Bakı Şəhəri Yasamal Rayon Məhkəməsi Qərardad — İş №8(004)-374/2025

Azərbaycan Respublikası adından QƏRARDAD Bakı şəhəri İş № 8(004)-374/2025 27.05.2025 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi, Vəliyeva Heyvagül Valeh qızının katibliyi, X1 iştirakları ilə, Bakı şəhəri Yasamal rayon icra şöbəsinin icra məmuru Sahib Allahverdiyevin “icra sənədi üzrə icraata xitam verilməsi haqqında” xx.xx.2020-ci il tarixli qərarından X2 tərəfindən verilmiş şikayətə məhkəmənin inzibati binasında açıq məhkəmə iclasında baxaraq, MÜƏYYƏNETDİ: X2 məhkəməyə şikayət verərək, qətnaməyə dair icra sənədi üzrə icraata xitam verilməsi haqqında qəbul olunan xx.xx.2020-ci il tarixli qərarın ləğv edilməsini məhkəmədən xahiş etmişdir. Şikayət onunla əsaslandırılmışdır ki, Bakı şəhəri Yasamal Rayon Məhkəməsi tərəfindən onun cavabdehlər Borclu1 İrşad oğlu, Borclu2 və Borclu3 qarşı mənzildən istifadə hüququna xitam verilməsi və mənzilin boşaldılması tələbinə dair 2018-ci il 11 dekabr tarixində 2(004)-8784/2018 saylı qətnamə qəbul edilərək iddia tələbi təmin olunmuşdur. Sözügedən qətnamə ilə yuxarıda qeyd olunan cavabdehlərin onun mülkiyyətində olan Bakı şəhəri, Yasamal rayonu, H.B.Zərdabi küçəsi, ev 78V, mənzil 289 saylı mənzildən istifadə hüquqlarına xitam verilmiş və həmin mənzildən çıxarılmaları ilə yanaşı mənzilin boşaldılması da qət edilmişdir. Məsələ ilə bağlı tərəfindən 06 may 2025ci il tarixdə Bakı şəhəri Yasamal rayon icra şöbəsinə müraciət olunaraq, qətnaməyə dair icra sənədi üzrə icraata xitam verilməsi haqqında qəbul olunan müvafiq qərarın (icraata xitam verilməsi haqqında) surətinin ona rəsmi qaydada təqdim olunması xahiş olunmuş, icra şöbəsi tərəfindən 07 may 2025-ci il tarixdə “icra sənədi üzrə icraata xitam verilməsi haqqında” qərar xx/xx-151309 nömrəli müşayiət məktubu ilə təqdim olunmuşdur. Məhkəmə iclasında iştirak edən X2 şikayət ərizəsini müdafiə edərək, onun məzmununa uyğun izahat verdi və şikayət ərizəsinin təmin olunmasını məhkəmədən xahiş etdi. Borcluya və icra məmuruna məhkəmə iclasının vaxtı və yeri barədə lazımi qaydada məlumat verilmiş, lakin onlar məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Borclunun və icra məmurunun məhkəmə iclasına gəlməməsi məhkəmə qarşısında qoyulmuş məsələnin həll edilməsinə mane olmadığından, Azərbaycan Respublikası MPM-nin 231.2-ci maddəsinə əsasən, məhkəmə şikayətə onların iştirakı olmadan baxılmasını mümkün hesab edir. Məhkəmə şikayət ərizəsi və iş materiallarını nəzərdən keçirərək qeyd edir ki, şikayət təmin edilməli, Bakı şəhəri Yasamal rayon icra şöbəsinin icra məmuru Sahib Allahverdiyevin “icra sənədi üzrə icraata xitam verilməsi haqqında” xx.xx.2020-ci il tarixli qərarı ləğv edilməli və icra tədbirləri davam etdirilməlidir. Belə ki, iş materiallarında olan: - Bakı şəhəri Yasamal Rayon Məhkəməsinin 2(004)-8784/2018 saylı, 11 dekabr 2018-ci il tarixli icra vərəqəsinə əsasən cavabdehlər Borclu1 İrşad oğlu, Borclu2 və Borclu3 iddiaçı X4 mülkiyyətində olan Bakı şəhəri, Yasamal rayonu, H.B.Zərdabi küçəsi, ev 78V, mənzil 289 saylı mənzildən istifadə hüquqlarına xitam verilməsi, cavabdehlər Borclu1 İrşad oğlu, Borclu2 və Borclu3 məxsus əşyaların Bakı şəhəri, Yasamal rayonu, H.B.Zərdabi küçəsi, ev 78V, mənzil 289 saylı mənzilindən çıxarılması və mənzilin boşaldılması qət edilmişdir. - Bakı şəhəri Yasamal Rayon İcra Şöbəsinin icra məmuru Sahib Allahverdiyevin xx.xx.2019-cu il tarixli icraata başlamaq haqqında qərarına əsasən Bakı şəhəri Yasamal Rayon Məhkəməsinin 2(004)-8784/2018 saylı, 11 dekabr 2018-ci il tarixli icra sənədi üzrə icraata başlanılmışdır. - Bakı şəhəri Yasamal Rayon İcra Şöbəsinin icra məmuru Sahib Allahverdiyevin xx.xx.2019-cu il tarixli tələbin könüllü icrası haqqında bildirişinə əsasən borclu X3 tələbin könüllü icrası üçün 10 gün müddətində vaxt verilmişdir. - Bakı şəhəri Yasamal Rayon İcra Şöbəsinin icra məmuru Sahib Allahverdiyevin xx.xx.2019-cu il tarixli aktına əsasən mübahisəli mənzilə baxış keçirilmiş, cavabdehlərin həmin mənzildə 2 ildən çoxdur ki, yaşamadığı bildirilmişdir. Mənzildə olduqda içəridə əmlakların olduğu müəyyən olunmiş, əşyalar siyahıya alınaraq tələbkara saxlanc üçün təhvil verilmişdir. - Bakı şəhəri Yasamal Rayon İcra Şöbəsinin icra məmuru Sahib Allahverdiyevin “icra sənədi üzrə icraata xitam verilməsi haqqında” xx.xx.2020-ci il tarixli qərarından görünür ki, Bakı şəhəri Yasamal Rayon Məhkəməsinin 2(004)-8784/2018 saylı, 11 dekabr 2018-ci il tarixli icra sənədi üzrə icraata xitam verilmişdir. “İcra haqqında” Azərbaycan Respublikası Qanununun 20-ci maddəsinin şərh edilməsinə dair” Konstitusiya Məhkəməsinin Plenumunun 10 oktyabr 2017-ci il tarixli Qərarında qeyd edilmişdir ki, qətnamə çıxarıldıqdan sonra həmin qətnaməni çıxaran hakimin üzərinə qoyulan bir sıra vəzifələr (məsələn, qətnamədəki yanlışlıqların və ya açıq hesab səhvlərinin düzəldilməsi (maddə 228), əlavə qətnamənin çıxarılması (maddə 229), qətnamənin izah edilməsi (maddə 230), qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi (maddə 231.1, 231.2), ödənilməli pul məbləğlərinin indeksasiyası (maddə 232) məhz qətnamənin səmərəli icrasını təmin etmək məqsədini daşıyır. Qeyd olunanlar eyni zamanda məhkəmənin qəbul etdiyi qətnamənin icrasına nəzarət funksiyasının həyata keçirilməsinə də xidmət edir. Belə ki, “İcra haqqında” Qanunun 26-cı maddəsinə əsasən icra sənədlərinin vaxtında və düzgün icra edilməsinə nəzarət icra qurumunun rəhbəri və məhkəmə tərəfindən öz səlahiyyətləri daxilində həyata keçirilir. “İcra haqqında” Azərbaycan Respublikası Qanununun 20.1-ci maddəsinə əsasən, icra sənədi üzrə icraata aşağıdakı hallarda xitam verilir: 20.1.1. məhkəmə tələbkarın tələbdən imtinasını qəbul etdikdə; 20.1.2. məhkəmə tələbkar ilə borclu arasında barışıq sazişini təsdiq etdikdə; 20.1.3. tələbkar və ya borclu öldükdə, ölmüş elan edildikdə və ya xəbərsiz itkin düşmüş hesab edildikdə, əgər məhkəmə və ya digər orqanın qərarı ilə müəyyən edilmiş tələblər və ya vəzifələr həmin şəxsin vərəsəsinə və ya qanunvericiliklə müəyyən edilmiş qaydada onun əmlakını idarə edən şəxsə keçə bilməzsə; 20.1.4. icra sənədinin verilməsi üçün əsas olmuş məhkəmə və ya digər orqanın qərarı və yaxud qanuna görə icra sənədi sayılan sənəd ləğv edildikdə; 20.1.4-1. qanun əsasında borclunun dövlətə olan borcu silindikdə;[53]20.1.4-2. qanuni qüvvəyə minmiş məhkəmə qərarı ilə təmin edilmiş vergilər üzrə borcların və faizlərin, tətbiq edilmiş maliyyə sanksiyalarının (məcburi dövlət sosial sığorta, işsizlikdən sığorta və icbari tibbi sığorta haqları istisna olmaqla) dövlət büdcəsinə alınması barədə məhkəmə qərarının qüvvəyə mindiyi tarixdən 5 illik müddət keçdikdə; 20.1.5. icra sənədi tam icra olunduqda. Həmin Qanunun 20.2-ci maddəsinə əsasən, icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana (notarius istisna olmaqla) göndərilir. “İcra haqqında” Azərbaycan Respublikası Qanununun 23.1-ci maddəsinə əsasən, tələbin icra edilmədiyi və ya qismən icra edildiyi icra sənədi aşağıdakı hallarda icra sənədini vermiş məhkəməyə və ya digər orqana (notariusun icra qeydi isə tələbkara) qaytarılır: Həmin Qanunun 20.2-ci maddəsinə əsasən, icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana (notarius istisna olmaqla) göndərilir 23.1.1. tələbkarın ərizəsi əsasında; Həmin Qanunun 20.4-cü maddəsinə əsasən, icra məmurunun icra sənədi üzrə icraata xitam verilməsi barədə qərarı daxil olduqdan sonra məhkəmə 10 gün müddətində həmin qərarın bu Qanunun tələblərinin pozulmaqla qəbul edilməsini müəyyən edərsə həmin qərarı ləğv edir. Həmin Qanunun 20.5-ci maddəsinə əsasən, tərəflər və icra sənədini vermiş digər orqan qərarın onlara təqdim olunduğu (onlar tərəfindən alındığı) gündən 10 gün müddətində həmin qərardan müvafiq məhkəməyə şikayət verə bilərlər. Həmin Qanunun 20.6-ci maddəsinə əsasən, icraata xitam verilməsi barədə icra məmurunun qərarı məhkəmə tərəfindən ləğv edildikdə icra tədbirləri davam etdirilir. Bu zaman icra sənədinin icra müddəti icraata başlamaq haqqında qərarın qəbul edildiyi vaxtdan hesablanır. İcra işindən göründüyü kimi tələbkar ərizə ilə müraciət edərək, icra sənədi üzrə icraata xitam verilməsini xahiş etsə də, hazırda həmin ərizə əsasında qəbul edilmiş icra sənədi üzrə icraata xitam verilməsi haqqında qərarın ləğv edilməsini xahiş etmişdir. Həmçinin icra sənədi üzrə icraata xitam verilməsi barədə qərardan görünür ki, icra sənədi tam icra olunduğundan icraata xitam verilmişdir. Lakin icra işindən də görünür ki, icra sənədi mənzilin boşaldılması hissəsində icra edilməmişdir. Odur ki, icra sənədinin tam icra olunması əsası ilə icra sənədinə xitam verilməsi düzgün olmamışdır. Hazırda icra sənədi üzrə icraata xitam verilməsinə əsas olan hal aradan qalxmışdır. Belə olan halda məhkəmə qeyd edir ki, Bakı şəhəri Yasamal Rayon Məhkəməsinin 2(004)-8784/2018 saylı, 11 dekabr 2018-ci il tarixli icra sənədi üzrə Yasamal rayon icra şöbəsinin icra məmuru Sahib Allahverdiyevin xx.xx.2020-ci il tarixli “icra sənədi üzrə icraata xitam verilməsi haqqında” qərarı ləğv edilməli və icra tədbirləri davam etdirilməlidir. Şərh olunanlara əsaslanaraq və Azərbaycan Respublikası MPM-in 263-269-cu maddələrini rəhbər tutaraq, QƏRARAALDİ: X1 şikayət ərizəsi təmin edilsin. Bakı şəhəri Yasamal Rayon Məhkəməsinin 2(004)-8784/2018 saylı, 11 dekabr 2018ci il tarixli icra sənədi üzrə Bakı şəhəri Yasamal rayon icra şöbəsinin icra məmuru Sahib Allahverdiyevin xx.xx.2020-ci il tarixli “icra sənədi üzrə icraata xitam verilməsi haqqında” qərar ləğv edilsin və müvafiq icra hərəkətlərinin davam etdirilməsi Bakı şəhəri Yasamal rayon icra şöbəsinə tapşırılsın. Qərardaddan qərardadın rəsmi qaydada verildiyi gündən 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Yasamal Rayon Məhkəməsinə şikayət verilə bilər. Hakim: Gülnar Babazadə