Bakı Şəhəri Yasamal Rayon Məhkəməsi Qərardad — İş №8(004)-431/2025

Azərbaycan Respublikası adından QƏRARDAD Bakı şəhəri İş № 8(004)-431/2025 24.06.2025 BAKI ŞƏHƏRİ YASAMAL RAYON MƏHKƏMƏSİ Hakim Sultanova-Məmmədova Ayşən Ramiz qızının sədrliyi, Həsənova Aysel Zaur qızının katibliyi, X3, Borclu Cavabdeh iştirakı ilə, Bakı şəhəri Yasamal Rayon Məhkəməsinin 2(004)-12488/2015 saylı, 16 dekabr 2015-ci il tarixli icra sənədi üzrə X3 “aliment məbləğinin indeksasiyası”na dair ərizəsinə açıq məhkəmə iclasında baxaraq, məhkəmə MÜƏYYƏN ETDİ: X4 ərizə ilə məhkəməyə müraciət edərək, yetkinlik yaşına çatmayan Yasamal Rayon Məhkəməsinin 16 dekabr 2015-ci il tarixli, 2(004)-12488/2015 saylı qətnaməsi ilə 05 mart 2013-cü il təvəllüdlü X1 üçün xx.xx.2015-ci il tarixdən başlayaraq Cavabdeh Habib oğlundan tutulan aylıq 115 (yüz on beş) manat sabit pul məbləğinin indeksasiya edilməsi barədə qərardad çıxarılmasını xahiş etmişdir. Ərizə onunla əsaslandırılmışdır ki, o, Cavabdeh oğlu X15 ilə 20 noyabr 2009-cu ildə birgə nikaha daxil olmuşdur. Birgə nikahlarından 05 mart 2013-cü il təvəllüdlü X11 dünyaya gəlmişdir. Reşad Mustafayev 04 yanvar 2014-cü ildə vəfat etmişdir. Bakı şəhəri Yasamal rayon Məhkəməsinin 16 dekabr 2015-ci il tarixli, 2(004)-12488/2015 saylı qətnaməsi ilə iddiaçı X6 Cavabdeh qarşı aliment məbləğinin tutulmasına dair iddiası qismən təmin edilmişdir və 05 mart 2013-cü il təvəllüdlü X2 üçün xx.xx.2015-ci ii tarixdən başlayaraq Cavabdeh hər ay 115 (yüz on beş) manat sabit pul məbləğində alimentin tutularaq iddiaçının xeyrinə verilməsi qət edilib.Həmin qatnəmadan apellyasiya şikayeti verilməyib və qatnamə qanuni qüvvəsini alıb.Hazırda taləbkar hesab edir ki, məhkəmənin qatnaməsi ilə müəyyən edilmiş 150 manat aliment məbəği indeksasiya edilməli va indeksasiya edilmiş məbləğ borcludan tutulmalıdır. Odur ki, ərizəçi məhkəməyə müraciat etmişdir. Məhkəmə iclasında iştirak edən X4 izahatında ərizənin məzmununa uyğun izahat verərək, onun təmin olunmasını xahiş etmişdir. Əlavə olaraq bildirmişdir ki, o qutab bişirib sataraq gəlir qazanır. Uşağın xərclərini qarşılamağa 115 manat kifayət etmir. Uşağın məktəb, hazırlıq xərcləri də var. Uşağının bir sıra xərclərini qarşılaması üçün borclu ilə danışıqlar da aparmışdır. Uşağa o işdə olarkən onun atası baxır. Məhkəmə iclasında iştirak edən borclu Cavabdeh məhkəməyə verdiyi izahatında ərizəni qəbul etmədiyini, uşağın ona babası kimi yanaşmadığını, uşağı pul vermək üçün çağıranda uşağın onun üzünə belə baxmadığını, hazırki vaxtadək alimenti könüllü ödədiyini bildirmişdir. Məhkəmə ərizəni və iş materiallarını araşdırıb, belə qənaətə gəlir ki, ərizə təmin edilməlidir. Belə ki, iş materiallarında olan: Bakı şəhəri Yasamal Rayon Məhkəməsinin 2(004)-12488/2015 saylı, 16 dekabr 2015-ci il tarixli qətnaməsinə əsasən iddia tələbi qismən təmin edilərək, 05 mart 2013-cü il təvəllüdlü X2 üçün xx.xx.2015-ci ii tarixdən başlayaraq Cavabdeh hər ay 115 (yüz on beş) manat sabit pul məbləğində alimentin tutularaq iddiaçı X5 xeyrinə verilməsi qət edilmişdir. “AZEMİS” Elektron Məhkəmə İnformasiya Sistemindən çıxarışdan görünür ki, X16 “X19 mühafizəçi vəzifəsində çalışır və əmək haqqı 476,3 manat təşkil edir. “AZEMİS” Elektron Məhkəmə İnformasiya Sistemindən çıxarışdan görünür ki, X16 Azərbaycan Respublikasının ərazi bütövlüyü uğrunda aparılan döyüş əməliyyatlarında iştirak etdiyinə görə müharibə veteranı adı almış şəxs kimi 80 manat və yaşa görə 1908,55 manat məbləğində pensiya alır. Azərbaycan Respublikası Ailə Məcəlləsinin: 110.1-ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. 110.2-ci maddəsinə əsasən alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun 20 dekabr 2024cü il tarixli 15 nömrəli Qərarının: 8.4-1. Ailə Məcəlləsinin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. İstinad edilən maddənin tələbindən göründüyü kimi məhkəmələr sabit pul məbləğində aliment təyin edərkən onun miqdarını ölkə üzrə minimum əmək haqqı məbləğinin müvafiq misli həddində müəyyən etməlidirlər (məsələn, Məhkəmə 2024-cü ildə bir uşağın saxlanmasına görə alimentin tutulması barədə iddiaya baxarkən alimenti 255 manat həddində müəyyən etmək istəyirsə, həmin il üzrə minimum əmək haqqı məbləğinin 0,74 mislində (345 x 0,74 = 255 manat) alimentin tutulması barədə qətnamə qəbul etməklə, qətnamənin nəticə hissəsini “xx.xx.xxxx tarixindən başlayaraq yetkinlik yaşına çatmayan A-nın saxlanılması üçün B-dən C-nin xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,74 misli həddində sabit pul məbləğində aliment tutulsun” məzmununda ifadə etməlidir). 8.4-2. Nəzərə alınmalıdır ki, Ailə Məcəlləsinin 110.1-ci maddəsinə əsasən bu Qərarın 8.4-1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn, 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir). 8.11-1. Alimentin məhkəməyə müraciət edildiyi vaxtdan tutulmasına dair Ailə Məcəlləsinin 100.2-ci maddəsində nəzərdə tutulmuş qayda həmin Məcəllənin 112-ci maddəsinə əsasən artırılmış aliment məbləğinin tutulmasına da şamil edilir. Lakin nəzərə alınmalıdır ki, alimentin artırılmasına dair qətnamələr MPM-in 234.2.1-ci maddəsində nəzərdə tutulmuş dərhal icra edilən qətnamələrin sırasına aid edilməmişdir. “Minimum aylıq əməkhaqqının artırılması haqqında” Azərbaycan Respublikası Prezidentinin 21 yanvar 2017-ci il tarixli Sərəncamına əsasən minimum aylıq əməkhaqqının məbləği Minimum aylıq əməkhaqqının məbləği 2013-cü il sentyabrın 1-dən 105 manat müəyyən edilmişdir “Əhalinin sosial rifahının yaxşılaşdırılması sahəsində tədbirlərin davam etdirilməsi haqqında” Azərbaycan Respublikası Prezidentinin 31 avqust 2013-cü il tarixli Sərəncamının 1-ci hissəsinə əsasən Minimum aylıq əməkhaqqının məbləği 2025-ci il yanvarın 1-dən 400 manat müəyyən edilmişdir. İşin faktiki hallarından müəyyən olunur ki, Yasamal Rayon Məhkəməsinin 2(004)- 12488/2015 saylı, 16 dekabr 2015-ci il tarixli qətnaməsi ilə 05 mart 2013-cü il təvəllüdlü X2 üçün Cavabdeh sabit pul məbləğində 115 (yüz on beş) manat alimentin tutulması müəyyən edilmişdir. Hazırda X4 alimentin indeksasiyasının həyata keçirilməsini xahiş etmişdir. Məhkəmə hesab edir ki, ərizə təmin edilməlidir. Ailə Məcəlləsinin tələbi və Ali Məhkəmənin mövqeyi nəzərə alınmaqla alimetin indeksasiyası ölkə üzrə müəyyən edilmiş minimum əmək haqqına uyğun həyata keçirilməlidir. Hazırkı işin hallarından görünür ki, 2015-ci il ölkə üzrə minimum əmək haqqının məbləği 105 manat müəyyən edilmişdir. 115 manat sabit pul məbləğində aliment 2015-ci il üçün minimum əmək haqqının 1,09 misli həddində olmuşdur. Odur ki, indeksasiya da müvafiq həddə aparılmalı, tutulan alimentin məbləği ölkə üzrə müəyyən olunmuş minimum əmək haqqının 1,09 misli həddində indeksasiya olunmalıdır. Beləliklə, qeyd olunanlara əsasən məhkəmə hesab edir ki, ərizə təmin edilməli, Bakı şəhəri Yasamal Rayon Məhkəməsinin 2(004)-12488/2015 saylı, 16 dekabr 2015-ci il tarixli qətnaməsi ilə 05 may 2013-cü il təvəllüdlü X10 yetkinlik yaşına çatanadək saxlanılması üçün hər ay Cavabdeh tutularaq iddiaçı X7 ödənilməli olan alimentin məbləği 12 iyun 2025-ci il tarixdən başlayaraq sonrakı artımlar nəzərə alınmaqla, ölkə üzrə müəyyən olunmuş minimum əmək haqqının 1,09 misli həddində indeksasiya edilməlidir. Şərh olunanlara əsasən və Azərbaycan Respublikası Mülki-Prosessual Məcəlləsinin 263-264, 269-cu maddələrini rəhbər tutaraq, QƏRARA ALDİ: Ərizə təmin olunsun. Bakı şəhəri Yasamal Rayon Məhkəməsinin 2(004)-12488/2015 saylı, 16 dekabr 2015-ci il tarixli qətnaməsi ilə 05 may 2013-cü il təvəllüdlü X10 yetkinlik yaşına çatanadək saxlanılması üçün hər ay Cavabdeh tutularaq iddiaçı X7 ödənilməli olan alimentin məbləği 12 iyun 2025-ci il tarixdən başlayaraq sonrakı artımlar nəzərə alınmaqla, ölkə üzrə müəyyən olunmuş minimum əmək haqqının 1,09 misli həddində indeksasiya edilsin. Qərardaddan rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Ayşən Sultanova-Məmmədova