Bakı Şəhəri Binəqədi Rayon Məhkəməsi Qərardad — İş №8(001)-176/2024

Azərbaycan Respublikası adından QƏRARDAD Bakı şəhəri İş № 8(001)-176/2024 27.02.2024 BAKI ŞƏHƏRİ BİNƏQƏDİ RAYON MƏHKƏMƏSİ X1 Nizami oğlunun sədrliyi, Məhkəmə iclas katibi Hacıyeva Yeganə Müslüm qızının katibliyi, Tələbkar ASC-nin nümayəndəsi Nümayəndə, Borclu2 iştirakları ilə, Bakı Şəhəri Binəqədi Rayon Məhkəməsinin e-2(001)-4639/2023 saylı, xx.xx.2023-cü il tarixli icra sənədi üzrə borclunun əmlakı üzərinə həbsin qoyulması və borcun avtomobilə yönəldilməsi barədə Binəqədi rayon icra şöbəsinin icra məmuru Aqil Cəbiyevin təqdimatına açıq məhkəmə iclasında baxaraq, məhkəmə m ü ə y y ə n e t d i: Bakı Şəhəri Binəqədi Rayon Məhkəməsinin e-2(001)-4639/2023 saylı, xx.xx.2023-cü il tarixli icra sənədinə əsasən xx.xx.2021-ci il tarixli, 6301***-*******02L Əsas kredit limiti Razılaşması müqaviləsi üzrə cavabdehlər Borclu2 və Borclu1 müştərək qaydada 25056.13 manat əsas borc, 2252.01 manat faiz borcu, 17 manat cərimə məbləği olmaqla, ümumilikdə 27325,14 manat məbləğində borc, iddianın qaldırılması üçün ödənilmiş dövlət rüsumunun 169 manatı Tələbkar ASC-nin xeyrinə ödənilməlidir. Binəqədi rayon icra şöbəsinin icra məmuru Aqil Cəbiyev təqdimatla məhkəməyə müraciət edərək bildirmişdir ki, Bakı Şəhəri Binəqədi Rayon Məhkəməsinin e-2(001)- 4639/2023 saylı, xx.xx.2023-cü il tarixli icra sənədinə əsasən xx.xx.2021-ci il tarixli, 6301***- *******02L Əsas kredit limiti Razılaşması müqaviləsi üzrə cavabdehlər Borclu2 və Borclu1 müştərək qaydada 25056.13 manat əsas borc, 2252.01 manat faiz borcu, 17 manat cərimə məbləği olmaqla, ümumilikdə 27325,14 manat məbləğində borc, iddianın qaldırılması üçün ödənilmiş dövlət rüsumunun 169 manatı Tələbkar ASC-nin xeyrinə ödənilməlidir. İcra vərəqəsində göstərilən tələbi dərhal olaraq təmin etməsi barədə borcluya qərar və bildiriş göndərilməsinə baxmayaraq, tələb borclu tərəfindən dərhal təmin edilməmişdir və qərəzli olaraq borcu ödəməkdən yayınmışdır. Borclunun adına daşınmaz əmlak və bank hesablarında pul aşkar edilməmişdir. Elektron icra sisteminin çıxarışından görünür ki, Borclu1 mülkiyyətində “MERCEDES BENZ ML270 CDİ” minik markalı **-BM-*** dövlət qeydiyyat nişanlı avtomobil qeydiyyatdan keçmişdir. Göstərilənlərə əsasən icra sənədinin icrasını təmin etmək məqsədilə Borclu1 mülkiyyətində “MERCEDES BENZ ML270 CDİ” minik markalı **-BM-*** dövlət qeydiyyat nişanlı avtomobil üzərinə həbs qoyulması və borcun avtomobilə yönəldilməsi barədə qərardad qəbul edilməsini xahiş etmişdir. Məhkəmə iclasında iştirak edən tələbkarın nümayəndəsi təqdimatın təmin edilməsini xahiş etdi. Məhkəmə iclasında iştirak edən Borclu2 təqdimatın təmin edilməməsini məhkəmədən xahiş etdi və bildirdi ki, banknan borcunu hissə-hissə ödəyəcəyini razılaşdırıb. Təqdimat vermiş icra məmuruna və Borclu1 məhkəmə tərəfindən iclasının vaxtı və yeri barədə məktub göndərilməsinə baxmayaraq, onlar, məhkəmə iclasına gəlməmiş, bunun səbəbləri barədə məhkəməyə məlumat təqdim etməmişlər. Məhkəmə Azərbaycan Respublikası Mülki Prosessual Məcəlləsinin 231.2-ci maddəsinə əsasən, təqdimata icra məmurunun və Borclu1 iştiraklarıı olmadan baxılmasını mümkün hesab etmişdir. Məhkəmə proses iştirakçılarını dinləyib, təqdimatı və ona əlavə olunmuş sənədləri araşdıraraq belə hesab edir ki, təqdimat qismən təmin olunmalıdır. Belə ki, təqdimata əlavə edilmiş “Elektron icra” Sistemindən olan çıxarışdan görünür ki, Borclu1 adına “MERCEDES BENZ ML270 CDİ” minik markalı **-BM-*** dövlət qeydiyyat nişanlı nəqliyyat vasitəsi qeydiyyata alınmışdır. “İcra haqqında” Azərbaycan Respublikası Qanununun 43.1.1-ci maddəsinə görə borclunun əmlakı üzərinə həbs qoyulması və onu satmaq yolu ilə tələbin əmlaka yönəldilməsi məcburi icra tədbirinin növlərindən biridir. Həmin Qanunun 43.1.3-cü maddəsinə görə icra məmuru tərəfindən icraata başlamaq haqqında qərar qəbul edildikdə və könüllü icra üçün icra məmuru tərəfindən borcluya verilmiş müddət keçdikdə icra məmuru tərəfindən məcburi icra tədbirlərinin tətbiqinə yol verilir. Həmin Qanunun 45.1-ci maddəsinə əsasən bu tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 45.2-ci maddəsinə əsasən icra sənədləri üzrə tələb ilk növbədə borclunun manatla və xarici valyuta ilə, o cümlədən, banklarda və digər kredit təşkilatlarında olan pul vəsaitlərinə və başqa sərvətlərinə yönəldilir. Borcluda aşkar edilən nağd pul vəsaitləri götürülür. Həmin Qanunun 45.3-cü maddəsinə əsasən borclunun banklarda və digər kredit təşkilatlarında hesablarda və əmanətlərdə, habelə saxlancda pul vəsaitlərinin və başqa sərvətlərinin olması barədə məlumat olduqda, onların üzərinə həbs qoyulur. “İcra haqqında” Azərbaycan Respublikası Qanununun 44.1-ci maddəsindən görünür ki, məcburi icra tədbirinin tətbiqi üçün aşağıda göstərilən 3 əsas birlikdə mövcud olmalıdır: 1)icra sənədi icra məmuruna təqdim olunmalıdır; 2) icra məmuru tərəfindən icraata başlamaq haqqında qərar qəbul olunmalıdır; 3) könüllü icra üçün icra məmuru tərəfindən borcluya verilmiş müddət keçməlidir. Hazırkı işdə hər 3 əsas mövcuddur. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə, əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə təqdimatda həbs qoyulması xahiş edilən avtomobilin borcun məbləği ilə mütənasibliyini, habelə qanunvericiliyin qeyd olunan tələblərini nəzərə alaraq belə hesab edir ki, Binəqədi rayon icra şöbəsinin icra məmurunun təqdimatı qismən təmin olunmalı, Borclu1 məxsus “MERCEDES BENZ ML270 CDİ” minik markalı **-BM-*** dövlət qeydiyyat nişanlı nəqliyyat vasitəsi üzərinə həbs qoyulmalı, təqdimat qalan hissədə rədd edilməlidir. Belə ki, nəqliyyat vasitəsinin üzərinə həbs qoyulduqdan sonra icra ilə bağlı digər hərəkətlərin yerinə yetirilməsi icra qanunvericiliyinin tələblərinə əsasən icra məmurunun vəzifələrinə aid edilmişdir. Yuxarıda göstərilənlərə əsasən və «İcra Haqqında» Azərbaycan Respublikası Qanununun 50.2-ci maddəsini və Azərbaycan Respublikası Mülki-Prosessual Məcəlləsinin 263-264-cü maddələrini rəhbər tutaraq, məhkəmə q ə r a r a a l d ı: Təqdimat qismən təmin olunsun. Bakı Şəhəri Binəqədi Rayon Məhkəməsinin e-2(001)-4639/2023 saylı, xx.xx.2023-cü il tarixli icra sənədinin icrası zamanı Borclu1 məxsus “MERCEDES BENZ ML270 CDİ” minik markalı **-BM-*** dövlət qeydiyyat nişanlı nəqliyyat vasitəsinin üzərinə həbs qoyulsun. Təqdimat qalan hissədə rədd edilsin. Qərardad rəsmi qaydada verildikdən sonra ondan 10 gün müddətində Elektron Məhkəmə İnformasiya Sistemində yaradılan elektron kabinet vasitəsi ilə Bakı Şəhəri Binəqədi Rayon Məhkəməsinə şikayət verilə bilər. Sədrlik edən Rəşad Qoşqarlı