Bakı Şəhəri Yasamal Rayon Məhkəməsi Qərardad — İş №8(004)-209/2025

Azərbaycan Respublikası adından QƏRARDAD Bakı şəhəri İş № 8(004)-209/2025 17.03.2025 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi, X2 oğlunun katibliyi. Borclu, Bakı şəhəri Yasamal rayon İcra Şöbəsinin icra məmuru Aslan Aslanbəylinin iştirakı ilə, Bakı Apellyasiya Məhkəməsinin 2(103)-7274/2023-014 nömrəli, xx.xx.2024-cü il tarixli icra sənədinin icrasının təmin edilməsi məqsədilə Borclu ölkədən getmək hüququnun müvəqqəti məhdudlaşdırılması barədə Yasamal rayon icra şöbəsinin icra məmuru Aslan Aslanbəylinin təqdimatına məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Bakı Apellyasiya Məhkəməsinin 2(103)-7274/2023-014 nömrəli, xx.xx.2024-cü il tarixli icra sənədinə əsasən Tələbkar MMC ilə Borclu arasında bağlanmış 37 nömrəli, 10 noyabr 2021-ci il tarixli alqı-satqı müqaviləsi X1 məxsus 29 kv.m sahəyə aid hissədə etibarsız hesab edilməlidir. 29 kv.m sahənin dəyərini təşkil edən 72500 (yetmiş iki min beş yüz) manat üçüncü şəxs Borclu alınıb cavabdeh Tələbkar MMC-yə verilməli, 29 kv.m sahə naturada mövcud olmadığından bu sahənin dəyəri kimi qəbul edilən 72500 (yetmiş iki min beş yüz) manat cavabdeh Tələbkar MMC-dən tutulub iddiaçı X1 verilməlidir. Bakı şəhəri Yasamal rayon icra şöbəsinin icra məmuru Aslan Aslanbəyli təqdimatla məhkəməyə müraciət edərək, iş üzrə borclu xx.xx.1972-ci il təvəllüdlü, ünvan 1 ünvanında qeydiyyatda olan Borclu ölkədən getmək hüququnun müvəqqəti məhdudlaşdırılması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Tələbkar MMC ilə Borclu arasında bağlanmış 37 nömrəli, 10 noyabr 2021-ci il tarixli alqı-satqı müqaviləsi X1 məxsus 29 kv.m sahəyə aid hissədə etibarsız hesab edilməlidir. 29 kv.m sahənin dəyərini təşkil edən 72500 (yetmiş iki min beş yüz) manat üçüncü şəxs Borclu alınıb cavabdeh Tələbkar MMC-yə verilməli, 29 kv.m sahə naturada mövcud olmadığından bu sahənin dəyəri kimi qəbul edilən 72500 (yetmiş iki min beş yüz) manat cavabdeh Tələbkar MMC-dən tutulub iddiaçı X1 verilməlidir. İş üzrə Borclu xx.xx.2024-cü il tarixdə könüllü icra üçün müəyyən olunmuş vaxtda tələbin icrası ilə bağlı bildiriş göndərilməsinə, dəfələrlə şifahi xəbərdarlıq edilməsinə baxmayaraq, borclu icranı könüllü təmin etməmiş və icranı təmin etməkdən üzrsüz səbəbdən boyun qaçırmışdır. Belə olan halda məhkəmə qərarı əsasında verilmiş icra sənədi könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədiyi üçün və ölkənin hüdudlarını tərk emək ehtimalını nəzərə alaraq, borclunun ölkədən getmək hüququnun müvəqqəti məhdudlaşdırılmasını məqsədə müvafiq hesab edir. Məhkəmə iclasında iştirak edən Bakı şəhəri Yasamal rayon İcra Şöbəsinin icra məmuru Aslan Aslanbəyli təqdimatı müdafiə edərək, onun məzmununa uyğun izahat verdi və məhkəmədən təqdimatın təmin olunmasını xahiş etdi. Məhkəmə iclasında iştirak edən Borclu təqdimatın təmin edilməsinə, onun ölkədən getmək hüququnun müvəqqəti məhdudlaşdırılmasına etiraz etmir. Lakin pul məbləğini qəbul etmir. Məhkəmə qərarı ilə razılaşmır. İcra sənədi üzrə tələbkara məhkəmə iclasının vaxtı və yeri barədə lazımi qaydada məlumat verilmiş, lakin onlar məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Tələbkarın məhkəmə iclasına gəlməmələri məhkəmə qarşısında qoyulmuş məsələnin həll edilməsinə mane olmadığından, Azərbaycan Respublikası MPM-nin 231.2-ci maddəsinə əsasən, məhkəmə təqdimata tələbkarların iştirakı olmadan baxılmasını mümkün hesab edir. Təqdimata əlavə edilmiş Bakı şəhəri Yasamal rayon icra şöbəsinin 14 avqust 2024-cü il tarixli icraata başlamaq haqqında qərarından görünür ki, Bakı Apellyasiya Məhkəməsinin 2(103)- 7274/2023-014 nömrəli, xx.xx.2024-cü il tarixli icra sənədi üzrə icraata başlanılmışdır. Təqdimata əlavə edilmiş “tələbin könüllü icrası haqqında” 14 avqust 2024-cü il tarixli bildirişdən görünür ki, Bakı Apellyasiya Məhkəməsinin 2(103)-7274/2023-014 nömrəli, xx.xx.2024cü il tarixli icra sənədində göstərilən tələbin Borclu tərəfindən könüllü icra edilməsi xahiş edilmişdir. Məhkəmə borc tələbi üzrə borcun məbləğini, digər icra tədbirlərinin nəticə vermədiyini və görülən icra tədbirinin icra sənədinə mütənasibliyini nəzərə alaraq qeyd edir ki, təqdimat təmin edilməlidir. «İcra haqqında» Azərbaycan Respublikası Qanunun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Şərh olunanlara əsasən və Azərbaycan Respublikası MPM-nin 231, 263-264, 267-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. xx.xx.1972-ci ildə Bakı şəhərində anadan olmuş və ünvan 1 ünvanında qeydiyyatda olan Borclu ölkədən getmək hüququ Bakı Apellyasiya Məhkəməsinin 2(103)-7274/2023-014 nömrəli, xx.xx.2024-cü il tarixli icra sənədi icra edilənədək müvəqqəti məhdudlaşdırılsın. Qərardad tərəfə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Yasamal Rayon Məhkəməsinə şikayət verilə bilər. Hakim: Gülnar Babazadə