Bakı Şəhəri Yasamal Rayon Məhkəməsi Qərardad — İş №8(004)-755/2023

Azərbaycan Respublikası adından QƏRARDAD Bakı şəhəri İş № 8(004)-755/2023 13.12.2023 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədrliyi, X1 oğlunun katibliyi ilə, Bakı şəhəri Yasamal Rayon İcra Şöbəsinin icra məmuru Emil Abiyevin “Borclu MMCnin əmlakı üzərinə həbs qoyulması barədə” təqdimatına məhkəmə iclasında baxaraq, məhkəmə MÜƏYYƏN ETDİ: Bakı şəhəri Yasamal Rayon İcra Şöbəsinin icra məmuru Emil Abiyev Bakı şəhəri Yasamal Rayon Məhkəməsinin 2(004)-1244/2023 nömrəli xx.xx.2023-cü il tarixli icra sənədinin icrası ilə bağlı Borclu MMC-nin mülkiyyətində olan “Mack GU 813E” yük markalı, **-AM-*** dövlət qeydiyyat nişanlı, “MAMMUT Yarımqoşqu”, **-ZH-*** dövlət qeydiyyat nişanlı, “Hyundai İX-35” minik markalı, **-PN-*** dövlət qeydiyyat nişanlı və “Volvo FMX” yük markalı, **-JD-*** dövlət nişanlı avtomobilin üzərinə həbs qoyulması barədə təqdimatla məhkəməyə müraciət etmişdir. Təqdimat onunla əsaslandırılmışdır ki, Bakı şəhəri Yasamal Rayon Məhkəməsinin 2(004)-1244/2023 nömrəli xx.xx.2023-cü il tarixli icra sənədinə əsasən Borclu MMC-dən 8080 manat pul tutularaq Tələbkar xeyrinə ödənilməlidir. İcra sənədinin icrası ilə əlaqədar qanuna müvafiq qaydada borcluya könüllü icra üçün müəyyən olunmuş vaxtda tələbin icrası ilə bağlı bildiriş göndərilməsinə baxmayaraq, icra sənədinin icrası bu müddət ərzində təmin edilməmiş və icranın təmin edilməməsinə rəsmi şəkildə heç bir səbəb göstərilməmişdir. Eyni zamanda, Borclu MMC-nin mülkiyyətində “Mack GU 813E” yük markalı, **-AM-*** dövlət qeydiyyat nişanlı, “MAMMUT Yarımqoşqu”, **-ZH-*** dövlət qeydiyyat nişanlı, “Hyundai İX-35” minik markalı, **-PN-*** dövlət qeydiyyat nişanlı və “Volvo FMX” yük markalı, **-JD-*** dövlət nişanlı avtomobilin olduğu müəyyən edilmişdir. İcra işi üzrə icra məmuruna, tələbkara və borcluya məhkəmə iclasının vaxtı və yeri barədə məlumat göndərilmiş, lakin onlar məhkəmə iclasına gəlməmişdirlər. Azərbaycan Respublikası MPM-nin 231.2-ci maddəsinə əsasən məhkəmə hesab edir ki, tərəflərin gəlməməsi məhkəmə qarşısında qoyulmuş məsələnin həll edilməsinə mane olmur. Elektron məhkəmə informasiya sistemindən əldə edilmiş məlumatlara əsasən müəyyən olunur ki, “Mack GU 813E” yük markalı, **-AM-*** dövlət qeydiyyat nişanlı, “MAMMUT Yarımqoşqu”, **-ZH-*** dövlət qeydiyyat nişanlı, “Hyundai İX-35” minik markalı, **-PN-*** dövlət qeydiyyat nişanlı və “Volvo FMX” yük markalı, **-JD-*** dövlət nişanlı avtomobil Borclu MMC-nin mülkiyyətindədir. İş materiallarında olan xx.xx.2023-cü il tarixli qərara əsasən müəyyən olunur ki, Bakı şəhəri Yasamal Rayon Məhkəməsinin 2(004)-1244/2023 nömrəli xx.xx.2023-cü il tarixli icra sənədinin icrası ilə əlaqədar icraat başlanılmışdır. İş materiallarında olan bildirişdən görünür ki, tələbin könüllü icrası ilə bağlı bildiriş Borclu MMC-yə göndərilmişdir. Məhkəmə hesab edir ki, təqdimat əsaslıdır və təmin edilməlidir. “İcra Haqqında” Azərbaycan Respublikasının Qanununun 50.1-ci maddəsinə əsasən icraata başlamaq haqqında qərar borcluya təqdim olunduğu gündən ən geci 1 (bir) ay müddətində, zəruri hallarda isə, qərarın təqdim olunması ilə eyni vaxta borclunun əmlakı üzərinə həbs qoyula bilər. Həmin Qanununun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. Beləliklə məhkəmə hesab edir ki, qanuni qüvvəyə minmiş məhkəmə qərarının 6 aydır icra olunmaması, Azərbaycan Respublikası adından çıxarılmış məhkəmə qərarlarının icra olunmasında məhkəmələrin xüsusi hüquqi marağı, hüquq münasibətlərinin subyektləri arasında hüquqi nihilizmin qarşısının alınması, hüquq qaydasının, qanuna itaətin təmin olunması məqsədilə təqdimat təmin olunmalı və Borclu MMC-nin mülkiyyətində olan “Mack GU 813E” yük markalı, **-AM-*** dövlət qeydiyyat nişanlı, “MAMMUT Yarımqoşqu”, **-ZH- *** dövlət qeydiyyat nişanlı, “Hyundai İX-35” minik markalı, **-PN-*** dövlət qeydiyyat nişanlı və “Volvo FMX” yük markalı, **-JD-*** dövlət nişanlı avtomobilin üzərinə həbs qoyularaq Azərbaycan Respublikası DİN BDYPİ-nin mühafizə olunan duracağına yerləşdirilməlidir. Məhkəmə qeyd edir ki, icra sənədi üzrə tələb 8080 manat olsa da, yuxarıda qeyd olunan 4 (dörd) avtomobilin hər birinin üzərinə həbs qoyulması məqsədə müvafiqdir. Nəzərə almaq lazımdır ki, həmin avtomobillərin amortizasiya vəziyyəti, hazırki durumu bəlli deyil, həmçinin icra sənədinin icrası borclu tərəfindən operativ qaydada təmin edilməlidir. Məhkəmələr qanunun gücü ilə subyektlər üzərində nəzarəti həyata keçirtməklə mükəlləfdirlər. Hüquq normalarının birbaşa tətbiqi ilə məşğul olan məhkəmələr hüquq münasibətlərinin subyektləri arasındakı mübahisələri ədalətli şəkildə tənzimlədikdə məhkəməyə və hüquq sisteminə olan etimad artır, əks halda, inamsızlıq, hüquqi nihilizmin geniş vüsət almasına səbəb olmaqla hüquqi dəyərlərin aşınması ilə nəticələnir. Göstərilənlərə əsasən “İcra Haqqında” Azərbaycan Respublikasının Qanunun 50.1-ci maddəsinə və Azərbaycan Respublikasının MPM-nin 263-264 və 266-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Yasamal Rayon Məhkəməsinin 2(004)-1244/2023 nömrəli xx.xx.2023-cü il tarixli icra sənədi üzrə Borclu MMC-nin mülkiyyətində olan Mack GU 813E” yük markalı, **-AM-*** dövlət qeydiyyat nişanlı, “MAMMUT Yarımqoşqu”, **-ZH-*** dövlət qeydiyyat nişanlı, “Hyundai İX-35” minik markalı, **-PN-*** dövlət qeydiyyat nişanlı və “Volvo FMX” yük markalı, **-JD-*** dövlət nişanlı avtomobilin üzərinə həbs qoyularaq Azərbaycan Respublikası DİN BDYPİ-nin mühafizə olunan duracağına yerləşdirilsin. Qərardad dərhal icra edilsin. Qərardadın icrası Yasamal Rayon İcra Şöbəsinə həvalə edilsin. Qərardaddan rəsmi qaydada təqdim edildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhər Yasamal Rayon Məhkəməsinə şikayət verilə bilər. Sədrlik edən: Fariz Əlizadə