Bakı Şəhəri Yasamal Rayon Məhkəməsi Qərardad — İş №8(004)-707/2023

Azərbaycan Respublikası adından QƏRARDAD Bakı şəhəri İş № 8(004)-707/2023 22.11.2023 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Ayaz Süleyman oğlunun sədrliyi, Əlihüseynli Mehin Mətin qızının katibliyi ilə, Bakı şəhəri Yasamal Rayon Məhkəməsinin 2(004)-9698/2017 saylı xx.xx.2017-ci il tarixli icra sənədinin icrası ilə əlaqədar Bakı şəhəri Yasamal Rayon Məhkəməsinin 8(004)- 441/2018 saylı xx.xx.2018-ci il tarixli qərardadı ilə nəqliyyat vasitəsinin üzərinə qoyulmuş həbsin götürülməsinə dair Yasamal rayon İcra şöbəsinin icra məmuru Səvxan Abasovun təqdimatına açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Yasamal Rayon İcra şöbəsinin icra məmuru Səvxan Abasov təqdimatla məhkəməyə müraciət edərək Bakı şəhəri Yasamal Rayon Məhkəməsinin 8(004)-441/2018 saylı xx.xx.2018-ci il tarixli qərardadı ilə Borclu mülkiyyətində olan “QAZ 3110 101” markalı **-CC-*** dövlət qeydiyyat nişanlı avtomobilin üzərinə qoyulmuş həbsin götürülməsi barədə təqdimatla məhkəməyə müraciət etmişdir. Təqdimatı onunla əsaslandırmışdır ki, xx.xx.2017-ci il tarixli qərarla icrasına başladığı Bakı şəhəri Yasamal Rayon Məhkəməsinin 2(004)-9698/2017 saylı xx.xx.2017-ci il tarixli icra vərəqəsinə əsasən Borclu cəmi 490,60 manat tutularaq "xxxx" MMC-yə ödənilməlidir. İcra tədbirləri həyata keçirilərkən zaman müəyyən olunmuşdur ki, Borclu mülkiyyətində olan “QAZ 3110 101” markalı **-CC-*** dövlət qeydiyyat nişanlı avtomobil aşkar edilmişdir. İcra sənədinin icrasını təmin etmək məqsədi ilə göstərilən avtomobilin üzərinə həbs qoyulması barədə Bakı şəhəri Yasamal Rayon Məhkəməsinə təqdimat yazılmış, Bakı şəhəri Yasamal Rayon Məhkəməsinin 8(004)-441/2018 saylı xx.xx.2018-ci il tarixli qərardadı ilə qeyd olunan Borclu mülkiyyətində olan “QAZ 3110 101” markalı **-CC-*** dövlət qeydiyyat nişanlı avtomobil üzərinə həbs qoyulmuşdur. İcraat zamanı Bakı şəhəri Yasamal rayon İcra şöbəsinə təqdim olunmuş "xxxx" MMC-nin xx.xx.2023-cü il tarixli məktuba əsasən icra sənədində göstərilən tələb təmin olunmuşdur. İş üzrə tərəflərə məhkəmə iclasının vaxtı və yeri barədə məlumat göndərilmiş, lakin onlar, məhkəmə iclasına gəlməmişlər. Azərbaycan Respublikası MPM-nin 231.2-ci maddəsinə əsasən məhkəmə hesab edir ki, işdə iştirak edən şəxslərin gəlməməsi məhkəmə qarşısında qoyulmuş məsələnin həll edilməsinə mane olmur. Məhkəmə təqdimatı və iş materiallarını araşdıraraq hesab edir ki, təqdimat təmin olunmalıdır. Belə ki, iş materiallarında olan Bakı şəhəri Yasamal Rayon Məhkəməsinin 2(004)- 9698/2017 saylı xx.xx.2017-ci il tarixli əmrinə əsasən Borclu cəmi 470,60 manat borc və 20 manat dövlət rüsumu tutularaq "xxxx"MMC-yə ödənilməsi əmr edilmişdir. Bakı şəhəri Yasamal Rayon Məhkəməsinin 8(004)-441/2018 saylı xx.xx.2018-ci il tarixli qərardadı ilə “QAZ 3110 101” markalı **-CC-*** dövlət qeydiyyat nişanlı avtomobilin üzərinə həbs qoyulmuşdur. Bakı şəhəri Yasamal rayon İcra şöbəsinin icra məmuru Səvxan Abasovun xx.xx.2023cü il tarixli qərarına əsasən Bakı şəhəri Yasamal Rayon Məhkəməsinin 2(004)-9698/2017 saylı xx.xx.2017-ci il tarixli icra sənədi üzrə icraata xitam verilməsi qərara alınmışdır. Azərbaycan Respublikası Mülki Prosessual Məcəlləsinin 162.1-ci maddəsinə əsasən iddianın təmin edilməsi məhkəmənin təşəbbüsü ilə və ya tərəflərin xahişi ilə həmin məhkəmənin özü tərəfindən ləğv oluna bilər. Həmin Məcəllənin 162.2-ci maddəsinə əsasən iddianı təmin etmənin ləğv olunması məsələsi məhkəmə iclasında həll edilir.İşdə iştirak edən şəxslər iclasın vaxtı və yeri barədə xəbərdar edilirlər. Lakin həmin şəxslərin gəlməməsi iddianı təmin etmənin ləğv olunması haqqındakı məsələyə baxmağa mane olmur. “İcra haqqında” Azərbaycan Respublikası Qanununun 20.1.5-ci maddəsinə əsasən, icra sənədi tam icra olunduqda icra sənədi üzrə icraata xitam verilir. Məhkəmə təqdimata əlavə olunmuş sənədləri və icra işini araşdıraraq, icra işindəki sənədlərə hüquqi qiymət verərək hesab edir ki, Bakı şəhəri Yasamal rayon İcra şöbəsinin icra məmuru Səvxan Abasovun xx.xx.2023-cü il tarixli qərarına əsasən Bakı şəhəri Yasamal Rayon Məhkəməsinin 8(004)-441/2018 saylı xx.xx.2018-ci il tarixli qərardadı ilə “QAZ 3110 101” markalı **-CC-*** dövlət qeydiyyat nişanlı avtomobilin üzərinə qoyulmuş həbs götürülməlidir. Qeyd olunanlara əsasən “İcra haqqında” Azərbaycan Respublikasının Qanununun 23.1.1-ci maddəsinə və Azərbaycan Respublikasının MPM-nin 263-264, 266-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Yasamal Rayon Məhkəməsinin 8(004)-441/2018 saylı xx.xx.2018-ci il tarixli qərardadı ləğv edilsin. Borclu mülkiyyətində olan “QAZ 3110 101” markalı **-CC-*** dövlət qeydiyyat nişanlı avtomobilin üzərinə qoyulmuş həbs götürülsün. Qərardadın icrası Yasamal rayon İcra şöbəsinə həvalə edilsin. Qərardaddan rəsmi qaydada verildikdən sonra tərəflər 10 (on) gün müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsinə şikayət verə bilərlər. Sədrlik edən: Ayaz Məmmədov