Bakı Şəhəri Nizami Rayon Məhkəməsi Qərar — İş №3(5-99)-1076/2026

Azərbaycan Respublikası adından QƏRAR Bakı şəhəri İş № 3(5-99)-1076/2026 05.03.2026 BAKI ŞƏHƏRİ NİZAMİ RAYON MƏHKƏMƏSİ Hakim Axundov Emin Tahir oğlunun sədrliyi, məhkəmə iclasının katibi Vəliyeva Nazlı Eldar qızının katibliyi, şikayətçi X2 və protokol tərtib etmiş Bakı şəhər Nizami RPİ-nin DYPŞ-nin YPX inspektoru X1 iştirakları ilə, X2 Azərbaycan Respublikası DİN BDYPİ-nin xx.xx.2026-cı il tarixli, EQ seriyalı, 33667509 nömrəli inzibati tənbeh vermə haqqında qərarından şikayətinə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X4 Azərbaycan Respublikası DİN BDYPİ-nin xx.xx.2026-cı il tarixli, EQ seriyalı, 33667509 nömrəli inzibati tənbeh vermə haqqında qərarından şikayətlə məhkəməyə müraciət edərək qərarın ləğv edilməsinə dair qərar qəbul edilməsini məhkəmədən xahiş etmişdir. Qərara əsasən X4 oğlu İXM-nin 346.5-ci maddəsi ilə təqsirli bilinib 40 manat məbləğində cərimə edilmişdir. Şikayətçi şikayətində və məhkəmə iclasında şikayətini onunla əsaslandırmışdır ki, xx.xx.2026-cı il tarixdə, saat 12:03 radələrində idarə etdiyi **-MH-*** dövlət qeydiyyat nişanlı, “Toyota RAV-4 Hibrid” minik markalı avtomobili Bakı şəhəri, Nizami rayonu, Məhsəti Gəncəvi küçəsu, 31E ünvanında birtərəfli yolun sağ hissəsində parklanma xəttinin daxilində saxladığı halda BDYPİ-nin əməkdaşı tərəfindən barəsində yolayrıcına 5 metr məsafə, İXM-nin 346.5-ci maddəsi ilə 40 manat, 2 bal protokol tərtib olunmuşdur. Lakin həmin yerdə parklanma xəttinin düzgün çəkilməməsilə bağlı qayda pozmadığını düşünür. Həmin yol küçələrin kəsişməsi, yolayrıcı hesab olunmur. Belə ki, həmin yol binaların həyətlərinə giriş üçündür və orada giriş-çıxış üçün yol nişanı yoxdur. Həmçinin həmin yerdə qanunsuz olaraq parklanma xətləri çəkilmiş, o da həmin xətləri əsas tutaraq orada saxlamışdır. O, həmin parklanmanın qanunsuz olduğunu bilmədən avtomobili orada saxlamışdır. Həmin parklanma ilə əlaqədar AYNA ilə əlaqə saxlamış, lakin onlar da ödənişli parklanma olmadığı üçün məsələyə aidiyyətlərinin olmadığını bildirmişlər. Qeyd olunanlara əsasən Azərbaycan Respublikası DİN BDYPİ-nin xx.xx.2026-cı il tarixli, EQ seriyalı, 33667509 nömrəli inzibati tənbeh vermə haqqında qərarın ləğv edilməsini məhkəmədən xahiş etdi. Məhkəmə iclasında protokol tərtib etmiş Bakı şəhər Nizami RPİ-nin DYPŞ-nin YPX inspektoru X3 məhkəməyə inzibati xəta hadisəsinin törədilməsi zamanı qeydə alınmış video görüntüləri təqdim edərək bildirdi ki, şikayət əsassızdır, qərar qanuni və əsaslıdır. Belə ki, qeyd olunan ünvanda qanunsuz parklanma üçün xətlər çəkilmişdir, həmin ərazidə heç bir parklanma nişanı yoxdur. Lakin sürücüyə qanunsuz parklanma ərazisində dayandığı üçün deyil, yolayrıcına 5 metrdən az yaxınlıqda dayandığı üçün inzibati tənbeh tədbiri tətbiq edilmişdir. Bunu nəzərə alaraq, şikayətin rədd edilərək qərarın qüvvədə saxlanılmasını məhkəmədən xahiş etdi. Məhkəmə tərəfləri dinləyib şikayəti və materialları nəzərdən keçirərək hesab edir ki, şikayət təmin edilməməlidir. Belə ki, iş materiallarında olan və məhkəmə baxışında tədqiq edilmiş xx.xx.2026-cı il tarixli, EQ seriyalı, 33667509 nömrəli inzibati tənbeh vermə haqqında qərardan görünür ki, Bakı şəhəri, Nizami rayonu, Məhsəti Gəncəvi küçəsu, 31E ünvanında xx.xx.2026-cı il tarixdə, saat 12:03-də nəqliyyat vasitələrinin hərəkət hissələrinin kəsişməsində və kəsişən hərəkət hissəsinin kənarından 5 metrdən az yaxınlıqda dayanmasına və ya durmasına görə, “Toyota RAV-4 Hibrid” minik markalı, **-MH-*** dövlət qeydiyyat nişanlı nəqliyyat vasitəsinin istifadəçisi X4 Azərbaycan Respublikası İXM-nin 346.5-ci maddəsi ilə 40 manat məbləğində inzibati cərimə edilmişdir. Protokol tərtib etmiş şəxs tərəfindən məhkəməyə təqdim edilmiş video görüntülərə baxış keçirilərkən müəyyən edilmişdir ki, şikayətçi tərəfindən həmin inzibati xəta hadisəsi həqiqətən törədilmişdir. Belə ki, **-MH-*** dövlət qeydiyyat nişanlı, “Toyota RAV-4 Hibrid” minik markalı nəqliyyat vasitəsi yol hərəkəti qaydalarına zidd şəkildə, kəsişən hərəkət hissəsinin kənarından 5 metrdən az yaxınlıqda dayanmaqla, İXM-nin 346.5-ci maddəsinin tələblərini pozmuşdur. Məhkəmə ilk növbədə Azərbaycan Respublikası İXM-nin 75.0.1, 75.0.2 və 75.0.3cü maddələrinin tələbləri baxımından aşağıdakı halların müəyyən edilib-edilmədiyini yoxlayır və hüquqi qiymət verir: inzibati xəta hadisəsi (inzibati xəta törədilmişdirmi); inzibati xəta törətmiş şəxs; inzibati xəta törətməkdə şəxsin təqsiri. “Yol hərəkəti haqqında” Azərbaycan Respublikasının Qanununun 36-cı maddəsinin İ hissəsinin 1 və 2-ci hissələrinə əsasən yol hərəkətinin iştirakçıları yol hərəkəti Qaydalarına riayət etməli, bu Qanunun yol hərəkətinin təhlükəsizliyi məsələlərinə dair tələblərini bilməli və yerinə yetirməlidirlər; yol hərəkətinin nizama salınmasında istifadə olunan nizamlayıcının və svetoforların siqnallarına, yol nişanlarına, yolun nişanlanmasına, yol işlərində istifadə olunan səs və işıq siqnallarına, bəzi nəqliyyat vasitələrinin fərqləndirici nişanlarına və nəqliyyat vasitəsi sürücülərinin siqnallarına tabe olmalıdırlar. “Yol hərəkəti haqqında” Azərbaycan Respublikasının Qanununun 52-ci maddəsinin İV bəndinin 6-cı hissəsinə əsasən 1.1—1.4 nişanlama xətti, yaxud ayırıcı zolağı olan üçtərəfli yolayrıclarındakı yan keçidin qarşı tərəfində dayanma halları istisna olmaqla, hərəkət hissələrinin kəsişməsində və kəsişən hərəkət hissəsinin kənarından 5 metrdən az yaxınlıqda dayanmaq qadağandır. Şikayətçi şikayətində onun tərəfindən qeyd edilən pozuntunun törədilməməsini qeyd etsə də, məhkəmə araşdırması zamanı müəyyən edilmişdir ki, şəxs tərəfindən İXMnin 346.5-ci maddəsində nəzərdə tutulmuş inzibati xəta hadisəsi həqiqətən törədilmişdir. Belə ki, X4 xx.xx.2026-cı il tarixdə Bakı şəhəri, Nizami rayonu, Məhsəti Gəncəvi küçəsu, 31E ünvanında “Yol Hərəkəti haqqında” Azərbaycan Respublikasının Qanununun 52-ci maddəsinin İV bəndinin 6-cı hissəsinin tələblərini pozmuş, nəqliyyat vasitəsini kəsişən hərəkət hissəsinin kənarından 5 metrdən az yaxınlıqda saxlamışdır. Beləliklə, X4 tərəfindən dayanma qaydalarının pozulması işdə olan qərar, video görüntü və məhkəmə iclasında tədqiq olunmuş digər sübutlarla öz təsdiqini tapmışdır. Azərbaycan Respublikası İXM-nin 346.5-ci maddəsinə əsasən nəqliyyat vasitələrinin sürücüləri “Yol hərəkəti haqqında” Azərbaycan Respublikasının Qanunu ilə müəyyən edilmiş hallar istisna olmaqla, nəqliyyat vasitələrinin hərəkət hissələrinin kəsişməsində və kəsişən hərəkət hissəsinin kənarından 5 metrdən az yaxınlıqda dayanmasına və ya durmasına görə – qırx manat məbləğində cərimə edilir. Həmçinin müəyyən edilir ki, şikayətçiyə təqsirli bilindiyi inzibati xətanın sanksiyası həddində inzibati tənbeh tətbiq edilmişdir. Azərbaycan Respublikası İXM-in 76.1-ci maddəsinə əsasən inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Şərh olunanlara əsaslanaraq və Azərbaycan Respublikası İXM-nin 114-115, 128- 136-cı maddələrini rəhbər tutaraq, məhkəmə QƏRARA ALDİ: X2 Azərbaycan Respublikası DİN BDYPİ-nin xx.xx.2026-cı il tarixli, EQ seriyalı, 33667509 nömrəli inzibati tənbeh vermə haqqında qərarından verdiyi şikayət təmin edilməsin, həmin qərar dəyişdirilmədən saxlanılsın. Qərarın surəti təqdim edildiyi və ya alındığı gündən 10 gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Emin Axundov