Bakı Şəhəri Nizami Rayon Məhkəməsi Qərar — İş №3(5-99)-749/2026

Azərbaycan Respublikası adından QƏRAR Bakı şəhəri İş № 3(5-99)-749/2026 13.02.2026 BAKI ŞƏHƏRİ NİZAMİ RAYON MƏHKƏMƏSİ Hakim Əhmədova Həqiqət Mülazim qızının sədrliyi, məhkəmə iclas katibi Cəfərova Ləman Faiq qızının katibliyi, inzibati xəta haqqında protokolu tərtib etmiş Bakı şəhəri Nizami RPİ-nin 23-cü PB-nin polis sahə rəisi, polis mayoru X3, barəsində inzibati xəta haqqında iş üzrə icraat aparılan Şəxs, onun müdafiəçisi Bakı şəhəri 18 saylı Vəkil Bürosunun vəkili – Şəxs iştirakları ilə, xx xxxxx 1970-ci il tarixdə Gəncə şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İXM-nin 227-ci maddəsi ilə olan işə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: Bakı şəhəri Nizami RPİ-nin 23-cü Polis Bölməsi tərəfindən tərtib edilmiş 12 fevral 2026-cı il tarixli, MN seriyalı, ******* nömrəli inzibati xəta haqqında protokola və digər sənədlərə əsasən Şəxs 04 noyabr 2025-ci il tarixdə Bakı şəhəri, Nizami rayonu, H.Əliyev prospekti 181 ünvanında yerləşən “X7” MMC-də satış müdiri işləyən X1 qarşı dələduzluq hərəkəti edərək ona məxsus **********536621 nömrəli bank kart hesabına 150 manat pul göndərtdirərək həmin pul vəsaitini mənimsəmişdir. Zərərçəkmiş şəxs X4 xx.xx.2026-cı il tarixdə ərizə verərk ona dəymiş maddi ziyanın Şəxs tərəfindən tam ödənildiyini, onunla bağlı şikayət və tələbinin olmadığını bildirərək iş üzrə icraata xitam verilməsini xahiş etmişdir. Məhkəmə iclasında inzibati xəta haqqında protokolu tərtib etmiş Bakı şəhəri Nizami RPİ-nin 23-cü PB-nin polis sahə rəisi, polis mayoru X6 protokolun məzmununa uyğun izahat verərək bildirdi ki, Şəxs 04 noyabr 2025-ci il tarixdə “X7” MMC-də satış müdiri işləyən X1 qarşı dələduzluq hərəkəti edərək ona məxsus **********536621 nömrəli bank kart hesabına 150 manat pul göndərtmiş, daha sonra X4 tərəfindən şəxsin əməli ilə bağlı şikayət daxil olmuşdur. 12 fevral 2026-cı il tarixdə tərəflərindən inzibati qaydada tutulmuşdur. Bu səbəbdən barəsində protokol tərtib edilmiş, baxılması üçün məhkəməyə təqdim edilmişdir. Hazırda şəxs tərəfindən zərər ödənilmiş və zərərçəkmiş şəxs də şikayətinin olmadığını bildirmişdir. Məhkəmə iclasında barəsində inzibati xəta haqqında iş üzrə icraat aparılan Şəxs izahatında qeyd etmişdir ki, əməlindən səmimi peşmandır, dəymiş zərər onun tərəfindən ödənilmişdir. Qeyd olunanların nəzərə alınmasını və iş üzrə icraata xitam verilməsini xahiş etmişdir. İş materiallarında olan: Bakı şəhəri Nizami rayon Polis İdarəsi 23-cü Polis Bölməsinin təhqiqatçısı, polis baş leytenantı X2 “cinayət işinin başlanmasının rədd edilməsi barədə” xx.xx.2025-ci il tarixli qərarından görünür ki, baş vermiş hadisədə cinayət tərkibi olmadığına görə cinayət işinin başlanılması rədd edilmişdir. Bakı şəhəri Nizami RPİ-nin 23-cü Polis Bölməsinin 12 fevral 2026-cı il tarixli raportundan görünür ki, qeyd olunan xırda talama əməlini törətmiş Şəxs müəyyən edilərək saxlanılmışdır. 12 fevral 2026-cı il tarixli tutma protokolundan görünür ki, Şəxs həmin tarixdə, saat 18:00-da tutulmuşdur. Məhkəmə işdə iştirak edən şəxslərin işin halları ilə bağlı verdikləri izahatları dinləyib, inzibati xəta haqqında işin materiallarını tədqiq edərək, o nəticəyə gəlir ki, Şəxs Azərbaycan Respublikası İXM-nin 227-ci maddəsi ilə nəzərdə tutulmuş inzibati xətanı törətmişdir, iş üzrə toplanmış mötəbər sübutlarla onun həmin maddə ilə inzibati xəta törətməkdə təqsiri tam sübuta yetir və törətdiyi əməl düzgün olaraq Azərbaycan Respublikası İXM-nin 227-ci maddəsi ilə tövsif olunmuşdur. Azərbaycan Respublikası İXM-nin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 39.2-ci maddəsinə əsasən bu Məcəllənin 227, 232-1-ci və 351-1ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati iş üzrə icraata xitam verilir. Məhkəmə iclasında müəyyən edilmişdir ki, barəsində inzibati xəta haqqında iş üzrə icraat aparılan Şəxs dəymiş maddi ziyanı ödəmiş və zərərçəkmiş şəxslə barışıq əldə etmişdir, zərərçəkmiş şəxs bununla bağlı məhkəməyə ərizə təqdim etmişdir. Beləliklə, məhkəmə hesab edir ki, Şəxs dəymiş maddi ziyanı ödəməklə zərərçəkmiş şəxslə barışıq əldə etdiyinə görə, Azərbaycan Respublikası İXM-nin 39.2-ci maddəsində nəzərdə tutulduğu qaydada işin icraatına xitam verilməlidir. X5 barəsində nəzərdə tutulmuş inzibati xəta haqqında iş üzrə icraata xitam verildiyindən, məhkəmə hesab edir ki, o, tutmadan dərhal azad edilməlidir. Şərh olunanlara əsaslanaraq və Azərbaycan Respublikası İXM-nin 39, 115, 128- 130-cu maddələrini rəhbər tutaraq, məhkəmə QƏRARA ALDİ: Şəxs barəsində İnzibati Xətalar Məcəlləsinin 227-ci maddəsində nəzərdə tutulmuş inzibati xəta haqqında iş üzrə icraata xitam verilsin. İnzibati qaydada tutulmuş Şəxs dərhal azad edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət və ya protest verilə bilər. Sədrlik edən: Həqiqət Əhmədova