Bakı şəhəri Qaradağ Rayon Məhkəməsi Qərardad — İş №8(002)-546/2022

Azərbaycan Respublikası adından QƏRARDAD Bakı şəhəri İş № 8(002)-546/2022 30.11.2022 BAKI ŞƏHƏRİ QARADAĞ RAYON MƏHKƏMƏSİ Hakim Əhmədova Gülnar İnqilab qızının sədrliyi, X4 oğlunun katibliyi, İcra məmuru Səbuhi Bağırovun iştirakı ilə, Bakı Şəhəri Qaradağ Rayon Məhkəməsinin 2(002)-164/2022 nömrəli, xx.xx.2022-ci il tarixli icra sənədinin icrası məqsədi ilə Borclunın Qaradağ Rayon İcra Şöbəsinə məcburi qaydada gətirilməsinə dair Bakı Şəhəri Qaradağ Rayon İcra şöbəsinin icra məmuru, İ dərəcəli ədliyyə qulluqçusu Səbuhi Bağırovun təqdimatına məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı Şəhəri Qaradağ Rayon İcra Şöbəsinin icra məmuru təqdimatla məhkəməyə müraciət edərək, Borcludan Qaradağ Rayon İcra Şöbəsinə məcburi qaydada gətirilməsinə dair qərar qəbul edilməsini xahiş etmişdir. Təqdimat onunla əsaslandırılmışdır ki, Bakı Şəhəri Qaradağ Rayon Məhkəməsinin 2(002)-164/2022 nömrəli, xx.xx.2022-ci il tarixli qərarına əsasən Borcludan hər ay 2 uşağın yetkinlik yaşına çatanadək saxlanılması üçün cəmi 350 manat sabit pul məbləğində aliment tutularaq tələbkar X2 xeyrinə ödənilməlidir.İcra sənədi xx.xx.2022-ci il tarixdə icraatına daxil olduqdan sonra icraata başlamaq haqqında qərar qəbul edilmiş və qanunla müəyyən edilmiş 10 müddətində icra sənədi üzrə tələbin könüllü icra edilməsi üçün müvafiq qaydada qərarın surəti bildirişlə bərabər Borclunın icra sənədində göstərilən Qaradağ ray,Lökbatan qəs,Ş.Xəlilov küç.,ev 13,mən 41 ünvanına göndərilmişdir.Borclu icraata başlamaq haqqında qərarın surətini və bildirişi qəbul etmiş və edilən çoxsaylı xəbərdarlıqlara baxmayaraq icra şöbəsinə gəlməkdən boyun qaçırmışdır.Lakin,borclu bu günədək icra sənədi üzrə tələbi təmin etməmişdir.Qeyd olunan halların nəzərə alınaraq təqdimatın təmin edilməsi barədə qərardad çıxarılmasını məhkəmədən xahiş etmişdir. İcra məmuru məhkəmə iclasında iştirak edərək,təqdimatın məzmununa və dəlillərinə uyğun izahat verərək, öz izahatında borclu şəxsi tapa bilmədiyini, yaşadığı ünvana belə getdiklərini evdə anası olduğunu, yaşayış yeri olduğundan, borclu şəxsin axtarışa verilməsi ilə bağlı da heç bir tədbir görə bilmədiklərini, tələbkara heç bir aliment ödəmədiyini, bu hal isə tələbkarın da narazılığına səbəb olduğunu bildirərək, bu halların nəzərə alınaraq, təqdimatın təmin edilməsini məhkəmədən xahiş etdi. Borcluya və tələbkara məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaq, icra məmuru və borclu məhkəmə iclasına gəlməmiş və məhkəmə mülki prosessual qanunvericiliyin tələbinə əsasən təqdimata onların iştirakı olmadan baxılmasını mümkün hesab etmişdir. Məhkəmə icra məmurunun izahatını dinləyib, təqdimatı və ona əlavə olunmuş sənədləri araşdıraraq hesab edir ki, təqdimat əsaslı olmaqla təmin edilməlidir. Belə ki, iş materiallarına əlavə olunmuş Bakı şəhəri Qaradağ Rayon Məhkəməsinin 2(002)-164/2022 nömrəli, xx.xx.2022-ci il tarixli qərarına əsasən xx.xx.2009-ci il təvəllüdlü X3 və xx.xx.2011-ci il təvəllüdlü X1 yetkinlik yaşına çatanadək saxlanılması üçün cavabdeh Borclu hər ay bir uşağa görə 175 manat olmaqla,cəmi 350 manat sabit pul məbləğində aliment tutularaq iddiaçı X2 ödənilməsi qət edilmişdir.. Belə ki, “İcra haqqında” Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Həmin Qanunun 84.3-cü maddəsinə əsasən həmin qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 gün müddətində müvafiq məhkəməyə şikayət verə bilərlər. İcra haqqında qanunvericiliyin tələbindən görünür ki, borclunun məcburi gətirilməsi tədbiri o halda tətbiq olunur ki, borclu icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınmış olsun. Məhkəmə araşdırması zamanı müəyyən edilmişdir ki, borclu şəxs müvafiq icra sənədi üzrə məlumatı olsa da, icra məmurunun çağırışları üzrə icra yerinə gəlməmiş, habelə icra sənədi üzrə tələbin icrasını təmin etməmişdir. Bundan əlavə, borclu şəxs tərəfindən icra məmurunun çağırışı ilə gəlməməsinin üzrlü səbəbdən baş verməsi ilə bağlı da heç bir məlumat verməmişdir. Bununla da, məhkəmə araşdırması zamanı borclu şəxsin icra məmurunun çağırışlarından yayınmasının üzrlü səbəbdən baş verməsi halını da müəyyən etmək mümkün olmamışdır. Həmçinin,məhkəmə araşdırması zamanı müəyyən edilmişdir ki, hazırki iş üzrə borclu barəsində icra məmuru tərəfindən müvafiq icra sənədinin icrasının təmin edilməsi məqsədilə bir sıra icra hərəkətləri həyata keçirilsə də, müvafiq icra sənədi üzrə tələbin icrasının təmin edilməsi mümkün olmamışdır. Ona görə də məhkəmə qeyd olunan halları nəzərə alaraq, hesab edir ki, təqdimat əsaslı olmaqla, təmin edilməlidir. Qeyd olunanlara əsasən və “İcra haqqında” Azərbaycan Respublikası Qanununun 84.2 və 84.3-cü maddəsini rəhbər tutaraq, məhkəmə QƏRARA ALDİ: Təqdimat təmin edilsin. xx.xx.1980-ci il tarixdə Bakı şəhərində anadan olmuş,Bakı şəh.,Qaradağ ray,Lökbatan qəs,Ş.Xəlilov küç.,ev 13,mən 41 ünvanında qeydiyyatda olan və yaşayan Borclu Bakı Şəhəri Qaradağ Rayon İcra Şöbəsinə məcburi qaydada gətirilsin. Qərardadın icrası Azərbaycan Respublikası Daxili İşlər Nazirliyinin Qaradağ Rayon Polis İdarəsinə və Bakı şəhər Qaradağ rayonu İcra Şöbəsinə həvalə edilsin. Qərardad dərhal icra edilsin. Qərardaddan tərəflərə rəsmi qaydada verildiyi gündən 10 (on) gün müddətində (elektron kabinet vasitəsilə) Bakı şəhəri Qaradağ Rayon Məhkəməsinə şikayət verilə bilər. Hakim Gülnar Əhmədova