Bakı Şəhəri Xəzər Rayon Məhkəməsi Qərardad — İş №8(003)-270/2023

Azərbaycan Respublikası adından QƏRARDAD Bakı şəhəri İş № 8(003)-270/2023 01.12.2023 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Musazadə Xanım Yaşar qızının katibliyi, Bakı şəhəri Xəzər rayon İcra şöbəsinin icra məmuru X1, Tələbkarın nümayəndəsi X2 iştirakı ilə, Bakı Apellyasiya Məhkəməsinin 2(103)-4274/2023 nömrəli, xx.xx.2023-cü il tarixli icra sənədi üzrə Borclu məxsus «Vaz 2106» minik markalı, **-ME-*** dövlət qeydiyyat nişanlı avtomobilin üzərinə həbs qoyulmasına dair Bakı şəhəri Xəzər rayon İcra şöbəsinin icra məmuru Şəfəq Neymətzadənin təqdimatına açıq məhkəmə iclasında baxaraq, məhkəmə M ü ə y y ə n e t d i: Bakı Apellyasiya Məhkəməsinin 2(103)-4274/2023 nömrəli, xx.xx.2023-cü il tarixli icra sənədinə əsasən cavabdeh Borclu 29 may 2014-cü il tarixli kredit müqaviləsi və ona əlavələr üzrə 11840,40 ABŞ dolları əsas borcun, 2417,40 ABŞ dolları fazi borcunun, 143,5625 ABŞ dolları cərimənin və 29 sentyabr 2018-ci il tarixdən 28 yanvar 2022-ci il tarixədək gecikdirilmiş vaxt üçün illik 5 faizlə hesablanmış 1716,72 ABŞ dollarının, cəmi 15458,0825 ABŞ dolları borcun ödənişin icra olunduğu vaxtda Mərkəzi Bankın müəyyən etdiyi məzənnə üzrə manatla və 187,11 manat ödənilmiş dövlət rüsumunun əvəzinin alınaraq iddiaçı "xxxx" ASC-yə ödənilməsi və ekspertiza tədqiqatının dəyəi – 100 manatın cavabdeh Borclu alınaraq Məhkəmə Ekspertizası Mərkəzinin hesabına köçürülməsi qət edilmişdir. Hazırda Bakı şəhəri Xəzər rayon İcra Şöbəsinin icra məmuru Şəfəq Neymətzadə əmlak üzərinə həbs qoyulması haqqında təqdimatla məhkəməyə müraciət edərək icra sənədi üzrə Borclu məxsus «Vaz 2106» minik markalı, **-ME-*** dövlət qeydiyyat nişanlı avtomobilin üzərinə həbs qoyulmasını xahiş etmişdir. İcra məmuru təqdimatını onunla əsaslandırmışdır ki, İcra sənədi xx.xx.2023-cü il tarixdə Bakı şəhəri Xəzər rayon İcra şöbəsinə daxil olmuş və qanunamüvafiq qaydada icraya yönəldilmişdir. İcraata başlamaq haqqında qərar qəbul olunaraq surəti bildirişlə bərabər icra sənədi üzrə Borclu icra sənədində qeyd olunan ünvanına göndərilmişdir. Borclu könüllü icra müddətində icra sənədi üzrə tələbi təmin etmədiyi üçün borclunun əmlak vəziyyətini yoxlamaq məqsədilə elektron sistem vasitəsilə sorğular edilmişdir. Belə ki, “Elektron İcra” informasiya sistemindən əldə olunmuş sorğu məlumatına əsasən müəyyən olunmuşdur ki, Borclu məxsus olan «Vaz 2106» minik markalı, **-ME-*** dövlət qeydiyyat nişanlı avtomobili vardır. İcra sənədinin icrasını təmin etmək məqsədilə məcburi icra tədbirləri kimi borclunun əmlakının üzərinə həbs qoymaq və onu satmaq yolu ilə tələbin əmlaka yönəlməsi barədə məcburi icra tədbirləri tətbiq edilməlidir. Məhkəmə iclasında iştirak etmiş Bakı şəhəri Xəzər rayon İcra şöbəsinin icra məmuru X3 təqdimata uyğun izahat verərək təqdimatın təmin edilməsini məhkəmədən xahiş etmişdir. Məhkəmə iclasında iştirak edən tələbkarın nümayəndəsi X4 təqdimatın təmin edilməsini xahiş etmişdir. Borclu məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq məhkəməyə gəlməməyin səbəbini və ya mümkünsüzlüyünü bildirmədən və bu barədə sübutlar təqdim etmədən məhkəməyə gəlməmişdir. Məhkəmə Azərbaycan Respublikasının Mülki Prosessual Məcəlləsinin 231.2-ci maddəsinə əsasən işə borclunun nun iştirakı olmadan baxılmasını mümkün hesab etmişdir. İş materiallarında olan: Bakı şəhəri Xəzər rayon İcra Şöbəsinin xx.xx.2023-cü il tarixli tələbin könüllü icrası haqqında bildirişinin surətindən görünür ki, borcluya tələbin üzrsüz səbəbdən icra edilməyəcəyi halda icranın məcburi qaydada təmin ediləcəyi barədə xəbərdarlıq edilmişdir. Xəzər rayon İcra şöbəsi tərəfindən təqdim edilmiş icra işinin materiallarından görünür ki, borclunun əmlak vəziyyətinin yoxlanılması məqsədi ilə aidiyyəti qurumlara sorğular verilmiş, borclunun manatla və xarici valyuta ilə, o cümlədən banklarda və digər kredit təşkilatlarında olan pul vəsaitlərinin olmaması müəyyən edilmişdir. “Elektron icra” informasiya sisteminin portalından çıxarışdan görünür ki, Borclu mülkiyyətində «Vaz 2106» minik markalı, **-ME-*** dövlət qeydiyyat nişanlı avtomobil var. Məhkəmə, təqdimatı və icra işini nəzərdən keçirərək hesab edir ki, icra sənədinin icrasını təmin etmək məqsədi ilə təqdimat təmin edilməlidir. Belə ki, Azərbaycan Respublikasının Konstitusiyasının 129-cu maddəsinin İ hissəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. «İcra Haqqında» Azərbaycan Respublikası Qanununun: 45.1-ci maddəsinə əsasən “İcra haqqında” Qanuna görə tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. 50.1-ci və 50.2-ci maddələrinə əsasən icraata başlamaq haqqında qərar borcluya təqdim olunduğu gündən ən geci 1 (bir) ay müddətində, zəruri hallarda isə, qərarın təqdim olunması ilə eyni vaxtda borclunun əmlakı üzərinə həbs qoyula bilər. Borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə, əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. İşin araşdırılan hallarından məlum olur ki, Bakı Apellyasiya Məhkəməsinin 2(103)- 4274/2023 nömrəli, xx.xx.2023-cü il tarixli icra sənədi üzrə borc hal-hazırkı vaxtadək ödənilməmişdir. Beləliklə, borclu tərəfindən icra sənədinin icrası təmin olunmamışdır. Borclu tərəfindən icra sənədində göstərilən pul vəsaiti ödənilmədiyi və bununla da icra sənədinin icrası mümkün olmadığı üçün məhkəmə hesab edir ki, Bakı Apellyasiya Məhkəməsinin 2(103)-4274/2023 nömrəli, xx.xx.2023-cü il tarixli icra sənədinin icrasını təmin etmək məqsədi ilə Borclu məxsus «Vaz 2106» minik markalı, **-ME-*** dövlət qeydiyyat nişanlı avtomobilin üzərinə həbs qoyulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 263, 264, 267 və 268-ci maddələrini rəhbər tutaraq, məhkəmə Qəraraaldı: Təqdimat təmin edilsin. Bakı Apellyasiya Məhkəməsinin 2(103)-4274/2023 nömrəli, xx.xx.2023-cü il tarixli icra sənədi üzrə Borclu məxsus «Vaz 2106» minik markalı, **-ME-*** dövlət qeydiyyat nişanlı avtomobilin üzərinə həbs qoyulsun. Qərardaddan 10 (on) gün müddətində Bakı Şəhəri Xəzər Rayon Məhkəməsinə şikayət vermək olar. Hakim Əkrəm Qəhrəmanov