Bakı Şəhəri Binəqədi Rayon Məhkəməsi Qərardad — İş №8(001)-892/2025

Azərbaycan Respublikası adından QƏRARDAD Bakı şəhəri İş № 8(001)-892/2025 07.10.2025 BAKI ŞƏHƏRİ BİNƏQƏDİ RAYON MƏHKƏMƏSİ X3 Hüseynağa qızının sədrliyi ilə X1 borcun hissə-hissə ödənilməsinə dair ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: X2 xx.xx.2025-ci il tarixdə məhkəməyə müraciət edərək borcun hissə-hissə ödənilməsinə dair qərar çıxarılmasını məhkəmədən xahiş etmişdir. Məhkəmə ərizəni nəzərdən keçirərək, hesab edir ki, hazırki ərizə geri qaytarılmalıdır. İş materiallarına əlavə edilmiş və məhkəmədə tədqiq edilən: Azərbaycan Respublikası Mülki Prosessual Məcəlləsinin: 13.4-cü maddəsinə əsasən, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 149.2.2-ci maddəsinə əsasən, cavabdehin və işdə iştirak edən digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb 152.1.3-cü maddəsinə görə, əgər iş məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Məhkəmənin mövqeyi: Hazırki ərizənin icraata qəbulu zamanı borclu özü barədə məlumatların qeyd edilməməsi, həmçinin ərizəsini təsdiq edən sübutları təqdim etməməsi, yalnız doğum haqqında şəhadətnaməni iş materiallarına əlavə etməklə kifayətlənməsi aşkar edilmişdir. Məhkəmə hazırki ərizəni və ona əlavə edilmiş sənədəri nəzərədən keçirib belə qənaətə gəlir ki, onun icraata qəbulu mülki prosesual qanunvericiliklə nəzərdə tutulmuş forma və məzmun uyğunsuzuluğu baxımından geri qaytarılmalıdır. Belə ki, qanunvericiliklə imperativ qaydada nəzərdə tutulmuş forma və məzmuna əməl edilməməsi gələcəkdə işin obyektiv araşdırılmasına maneəçilik törətməklə yanaşı, çəkişmə prinsipinin pozulması ilə nəticələnə bilər. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 13.4, 152.1.3, 263, 264 və 268-ci maddələrini rəhbər tutaraq, QƏRARA ALDİ: X1 borcun hissə-hissə ödənilməsinə dair ərizəsi və əlavə olunmuş sənədlər geri qaytarılsın. Ərizəçiyə izah olunsun ki, ərizənin qaytarılmasına əsas olmuş nöqsanlar aradan qaldırıldıqdan sonra ərizə ilə yenidən məhkəməyə müraciət etməyə mane olmur. Qərardad rəsmi qaydada verildikdən sonra 10 gün müddətində Bakı şəhəri Binəqədi Rayon Məhkəməsinə şikayət (“Elektron məhkəmə” informasiya sistemində yaradılan elektron kabinet vasitəsilə) verilə bilər. Hakim: Səidə Məmmədova