Bakı Şəhəri Yasamal Rayon Məhkəməsi Qərardad — İş №8(004)-110/2025

Azərbaycan Respublikası adından QƏRARDAD Bakı şəhəri İş № 8(004)-110/2025 11.02.2025 BAKI ŞƏHƏRİ YASAMAL RAYON MƏHKƏMƏSİ Hakim Xudayev Kərim Bahəddin oğlunun sədrliyi, Almasova Aytən Asəf qızının katibliyi ilə, Bakı şəhəri Yasamal Rayon İcra Şöbəsinin icra məmuru X1 Bakı şəhəri Yasamal Rayon Məhkəməsinin 2(004)-1695/2024 saylı, xx.xx.2024-cü il tarixli icra sənədinin icrasını təmin etmək məqsədi ilə Borclu məxsus əmlakın üzərinə həbs qoyulmasına dair təqdimatına açıq məhkəmə iclasında baxaraq, MÜƏYYƏN ETDİ: Bakı şəhəri Yasamal Rayon İcra Şöbəsinin icra məmuru X1 Bakı şəhəri Yasamal Rayon Məhkəməsinin 2(004)-1695/2024 saylı, xx.xx.2024-cü il tarixli icra sənədinin icrasını təmin etmək məqsədi ilə Borclu mülkiyyətində Sumqayıt şəhəri, Yaşma bağları ərazisi, “Şirvan” BY 77/352 ünvanında yerləşən 0.06 ha ölçüdə bağ sahəsinin üzərinə həbs qoyulması barədə qərardad qəbul edilməsini xahiş etmişdir. Daha sonra, xx.xx.2025-ci il tarixdə Bakı şəhəri Yasamal Rayon İcra Şöbəsinin icra məmuru X2 ərizə ilə məhkəməyə müraciət edərək, təqdimatın geri qaytarılmasını xahiş etmişdir. Azərbaycan Resublikası MPM-nin 13.4-cü maddəsinə əsasən, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Azərbaycan Respublikası MPM-nin 152.1.9-cu maddəsinə əsasən iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda hakim iddia ərizəsini və ona əlavə edilmiş sənədləri geri qaytarır. Məhkəmə müvafiq ərizəni nəzərdən keçirib hesab edir ki, icra məmuru təqdimatın geri qaytarılması barədə ərizə veriyindən, Bakı şəhəri Yasamal Rayon Məhkəməsinin 2(004)-1695/2024 saylı, xx.xx.2024-cü il tarixli icra sənədinin icrasını təmin etmək məqsədi ilə Borclu məxsus əmlakın üzərinə həbs qoyulmasına dair təqdimat baxılmadan geri qaytarılmalıdır. Şərh olunanlara əsasən və Azərbaycan Respublikası MPM-nin 152.1.9, 231, 263- 264, 268-ci maddələrini rəhbər tutaraq, məhkəmə qəraraaldı: Bakı şəhəri Yasamal Rayon Məhkəməsinin 2(004)-1695/2024 saylı, xx.xx.2024-cü il tarixli icra sənədinin icrasını təmin etmək məqsədi ilə Borclu məxsus əmlakın üzərinə həbs qoyulmasına dair təqdimat baxılmadan geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Hakim: Kərim Xudayev