Bakı Şəhəri Binəqədi Rayon Məhkəməsi Qərardad — İş №8(001)-26/2023

Azərbaycan Respublikası adından QƏRARDAD Bakı şəhəri İş № 8(001)-26/2023 11.01.2023 BAKI ŞƏHƏRİ BİNƏQƏDİ RAYON MƏHKƏMƏSİ hakim Mustafayev Etibar Mustafa oğlunun sədrliyi, X1 katibliyi, icra sənədi üzrə Tələbkar iştirakı ilə, Bakı şəhəri Binəqədi Rayon Məhkəməsinin 07 oktyabr 2022-ci il tarixli, 2(001)- 5054/2022 saylı icra sənədinin icrası ilə əlaqədar Borclu məcburi gətirilməsi barədə Bakı şəhəri Binəqədi rayon İcra Şöbəsinin böyük icra məmuru Şakir Bahadırovun təqdimatına 11 yanvar 2023-cü il tarixdə, Bakı şəhəri Binəqədi Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: Bakı şəhəri Binəqədi Rayon Məhkəməsinin 07 oktyabr 2022-ci il tarixli, 2(001)- 5054/2022 saylı icra sənədinə əsasən, 01 avqust 2014-cü il təvəllüdlü X2, 25 mart 2017-ci il təvəllüdlü X3 və 10 sentyabr 2018-ci il təvəllüdlü X4 adlı uşaqların yetkinlik yaşına çatanadək saxlanmaları üçün Borclu hər ay hər uşağa görə 150 manat olmaqla, ümumilikdə 450 manat sabit pul məbləğində alimentin tutularaq Tələbkar ödənilməsi və alimentin tutulmasının əvvəlinin 27 iyul 2022-ci il tarixdən hesablanması qərara alınmışdır. İcra məmuru təqdimatla məhkəməyə müraciət edərək, həmin icra vərəqəsi üzrə Borclu məcburi qaydada icra şöbəsinə gətirilməsi barədə qərardad çıxarılmasını xahiş etmişdir. Məhkəmə iclasında icra sənədi üzrə Tələbkar təqdimatın təmin edilməsini xahiş etdi. İşdə iştirak edən şəxslər məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəməyə gəlməmişlər. Azərbaycan Respublikası Mülki Prosessual Məcəlləsinin 231.2-ci maddəsinə əsasən işdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. Məhkəmə təqdimatı və əlavə olunmuş sənədləri nəzərdən keçirərək hesab edir ki, təqdimat təmin olunmalıdır. Belə ki, iş materiallarından görünür ki, icra sənədi Binəqədi rayon İcra Şöbəsinə daxil olduqdan sonra tələbin könüllü icrası barədə bildiriş icraata başlamaq haqqında qərarla birlikdə tərəflərin, həmçinin icra sənədi üzrə Borclu göndərilmiş, lakin, halhazıradək icra sənədi icrasız qalmışdır. “İcra haqqında” Azərbaycan Respublikasının Qanununun 84.2 və 84.3-cü maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Bu halda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Təqdimata əlavə olunmuş Binəqədi rayon İcra Şöbəsinin icra məmurunun qərarının surətindən görünür ki, borclunun icra şöbəsinə məcburi qaydada gətirilməsi qərara alınmış və həmin qərar icra qurumunun rəhbəri tərəfindən təsdiq edilmişdir. Yuxarıda göstərilənlərə əsasən, “İcra haqqında” Azərbaycan Respublikasının Qanununun 84-cü maddəsini və Azərbaycan Respublikası Mülki Prosessual Məcəlləsinin 231, 263, 264, 267 və 268-cı maddələrini rəhbər tutaraq, məhkəmə QƏRARA ALDİ: Bakı şəhəri Binəqədi rayon İcra Şöbəsinin icra məmurunun təqdimatı təmin edilsin. xx xxxxxxx 1988-ci il tarixdə Bakı şəhərində doğulmuş, ünvan 1 ünvanında qeydiyyatda olan Borclu Bakı şəhəri Binəqədi rayon İcra Şöbəsinə məcburi qaydada gətirilsin. Qərardad rəsmi qaydada verildiyi gündən 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev