Bakı Şəhəri Xəzər Rayon Məhkəməsi Qərardad — İş №8(003)-83/2023

Azərbaycan Respublikası adından QƏRARDAD Bakı şəhəri İş № 8(003)-83/2023 27.03.2023 BAKI ŞƏHƏRİ XƏZƏR RAYON MƏHKƏMƏSİ Hakim Cəfərzadə İlham Nizami oğlunun sədrliyi, Qasımova Leyla Nurəddin qızının katibliyi ilə Bakı şəhəri Xəzər Rayon Məhkəməsinin 2(003)-1948/2017 saylı xx.xx.2017-ci il tarixli icra sənədi üzrə Borclu məxsus əmlak üzərinə qoyulmuş həbsin götürülməsi barədə Bakı şəhəri Xəzər rayon icra şöbəsinin icra məmuru Elvin Fərzəliyevin təqdimatına məhkəmənin inzibati binasında, açıq məhkəmə iclasında baxaraq, müəyyən etdi: Bakı şəhəri Xəzər Rayon Məhkəməsinin 8(003)-500/2018 saylı, xx.xx.2018-ci il tarixli qərardadına əsasən Bakı şəhəri Xəzər Rayon Məhkəməsinin 2(003)-1948/2017 saylı xx.xx.2017-ci il tarixli icra sənədi üzrə borclu - Borclu məxsus olan "VAZ 2106" minik markalı, ** LV *** dövlət qeydiyyat nişanlı avtomobilin üzərinə həbsin qoyulması qərara alınmışdır. Hazırda Bakı şəhəri Xəzər rayon icra şöbəsinin icra məmuru Elvin Fərzəliyev təqdimatla məhkəməyə müraciət edərək, borcluya məxsus avtomobilin üzərinə qoyulmuş həbsin götürülməsi barədə qərardad çıxarılmasını xahiş etmişdir. Təqdimat onunla əsaslandırılmışdır ki, Tələbkar ASC məktubla icra şöbəsinə müraciət edərək Bakı şəhəri Xəzər Rayon Məhkəməsinin 2(003)-1948/2017 saylı, xx.xx.2017-ci il tarixli icra sənədi üzrə borclu tərəfindən heç bir öhdəliyin qalmadığı bildirilmiş və icra sənədinin icraatına xitam verilməsi xahiş olunmuşdur. İş üzrə Xəzər Rayon İcra şöbəsinə, tələbkara və borcluya təqdimata baxılması üçün təyin edilmiş məhkəmə iclasının vaxtı və yeri haqqında lazımi qaydada məlumat verilsədə, icra şöbəsinin və tələbkarın nümayəndəsi, borclu məhkəmə iclasına gəlməmişlər. Məhkəmə Azərbaycan Respublikası Mülki Prosessual Məcəlləsinin (bundan sonra MPM) 231.2-ci maddəsinə əsasən onların iştirakı olmadan təqdimata baxılmasını mümkün hesab etmişdir. Məhkəmə, təqdimatı və təqdimata əlavə edilmiş sənədləri nəzərdən keçirərək hesab edir ki, təqdimat təmin olunmalıdır. İş materiallarından görünür ki, Bakı şəhəri Xəzər Rayon Məhkəməsinin 2(003)- 1948/2017 saylı xx.xx.2017-ci il tarixli icra sənədinə əsasən Borclu cəmi 353 ABŞ dolları məbləğində borc pul qətnamə icra olunduğu gün Azərbaycan manatı məzənnəsinə uyğun olaraq və 20 manat ödənilmiş dövlət rüsumunun əvəzi tutularaq Tələbkar ASC-nin xeyrinə tutulmalıdır. Təqdimatdan və ona əlavə edilmiş sənədlərdən görünür ki, tələbkar olan Tələbkar ASC xx.xx.2022-ci il tarixli məktubla Xəzər rayon İcra şöbəsinə müraciət edərək Bakı şəhəri Xəzər Rayon Məhkəməsinin 2(003)-1948/2017 saylı xx.xx.2017-ci il tarixli icra sənədinə əsasən Borclu tərəfindən borc tam olaraq ödənildiyi bildirilmiş və «İcra haqında» Azərbaycan Respublikası Qanununun 20.1.5-ci maddəsinin tələblərinə əsasən iş üzrə icraata xitam verilməsi xahiş olunmuşdur. Xəzər rayon İcra şöbəsinin icra məmuru Elvin Fərzəliyev tərəfindən qəbul edilmiş xx.xx.2022-ci il tarixli icraata xitam verilməsi haqqında qərarının surətindən görünür ki, Bakı şəhəri Xəzər Rayon Məhkəməsinin 2(003)- 1948/2017 saylı xx.xx.2017-ci il tarixli icra sənədi üzrə icraata xitam verilmişdir. «İcra haqında» Azərbaycan Respublikası Qanununun 50.2-ci maddəsinə əsasən, icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Həmin Qanunun 20.8-ci maddəsinə əsasən icra sənədi məhkəməyə və ya icra sənədini vermiş digər orqana qaytarıldıqdan sonra icra məmuru təyin etdiyi bütün icra tədbirlərini ləğv edir. İşin araşdırılmış hallarından görünür ki, borcluya məxsus əmlakın üzərinə həbsin qoyulmasına əsas olmuş icra sənədi üzrə tələbkara olan borc tam olaraq ödənildiyindən həmin icra sənədi üzrə icraata xitam verilmişdir. Ona görə də məhkəmə hesab edir ki, borcluya məxsus əmlakın (avtomobilin) üzərində həbsin qalmasına olan zərurət aradan qalxmışdır. Odur ki, məhkəmə hesab edir ki, borcluya məxsus əmlakın (avtomobilin) üzərinə həbsin qoyulmasına olan zərurət aradan qalxdığından Bakı şəhəri Xəzər Rayon Məhkəməsinin 8(003)-500/2018 saylı xx.xx.2018-ci il tarixli qərardadı ilə ona məxsus olan "VAZ 2106" minik markalı, ** LV *** dövlət qeydiyyat nişanlı avtomobilin üzərinə qoyulmuş həbs götürülməlidir. Qeyd olunanlara əsasən və Azərbaycan Respublikası MPM-in 162, 231, 263-264 və 267-ci maddələrini rəhbər tutaraq, məhkəmə qərara aldı: Təqdimat təmin edilsin. Bakı şəhəri Xəzər Rayon Məhkəməsinin 8(003)-500/2018 saylı xx.xx.2018-ci il tarixli qərardadı ilə borclu - Borclu məxsus olan "VAZ 2106" minik markalı, ** LV *** dövlət qeydiyyat nişanlı avtomobilin üzərinə qoyulmuş həbs götürülsün. Qərardaddan rəsmi qaydada verildiyi gündən 10 (on) gün müddətində Bakı şəhəri Xəzər Rayon Məhkəməsinə (elektron kabinet vasitəsilə) şikayət verilə bilər. Sədrlik edən İlham Cəfərzadə