Bakı Şəhəri Yasamal Rayon Məhkəməsi Qərardad — İş №8(004)-58/2024

Azərbaycan Respublikası adından QƏRARDAD Bakı şəhəri İş № 8(004)-58/2024 25.01.2024 BAKI ŞƏHƏRİ YASAMAL RAYON MƏHKƏMƏSİ Hakim Əkbərli Günel Bəkir qızının sədrliyi, Hacıyev Ceyhun Kamal oğlunun katibliyi, Borclu, təqdimatı verən icra məmuru X1 iştirakı ilə, Bakı şəhəri Yasamal rayon Məhkəməsinin 2(004)-414/2023 saylı, xx.xx.2023-cü il tarixli icra sənədinin icrasının təmin edilməsi məqsədilə Borclu “ölkədən getmək hüququnun müvəqqəti məhdudlaşdırılması” barədə Bakı şəhəri Yasamal rayon İcra şöbəsinin icra məmuru Rəhman Atamoğlanovun təqdimatına Bakı şəhəri Yasamal Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Yasamal rayon Məhkəməsinin 2(004)-414/2023 saylı, xx.xx.2023-cü il tarixli icra sənədinə əsasən Borclu cəmi 6450,58 manat borc və ödənilmiş dövlət rüsumunun əvəzi olan 84,5 manat məbləğində pul tutularaq Tələbkar ASC-yə ödənilməlidir. Hazırda icra məmuru Bakı şəhəri Yasamal rayon Məhkəməsinin 2(004)-414/2023 saylı, xx.xx.2023-cü il tarixli icra sənədində göstərilmiş tələbin təmin edilməsi məqsədi ilə borclu xx.xx.1992-ci il təvəllüdlü, ünvan 1 ünvanında yaşayan Borclu ölkədən getmək hüququnun müvəqqəti məhdudlaşdırılmasına dair təqdimatla müraciət edərək qərardad qəbul edilməsini xahiş etmişdir. Təqdimat onunla əsaslandırılmışdır ki, Bakı şəhəri Yasamal rayon Məhkəməsinin 2(004)-414/2023 saylı, xx.xx.2023-cü tarixli icra sənədinin icrasını təmin etmək məqsədilə xx.xx.2023-cü il tarixdə başlanılmış icraat zamanı borcluya könüllü icra üçün bildiriş göndərilməsinə, dəfələrlə şifahi xəbərdarlıq edilməsinə baxmayaraq icra sənədinin icrası borclu tərəfindən könüllü təmin edilməmişdir. Belə olan halda məhkəmə qərarı əsasında verilmiş icra sənədinin könüllü icra üçün müəyyən olunmuş vaxtda Borclu tərəfindən üzrsüz səbəbdən icra edilmədiyini və borclunun ölkədən getmək ehtimalını nəzərə alaraq borclunun ölkədən getmək hüququnun müvəqqəti məhdudlaşdırılmasına dair qərar qəbul edilməsi məhkəmədən xahiş edilmişdir. Məhkəmə iclasında iştirak edən təqdimatı verən icra məmuru X2 təqdimatı müdafiə edərək izahatında bildirir ki, borclu icra sənədi üzrə ödəniş etməmişdir və hazırda onun icra sənədi üzrə 6535 manat məbləğində borcu vardır. Təqdimatın təmin edilməsini xahiş edir. Məhkəmə iclasında iştirak edən Borclu izahat verərək bildirmişdir ki, icra sənədi üzrə borca ödəniş etməmişdir. Hazırda hansı məbləğdə borcunun olmasını dəqiq bilmir. İllərdir ki, ölkədən çıxmır. Yalnız bir dəfə anasının xəstəliyi ilə bağlı çıxmışdır. Borcun ödənilməsi üçün ona 1-2 ay vaxt verilməsini xahiş edir. Dekabr ayında qaraciyər əməliyyatı olmuşdur, ona görə də borcu ödəməyə çətinlik çəkir. Təqdimatın təmin edilməməsini xahiş edir. İcra sənədi üzrə tələbkara məhkəmə iclasının vaxtı və yeri barədə lazımi qaydada məlumat verilmiş, lakin o, məhkəmə iclasına gəlməmiş və gəlməməsininin səbəbləri barədə məhkəməyə məlumat verməmişdirr. Tələbkarın məhkəmə iclasına gəlməməsi məhkəmə qarşısında qoyulmuş məsələnin həll edilməsinə mane olmadığından, Azərbaycan Respublikası MPM-nin 231.2-ci maddəsinə əsasən, məhkəmə təqdimata tələbkarın iştirakı olmadan baxılmasını mümkün hesab edir. Məhkəmə təqdimatı, icra işi materiallarını araşdırıb, borcun üzrsüz səbəbdən ödənilmədiyini və hazıradək görülən icra tədbirinin mütənasibliyini, buna baxmayaraq görülən tədbirlərin nəticə verməməsini nəzərə alaraq hesab edir ki, təqdimat təmin edilməlidir. Belə ki, icra işində olan tələbin könüllü icrasına dair bildirişin və icra sənədi üzrə icraata başlamaq haqqında qərarın surətindən müəyyən edilir ki, Borclu bildirişi və icraata başlamaq haqqında qərarın surətini şəxsən imzalamaqla təhvil almışdır. Buna baxmayaraq o, icra məmuru tərəfindən görülən tədbirlərə baxmayaraq borcu üzrə ödəniş həyata keçirmir. «İcra haqqında» Azərbaycan Respublikası Qanunun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Göstərilənlərə əsasən məhkəmə hesab edir ki, təqdimat təmin edilməli, xx.xx.1992ci il təvəllüdlü, ünvan 1 ünvanında qeydiyyatda olan Borclu ölkədən getmək hüququ icra sənədi üzrə tələb icra edilənədək müvəqqəti məhdudlaşdırılmalıdır. Şərh olunanlara əsasən və Azərbaycan Respublikası MPM-nin 231, 263-264, 267- 269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. xx.xx.1992-ci il təvəllüdlü, ünvan 1 ünvanında qeydiyyatda olan Borclu ölkədən getmək hüququ icra sənədi üzrə tələb icra edilənədək müvəqqəti məhdudlaşdırılsın. Qərardad tərəfə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Yasamal Rayon Məhkəməsinə şikayət verilə bilər. Hakim: Günel Əkbərli