Bakı Şəhəri Nərimanov Rayon Məhkəməsi Qərar — İş №3(5-97)-997/2026

Azərbaycan Respublikası adından QƏRAR Bakı şəhəri İş № 3(5-97)-997/2026 04.03.2026 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məhkəmə iclas katibi Hüseynova Gülsüm Üzeyir qızının katibliyi ilə, Azərbaycan Respublikası Daxili İşlər Nazirliyi Baş X5 İdarəsinin nümayəndəsi Nümayəndə3, Barəsində inzibati xəta haqqında protokol tərtib edilən şəxs X1 iştirakı ilə, X1 Azərbaycan Respublikası Daxili İşlər Nazirliyi Baş X5 İdarəsinin xx.xx.2026-cı il tarixli EQ 33119201 nömrəli “İnzibati tənbeh vermə haqqında” elektron qərarından verdiyi şikayətə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X3 Azərbaycan Respublikası Daxili İşlər Nazirliyi Baş X5 İdarəsinin xx.xx.2026-cı il tarixli EQ 33119201 nömrəli “İnzibati tənbeh vermə haqqında” elektron qərarından Bakı Şəhəri Nərimanov Rayon Məhkəməsinə şikayət ərizəsi ilə müraciət etmişdir. Şikayət ərizəsində qeyd edilmişdir ki, xx.xx.2026-cı il tarixində saat 10:48 radələrində etibarnamə ilə idarə etdiyi **-RY-*** dövlət qeydiyyat nömrəli Hunday Accent markalı avtomobili ünvan 1 ünvanında yolun birinci sırasında park etmişdir. Bu hal DYP əməkdaşı tərəfindən çəkilmiş fotoşəkildə də aydın şəkildə görünür. Lakin DYP əməkdaşı həmin avtomobilin Firuz Qəmbərov küçəsi, ev 62 ünvanında yolun birinci sırasında dayandığını qeyd edərək X2 qarşı Azərbaycan Respublikası İXM-nin 346.4-cü maddəsi ilə 80 manat məbləğində cərimə və 2 cərimə balı tətbiq etmişdir. X3 Bakı şəhər DYP tərəfindən qəbul edilmiş 33119201 saylı qərarı əsassız və yanlış hesab edir. Yuxarıda göstərilənləri nəzərə alaraq, Bakı şəhər DYP-nin EQ33119201 saylı qərarının ləğv edilməsini xahiş edir. Məhkəmə iclasında şikayət vermiş şəxs X3 inzibati xəta haqqında protokolun əsassız olduğunu avtomobili saxladığı yerin dayanacaq olduğunu bildirərək, iş üzrə icraata xitam verilməsini məhkəmədən xahiş etdi. Məhkəmə iclasında Azərbaycan Respublikası Daxili İşlər Nazirliyi Baş X5 İdarəsinin nümayəndəsi Nümayəndə3 iş üzrə **-RY-*** dövlət qeydiyyat nömrəli Hunday Accent markalı avtomobilin dayandığı ərazini əks etdirən fotoşəkilləri təqdim edərək, yol hərəkəti qaydalarının pozulduğunu, buna görə də inzibati tənbeh vermə haqqında qərarın qəbul edildiyini bildirmişdir. Şikayətin təmin olunmamasını xahiş etmişdir. İş materiallarında olan və məhkəmə iclasında tədqiq edilmiş: Azərbaycan Respublikası Daxili İşlər Nazirliyi Baş X5 İdarəsinin xx.xx.2026-cı il tarixli EQ 33119201 nömrəli “İnzibati tənbeh vermə haqqında” qərarından görünür ki, X3 yol hərəkət qaydalarını pozaraq inzibati məsuliyyətə cəlb edilmişdir. Azərbaycan Respublikası Daxili İşlər Nazirliyi Baş X5 İdarəsinin nümayəndəsi Nümayəndə3 tərəfindən məhkəməyə təqdim edilmiş fotoşəkillərdən aydın olur ki, **-RY-*** dövlət qeydiyyat nömrəli Hunday Accent markalı avtomobil yolun hərəkət istiqamətində dayanmışdır. Məhkəmənin hüquqi mövqeyi: Azərbaycan Respublikası İnzibati Xətalar Məcəlləsinin 346.4-cü maddəsinə əsasən Yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə - səksən manat məbləğində cərimə edilir. Məhkəmə şikayət verən şəxs X2 istinad edilən inzibati xətaya qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur və sübutların məcmusu inzibati xətaya qiymət verilməsi baxımından kifayət edir və onun əməli düzgün olaraq İXM-nin 346.4-cü maddəsi ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Məhkəmədə tədqiq edilən fotoşəkildən aydın olur ki, X1 istifadəsində olan **-RY-*** dövlət qeydiyyat nömrəli Hunday Accent markalı avtomobil yolun hərəkət istiqamətində dayanmışdır. Barəsində inzibati tənbeh vermə haqqında qərar qəbul edilmiş şəxsin hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fıziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi və nümayəndə tərəfindən inzibati xətalar haqqında işlər üzrə qərarlardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 128.2.3-cü maddəsinin tələblərinə əsasən, inzibati xətalar haqqında işlər üzrə qərardan şikayət və ya protest səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə verilir. Beləliklə, qanunvericiliyin qeyd olunan normalarına və işin faktiki hallarına əsasən məhkəmə şikayətin dəlillərini əsaslı hesab etməməklə bərabər belə qənaətə gəlir ki, inzibati icraat zamanı qanunvericiliyin tələblərinin pozulması üçün əsaslar məhkəmə baxışı zamanı müəyyən edilməmişdir. Bu səbəbdən şikayətçi X1 şikayəti təmin edilməməlidir. Azərbaycan Respublikası İXM-in 134.1, 134.1.1-ci maddələrinə əsasən inzibati xəta haqqında iş üzrə qərardan verilən şikayətə baxılarkən qərarın dəyişdirilmədən saxlanılması, şikayətin təmin edilməməsi haqqında qərar qəbul edilir. Göstərilənlərə əsasən və Azərbaycan Respublikası İnzibati Xətalar Məcəlləsinin 129.1.1,130.1, 133, 134, 136, 137-ci maddələrini rəhbər tutaraq, məhkəmə QƏRARA ALDİ: Azərbaycan Respublikası Daxili İşlər Nazirliyi Baş X5 İdarəsi tərəfindən qəbul edilmiş xx.xx.2026-cı il tarixli EQ 33119201 nömrəli “İnzibati tənbeh vermə haqqında” qərarın ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsinə dair X1 şikayəti təmin edilməsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Xalidə Əlisoy