Bakı şəhəri Qaradağ Rayon Məhkəməsi Qərardad — İş №8(002)-64/2024

Azərbaycan Respublikası adından QƏRARDAD Bakı şəhəri İş № 8(002)-64/2024 18.03.2024 BAKI ŞƏHƏRİ QARADAĞ RAYON MƏHKƏMƏSİ X2 Hüseynovun sədrliyi, Mehriban Yaşar qızı Bağırovanın katibliyi ilə, Qaradağ rayon İcra şöbəsinin icra məmuru X1 Borclu ölkədən getmək hüququnun müvəqqəti məhdudlaşdırılması barədə təqdimatına Bakı şəhəri Qaradağ Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏNETDİ: Tərtər Rayon Məhkəməsinin 2(061)-287/2023 saylı, 14 aprel 2023-cü il tarixli qətnaməsi üzrə xx.xx.2023-cü il tarixdə verilmiş icra vərəqəsinə əsasən, xx.xx.2021-ci il tarixli müqaviləsinə əsasən, APPLE İMAC 24 üçün 3562,4 (üç min beş yüz altmış iki manat qırx qəpik) manat ödənilməmiş hissə, 45 (qırx beş) manat dəbbə pulu, xx.xx.2022-ci il tarixli müqaviləsinə əsasən, MARSEL-YATAQ-4 qapılı dolab, boy aynası, MONAKO-DEHLİZ dolab üçün 1514,5 (bir min beş yüz on dörd manat əlli qəpik) manat ödənilməmiş hissə, 16 (on altı) manat dəbbə pulu, xx.xx.2021-ci il tarixli müqaviləsinə əsasən, İMEİ KOD **********68661 XİAOMİ REDMİ 9T markalı telefon üçün 162 (bir yüz altmış iki) manat ödənilməmiş hissə, 4 (dörd) manat dəbbə pulu olmaqla, ümumilikdə 5303,90 (beş min üç yüz üç manat doxsan qəpik) manat borc və 79,02 manat ödənilmiş dövlət rüsumu cavabdeh Borclu alınaraq "xxxx" MMC-nin xeyrinə ödənilməlidir. Təqdimat onunla əsaslandırılmışdır ki, icra sənədi xx.xx.2023-cü il tarixində Bakı şəhəri Qaradağ rayon İcra şöbəsinə daxil olmuş və qanunamüvafiq qaydada icraya yönəldilmişdir. İcraata başlamaq haqqında qərar qəbul edilərək, qərarın surəti bildirişlə birgə icra sənədi üzrə borcluya göndərilmiş, icra sənədində olan tələbin icrasının könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü icra edilmədiyi üçün onun əmlak vəziyyətini yoxlamaq üçün aidiyyatı təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. İcra sənədinin icrasından yayınan borclunun ölkə xaricinə çıxması icra sənədinin icrası istiqamətində hərəkətlərin davam etdirilməsinə mane ola bilər. Bu səbəbdən Qaradağ rayon İcra şöbəsinin icra məmuru təqdimatla məhkəməyə müraciət etmişdir. Tələbkar xx.xx.2024-cü il tarixdə məhkəməyə elektron ərizə ünvanlayaraq, məhkəmə iclasının nümayəndəsinin iştirakı olmadan keçirilməsini və təqdimatın təmin edilməsini xahiş etmişdir. Qaradağ rayon İcra şöbəsi və borclu məhkəmə iclasının vaxtı və yeri barədə qanunamüvafiq qaydada xəbərdar edilmələrinə baxmayaraq, məhkəmə iclasında iştirak etməmişlər. Məhkəmə Azərbaycan Respublikası MPM-nin 231.2-ci maddəsinə əsasən, təqdimata onların iştirakı olmadan baxılmasını mümkün hesab edir. Məhkəmə icra məmurunun təqdimatına əlavə etdiyi sənədləri, o cümlədən borclunun şəxsən qəbul etdiyi bildirişin surətini, borclunun yazılı izahatının surətini nəzərə alaraq, belə qənaətə gəlir ki, borclunun barəsində ölkədən getmək hüququnun müvəqqəti məhdudlaşdırılması barədə icra məmurunun təqdimatı təmin olunmalıdır. Belə ki, “İcra Haqqında” Azərbaycan Respublikasının Qanununun 84-1.1-ci maddəsinə əsasən, məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Yuxarıda göstərilənlərə əsasən və Azərbaycan Respublikasının MPM-nin 263-269-cu maddələrini rəhbər tutub, məhkəmə QƏRARAALDİ: Təqdimat təmin edilsin. xx.xx.1989-cu il təvəllüdlü Borclu ölkədən getmək hüququ müvəqqəti olaraq məhdudlaşdırılsın. Qərardaddan 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Bakı şəhəri Qaradağ Rayon Məhkəməsinin Hakimi: Fuad Hüseynov