Bakı Şəhəri Binəqədi Rayon Məhkəməsi Qərardad — İş №8(001)-603/2023

Azərbaycan Respublikası adından QƏRARDAD Bakı şəhəri İş № 8(001)-603/2023 18.07.2023 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Nəbizadə Nigar Xeyrulla qızı, Borclunun ölkədən getmək hüququnun müvəqqəti məhdudlaşdırılması barədə Bakı şəhəri Binəqədi rayon İcra Şöbəsinin icra məmuru Aynurəxanım Ağalarovanın təqdimatı və ona əlavə edilmiş sənədləri Bakı şəhəri Binəqədi Rayon Məhkəməsinin inzibati binasında nəzərdən keçirərək, MÜƏYYƏN ETDİM: Bakı şəhəri Binəqədi rayon İcra Şöbəsinin icra məmuru Aynurəxanım Ağalarova borclunun ölkədən getmək hüququnun müvəqqəti məhdudlaşdırılması barədə təqdimatla Bakı şəhəri Binəqədi Rayon Məhkəməsinə müraciət etmişdir. Mülki Prosessual Məcəllənin 13.4-cü maddəsinə müvafiq olaraq, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Azərbaycan Respublikası Mülki Prosessual Məcəlləsinin 151.1-ci maddəsinə əsasən, iddia ərizəsinin həmin Məcəllənin tələblərinə riayət edilməklə verilməsi yoxlanılmalıdır. Təqdimatı və ona əlavə edilmiş sənədləri nəzərdən keçirərək hesab edirəm ki, təqdimat geri qaytarılmalıdır. Belə ki, icra məmuru təqdimata nə icraata başlamaq haqqında qərarı, nə tərəfə göndərilmiş bildirişi, nə də ki, icra hərəkətlərinin aparılmasını təsdiq edən hər hansı digər sənədi əlavə etməmiş, təqdimata yalnız icra sənədini qoşmaqla kifayətlənmişdir. Beləliklə, təqdimatın qəbul olunmasının mümkünlüyü məsələsini yoxlayaraq və mülki prosessual qanunvericiliyin müddəalarını analogiya üzrə tədbiq edərək belə nəticəyə gəlirəm ki, təqdimat mülki prosessual qanunvericiliyin tələblərinə riayət edilməklə tərtib edilmədiyindən və təqdimata baxılmasını mümkün edən sənədlər əlavə edilmədiyindən geri qaytarılmalı və icra məmuruna izah edilməlidir ki, göstərilən nöqsanlar aradan qaldırıldıqdan sonra təkrarən məhkəməyə müraciət edə bilər. Yuxarıda qeyd olunanları nəzərə alaraq və Azərbaycan Respublikası Mülki- Prosessual Məcəlləsinin 13.4, 149, 152.1.1, 263, 264 və 268-ci maddələrini rəhbər tutaraq QƏRARA ALDİM: Borclunun ölkədən getmək hüququnun müvəqqəti məhdudlaşdırılması barədə Bakı şəhəri Binəqədi rayon İcra Şöbəsinin icra məmuru Aynurəxanım Ağalarovanın təqdimatı və ona əlavə edilmiş sənədlər geri qaytarılsın. İcra məmuruna izah olunsun ki, təqdimatın qaytarılması nöqsanlar aradan qaldırıldıqdan sonra təqdimatla yenidən məhkəməyə müraciət etməyə mane olmur. Qərardaddan rəsmi qaydada təqdim edildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Binəqədi Rayon Məhkəməsinə şikayət verilə bilər. Hakim: Nigar Nəbizadə