiş, Şəxs əməlində Azərbaycan Respublikası İXM-nin 227-ci maddəsinin tərkibinin olduğu müəyyən edilmişdir. Qəbul edilmiş qərarın surətini təqdim etməklə hadisəni törədən şəxsin müəyyən edilərək Azərbaycan Respublikası İXM-nin 227-ci maddəsi ilə inzibati məsuliyyətə cəlb edilməsi barədə göstəriş verilmişdir. Zərərçəkmiş şəxs X5 tərəfindən məhkəməyə təqdim edilmiş ərizədən görünür ki, Şəxs ilə barışmış, ona dəymiş ziyan tam şəkildə ödənilmiş, ona qarşı heç bir şikayət və tələbi yoxdur. Məhkəmə proses iştirakçılarının izahatlarını dinləyib, toplanmış sübutlara məcmu halda hüquqi qiymət verərək hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə olan inzibati xəta haqqında iş üzrə icraata xitam verilməlidir. Belə ki, zərərçəkmiş şəxs X1 ilə barışmış və ona qarşı heç bir şikayət, tələbinin olmadığını bildirmişdir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 39.2-ci maddəsinə əsasən bu Məcəllənin 227, 232-1-ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Həmin Məcəllənin 53.1.10-cu maddəsinə əsasən bu Məcəllənin Xüsusi hissəsinin müvafiq maddələrinin Qeyd hissələrində bilavasitə müəyyən edilmiş hallarda inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə, məhkəmə hesab edir ki, Şəxs zərərçəkmiş şəxslə barışdığı üçün onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə başlanılmış inzibati iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 39, 40, 43, 48-51, 53, 114-117, 128-130 və 227-ci maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə başlanılmış inzibati xəta haqqında iş üzrə icraata həmin Məcəllənin 39-cu maddəsinə əsasən xitam. Qərarın surəti rəsmi qaydada verildiyi vaxtdan 10 (on) gün müddətində apelyasiya şikayəti verilə bilər. Hakim Şəfa Dadaşova