Bakı Şəhəri Nərimanov Rayon Məhkəməsi Qərardad — İş №8(005)-113/2025

Azərbaycan Respublikası adından QƏRARDAD Bakı şəhəri İş № 8(005)-113/2025 10.02.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Ramin Nizaməddin oğlunun sədrliyi Cəfərov Davud Rauf oğlunun katibliyi ilə, Borclu mülkiyyətində olan nəqliyyat vasitələrinin üzərinə qoyulmuş həbsin götürülməsinə dair Bakı şəhəri Nərimanov rayon İcra şöbəsinin icra məmuru Rafail Səfərovun təqdimatına açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nərimanov rayon İcra şöbəsinin icra məmuru Rafail Səfərov məhkəməyə müraciət edərək, Borclu mülkiyyətində olan “Mercedes Benz S320” markalı, **-XC-*** dövlət qeydiyyat nişanlı və “Mercedes Benz E200 Cdı” markalı, **-OS-*** dövlət qeydiyyat nişanlı nəqliyyat vasitələrinin üzərinə qoyulmuş həbsin götürülməsi barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Nərimanov Rayon Məhkəməsinin 2(005)- 6558/2017 saylı, xx.xx.2017-ci il tarixli icra sənədi üzrə Borclu və X1 2910,03 ABŞ dolları pul vəsaiti və 20 manat dövlət rüsumu tutularaq tələbkar "DəmirBank” ASC-nin xeyrinə ödənilməlidir. İcra sənədi şöbənin icraatına xx.xx.2017-ci il tarixdə daxil olmuş və həmin tarixdə icraata başlamaq haqqında qərar qəbul edilərək icra olunması üçün borcluya, məlumat üçün isə digər tərəflərə göndərilmişdir. İcra sənədinin icrasını təmin etmək məqsədilə Nərimanov Rayon Məhkəməsinin 8(005)-60/2023 saylı, xx.xx.2023-cü il tarixli qərardadına əsasən Borclu mülkiyyətində olan “Mercedes Benz S320” markalı, **-XC-*** dövlət qeydiyyat nişanlı və “Mercedes Benz E200 Cdı” markalı, **-OS-*** dövlət qeydiyyat nişanlı nəqliyyat vasitələrinin üzərinə həbs qoyulmuşdur. LPO Tələbkar ASC-nin xx.xx.2025-ci il tarixli ərizəsinə əsasən borclu tələbkara olan borcu tam ödəmiş və icra sənədi tam icra edilmişdir. Məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq, icra məmuru, tələbkar və borclu məhkəmə iclasına gəlməmişlər və məhkəmə Azərbaycan Respublikası Mülki Prosessual Məcəlləsinin 231.2ci maddəsinə əsasən təqdimata tərəflərin iştirakları olmadan baxılmasını mümkün hesab etmişdir. İş materiallarında olan: Nərimanov Rayon Məhkəməsinin 2(005)-6558/2017 saylı, xx.xx.2017-ci il tarixli məhkəmə əmrindən görünür ki, Borclu və X1 2910,03 ABŞ dolları pul vəsaiti və 20 manat dövlət rüsumu tutularaq tələbkar "DəmirBank” ASC-nin xeyrinə ödənilməlidir; Nərimanov Rayon Məhkəməsinin 8(005)-60/2023 saylı, xx.xx.2023-cü il tarixli qərardadından görünür ki, Nərimanov Rayon Məhkəməsinin 2(005)-6558/2017 saylı, xx.xx.2017-ci il tarixli icra sənədinin icrasını təmin etmək məqsədi ilə Borclu məxsus “Mercedes Benz S320” markalı, **-XC-*** dövlət qeydiyyat nişanlı və “Mercedes Benz E200 Cdı” markalı, **-OS-*** qeydiyyat nişanlı avtomobillərin üzərinə həbs qoyulması qərara alınmışdır; Tələbkar LPO Tələbkar ASC tərəfindən verilmiş ərizənin surətindən görünür ki, Borclu icra sənədi üzrə borcunu tam olaraq ödəmişdir; Nərimanov rayon İcra şöbəsinin icra məmuru Rafail Səfərovun xx.xx.2025-ci il tarixli qərarının surətindən görünür ki, Nərimanov Rayon Məhkəməsinin 2(005)-6558/2017 saylı, xx.xx.2017-ci il tarixli il tarixli icra sənədi üzrə icraata xitam verilmişdir. “İcra haqqında” Azərbaycan Respublikası Qanununun 43.1-ci maddəsinə əsasən məcburi icra tədbirlərindən biri də borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsidir. Həmin Qanunun 45.1-ci maddəsinə görə, tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə, əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. “İcra haqqında” Qanunun 20.1.5-ci maddəsinə əsasən isə icra sənədi tam icra olunduqda icraata xitam verilir. Qanunun 20.2 və 20.3-cü maddələrinə görə, icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana (notarius istisna olmaqla) göndərilir. İcra məmuru icraata xitam verilməsi barədə qərar qəbul etdikdən sonra icraat üzrə hər hansı icra hərəkətlərinin həyata keçirilməsinə yol verilmir. Beləliklə məhkəmə hesab edir ki, Nərimanov Rayon Məhkəməsinin 2(005)- 6558/2017 saylı, xx.xx.2017-ci il tarixli il tarixli icra sənədi üzrə icraata xitam verildiyindən təqdimat təmin edilməli, Nərimanov Rayon Məhkəməsinin 8(005)-60/2023 saylı, xx.xx.2023-cü il tarixli qərardadı ilə Borclu məxsus olan “Mercedes Benz S320” markalı, **- XC-*** dövlət qeydiyyat nişanlı və “Mercedes Benz E200 Cdı” markalı, **-OS-*** dövlət qeydiyyat nişanlı nəqliyyat vasitələrinin üzərinə qoyulmuş həbs götürülməlidir. Şərh olunanlara əsasən Azərbaycan Respublikası Mülki Prosessual Məcəlləsinin 263-264 və 268-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Nərimanov Rayon Məhkəməsinin 8(005)-60/2023 saylı, xx.xx.2023-cü il tarixli qərardadı ilə Borclu məxsus olan “Mercedes Benz S320” markalı, **-XC-*** dövlət qeydiyyat nişanlı və “Mercedes Benz E200 Cdı” markalı, **-OS-*** dövlət qeydiyyat nişanlı nəqliyyat vasitələrinin üzərinə qoyulmuş həbs götürülsün. Qərardaddan, qərardad tərəfə rəsmi qaydada verildikdən sonra 10 (on) gün müddətində Elektron Məhkəmə İnformasiya Sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim Ramin Quliyev