Bakı Şəhəri Yasamal Rayon Məhkəməsi Qərardad — İş №8(004)-440/2023

Azərbaycan Respublikası adından QƏRARDAD Bakı şəhəri İş № 8(004)-440/2023 25.06.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Əkbərli Günel Bəkir qızı, Yasamal rayon Məhkəməsinin 2(004)-3338/2022 saylı, xx.xx.2022-ci il tarixli icra sənədi üzrə icraatın dayandırılması barədə vəkil X1 tərəfindən verilmiş ərizəyə baxaraq, M Ü Ə Y Y Ə N E T D İ M: Yasamal rayon Məhkəməsinin 2(004)-3338/2022 saylı, xx.xx.2022-ci il tarixli icra sənədi üzrə icraatın dayandırılması barədə xx.xx.2023-cü il tarixdə vəkil qismində X1 məhkəməyə müraciət etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, elektron qaydada daxil olmuş ərizədən müəyyən olunur ki, ərizə vəkil qismində X1 tərəfindən imzalanmışdır. Buna baxmayaraq ərizədə ərizəçinin adı və soyadı göstərilməmiş, ərizəyə vəkilin ərizəni imzalamaq səlahiyyətlərinin olmasını təsdiq edən sənədlər (order, etibarnamə) əlavə edilməmişdir. Qeyd olunur ki, Azərbaycan Respublikası Mülki Prosessual Məcəlləsinin 13.4-cü maddəsinə əsasən mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Azərbaycan Respublikası Mülki Prosessual Məcəlləsinin 74.2-ci maddəsinə əsasən iddia ərizəsinin imzalanması, işin münsiflər məhkəməsinə verilməsi, iddia tələblərindən tam və ya qismən imtina edilməsi, iddianın etiraf edilməsi, iddianın predmetinin və ya əsasının dəyişdirilməsi, barışıq sazişi bağlanması səlahiyyətinin başqa şəxsə tapşırılması, mübahisənin mediasiya vasitəsilə həllinə razılıq verilməsi, məhkəmə aktından şikayət verilməsi, məhkəmə aktının məcburi icrası tələbləri, qət olunmuş əmlakın və ya pul məbləğinin alınması ilə əlaqədar nümayəndənin səlahiyyətləri təmsil olunan tərəfin verdiyi etibarnamədə xüsusi göstərilməlidir. Həmin Məcəllənin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda iddia ərizəsi və ona əlavə edilmiş sənədlər geri qaytarılır. Yuxarıda göstərilənlərə və Azərbaycan Respublikası MPM-nin 152-ci və 268-ci maddələrinə əsasən Q Ə R A R A A L D İ M: Yasamal rayon Məhkəməsinin 2(004)-3338/2022 saylı, xx.xx.2022-ci il tarixli icra sənədi üzrə icraatın dayandırılması barədə vəkil X1 tərəfindən verilmiş ərizə geri qaytarılsın. Qərardaddan on gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Günel Əkbərli