Bakı Şəhəri Yasamal Rayon Məhkəməsi Qərardad — İş №8(004)-391/2022

Azərbaycan Respublikası adından QƏRARDAD Bakı şəhəri İş № 8(004)-391/2022 22.06.2022 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, Paşalı Raziyə İqbal qızının katibliyi, Bakı Şəhəri Yasamal Rayon Məhkəməsinin 2(004)-669/2019 saylı, xx.xx.2019-cu il tarixli icra sənədinin icrası ilə əlaqədar Yasamal rayon İcra Şöbəsindən daxil olmuş təqdimata məhkəmə iclasında baxaraq, MÜƏYYƏN ETDİ: Bakı şəhəri Yasamal rayon İcra Şöbəsinin icra məmuru İlqar Allahverdiyev icra sənədi üzrə borclunun Yasamal rayon İcra şöbəsinə məcburi gətirilməsi barədə təqdimatla məhkəməyə müraciət etmişdir. Təqdimatı onunla əsaslandırmışdır ki, Bakı Şəhəri Yasamal Rayon Məhkəməsinin 2(004)-669/2019 saylı, xx.xx.2019-cu il tarixli icra sənədinə əsasən borclu X2 üzərinə xx.xx.2017-ci il təvəllüdlü X6 atası Tələbkar ilə ünsiyyətinə mane olmamaq və onunla ünsiyyətə imkan yaratmaq vəzifəsi qoyulmalı, xx.xx.2017-ci il təvəllüdlü X8 ilə ünsiyyət hüququ hər həftənin bazar günü saat 11:00-dan saat 16:00-dək ünsiyyət saxlaması təmin edilməlidir Həmin icra sənədi xx.xx.2019-cu il tarixdə icraata qəbul edilmiş və icraata başlamaq haqqında qərar qəbul edilərək bildiriş vasitəsi ilə borclu X3 göndərilmiş, lakin borclu icra sənədində göstərilmiş tələbi təmin etməkdən və bununla bağlı Bakı şəhəri Yasamal rayon icra şöbəsinə gəlib izahat verməkdən yayınır. Məhkəmə iclasının vaxtı və yeri barədə borcluya və təqdimat vermiş icra məmuruna məlumat verilməsinə baxmayaraq məhkəmə iclasına gəlməmişlər. Məhkəmə Azərbaycan Respublikası MPM-nin 231.2-ci maddəsinə analogiya tətbiq edərək, təqdimata onların iştirakı olmadan baxılmasını mümkün hesab edir. Məhkəmə təqdimatı ona əlavə edilmiş materialları və icra işini araşdıraraq hesab edir ki, tələbin könüllü icrası haqqında bildirişin təqdim olunmasından uzun müddət keçməsinə baxmayaraq icra sənədi icra olunmadığına görə təqdimat təmin edilməlidir. Belə ki, “İcra haqqında” Azərbaycan Respublikası Qanununun 44.1.3-cü maddəsinə əsasən, könüllü icra üçün icra məmuru tərəfindən borcluya verilmiş müddətin keçməsi məcburi icra tədbirinin tədbiqinə əsas verir. “İcra haqqında” Azərbaycan Respublikası Qanununun 84.2-ci maddəsinə əsasən icra məmurunın çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Göstərilənlərə əsasən və “İcra haqqında” Azərbaycan Respublikası Qanununun 84.2ci maddəsini, Azərbaycan Respublikasının MPM-nin 263-264, 266-268-ci maddələrini rəhbər tutaraq, QƏRARA ALDİ: Təqdimat təmin edilsin. Bakı Şəhəri Yasamal Rayon Məhkəməsinin 2(004)-669/2019 saylı, xx.xx.2019-cu il tarixli icra sənədi üzrə borclu, xx.xx.1988-ci il tarixdə ünvan 1 ünvanında qeydiyyatda olan və faktiki olaraq yaşayan X1 rayon İcra şöbəsinə məcburi gətirilsin. Qərardadın icrası Bakı şəhəri Yasamal rayon İcra Şöbəsinə və Yasamal Rayon Polis İdarəsinə həvalə edilsin. Qərardaddan rəsmi qaydada verildikdən sonra 10 (on) gün müddətində Bakı Şəhəri Yasamal Rayon Məhkəməsinə şikayət verilə bilər. Sədrlik edən: Ayaz Məmmədov