Bakı Şəhəri Yasamal Rayon Məhkəməsi Qərardad — İş №8(004)-581/2023

Azərbaycan Respublikası adından QƏRARDAD Bakı şəhəri İş № 8(004)-581/2023 05.10.2023 BAKI ŞƏHƏRİ YASAMAL RAYON MƏHKƏMƏSİ Hakim Hacıyev Vahid Məcid oğlunun sədrliyi, Həsənova Aysel Zaur qızının katibliyi ilə, Bakı şəhəri Yasamal Rayon Məhkəməsinin xx.xx.2017-ci il tarixli 8(004)-1955/2017 nömrəli qərardadı ilə borclunun əmlakının üzərinə qoyulmuş həbsin ləğv edilməsi barədə Bakı şəhəri Yasamal rayon İcra şöbəsinin icra məmuru Aslan Aslanbəyli tərəfindən verilmiş təqdimata açıq məhkəmə iclasında baxaraq, MÜƏYYƏN ETDİ: Bakı şəhəri Yasamal Rayon Məhkəməsinin xx.xx.2015-ci il tarixli 2(004)-7440/2015 nömrəli icra sənədi üzrə Borclu 5030 manat pul tutularaq Tələbkar Sığorta Şirkəti ASC-yə ödənilməlidir. Bakı Şəhəri Yasamal rayon Məhkəməsinin xx.xx.2017-ci il tarixli 8(004)-1955/2017 nömrəli qərardadı ilə icra məmurunun təqdimatı təmin edilmiş, Bakı şəhəri Yasamal Rayon Məhkəməsinin xx.xx.2015-ci il tarixli icra sənədinin icrasını təmin etmək məqsədilə Borclu məxsus “VAZ 21154” minik markalı ** RL *** dövlət qeydiyyat nişanlı nişanlı avtomobilin üzərinə həbs qoyulmuşdur. Bakı şəhəri Yasamal rayon İcra şöbəsinin icra məmuru Aslan Aslanbəyli xx.xx.2023-cü il tarixdə təqdimatla məhkəməyə müraciət edərək, Bakı şəhəri Yasamal rayon Məhkəməsinin xx.xx.2017-ci il tarixli 8(004)-1955/2017 nömrəli qərardadı ilə Borclu məxsus “VAZ 21154” minik markalı ** RL *** dövlət qeydiyyat nişanlı avtomobilin üzərinə qoyulmuş həbsin ləğv olunmasını xahiş etmişdir. Təqdimat onunla əsaslandırılmışdır ki, Bakı şəhəri Yasamal Rayon Məhkəməsinin xx.xx.2015-ci il tarixli 2(004)-7440/2015 nömrəli icra sənədi üzrə borcun xx.xx.2021-ci il tarixdə icra olunduğuna dair tələbkar tərəfindən məktub daxil olmuş və xx.xx.2022-ci il tarixdə həmin icra sənədinin icra olunmasına dair müvafiq qərar məhkəməyə göndərilmişdir. Borcluya məxsus avtomobilin üzərinə qoyulmuş həbsin götürülməsinə zərurət yaranmışdır. İcra sənədi üzrə borcluya, tələbkara və icra məmuruna məhkəmə iclasının vaxtı və yeri barədə lazımi qaydada məhkəmə bildirişi göndərilmiş, lakin onlar məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Məhkəmə, Azərbaycan Respublikası MPM-in 231.2-ci maddəsinin tələbinə uyğun olaraq məhkəmə iclasına gəlməyən işdə iştirak edən şəxslərin iştirakı olmadan təqdimata baxılmasını mümkün hesab edir. Məhkəmə təqdimatı və iş materiallarını araşdıraraq hesab edir ki, təqdimat təmin edilməli, Bakı şəhəri Yasamal rayon Məhkəməsinin xx.xx.2017-ci il tarixli qərardadı ilə Borclu məxsus “VAZ 21154” minik markalı ** RL *** dövlət qeydiyyat nişanlı avtomobilin üzərinə qoyulmuş həbs ləğv edilməlidir. Belə ki, Bakı şəhəri Yasamal rayon İcra şöbəsinin icra məmuru Aslan Aslanbəylinin xx.xx.2022-ci il tarixli qərarı ilə Bakı şəhəri Yasamal Rayon Məhkəməsinin xx.xx.2015-ci il tarixli 2(004)-7440/2015 nömrəli icra sənədi üzrə icrata xitam verilmişdir. Şərh olunanlara əsaslanaraq və Azərbaycan Respublikası MPM-in 162, 231, 263-264, 266- 268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Yasamal rayon Məhkəməsinin xx.xx.2017-ci il tarixli 8(004)-1955/2017 nömrəli qərardadı ilə Borclu məxsus “VAZ 21154” minik markalı ** RL *** dövlət qeydiyyat nişanlı avtomobilin üzərinə qoyulmuş həbs ləğv edilsin. Qərardadın icrası Bakı şəhəri Yasamal rayon İcra şöbəsinə və Azərbaycan Respublikası DİN BDYPİ-yə həvalə edilsin. Qərardaddan rəsmi qaydada verildiyi vaxtdan 10 gün müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsinə şikayət verilə bilər. Sədrlik edən: Vahid Hacıyev