Bakı Şəhəri Nərimanov Rayon Məhkəməsi Qərardad — İş №8(005)-23/2024

Azərbaycan Respublikası adından QƏRARDAD Bakı şəhəri İş № 8(005)-23/2024 08.01.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əfəndizadə Mehriban Xalid qızının sədrliyi, Məhkəmə iclas katibi Qurbanova Səkinə Nadir qızının katibliyi, Tərəflərin iştirakı olmadan, Nərimanov Rayon Məhkəməsinin 2(005)-580/2021-004 nömrəli, xx.xx.2020-ci il tarixli icra sənədinin icrası məqsədi ilə Borclu inzibati xəta haqqında protokolun tərtibində iştirakını təmin etmək üçün Nərimanov rayon İcra şöbəsinə məcburi qaydada gətirilməsinə dair icra məmurunun təqdimatına açıq məhkəmə iclasında baxaraq, məhkəmə MÜƏYYƏN ETDİ Nərimanov Rayon İcra Şöbəsinin icra məmuru X3 Rayon Məhkəməsinin 2(005)- 580/2021-004 nömrəli, xx.xx.2020-ci il tarixli icra sənədinin icrası məqsədi ilə Borclu inzibati xəta haqqında protokolun tərtibində iştirakını təmin etmək üçün polis orqanı vasitəsi ilə Nərimanov rayon İcra şöbəsinə məcburi qaydada gətirilməsinə dair qərardad qəbul edilməsini xahiş etmişdir. Təqdimat onunla əsaslandırılmışdır ki, icra sənədi üzrə Tələbkar yetkinlik yaşına çatmayan xx.xx.2017-ci il təvəllüdlü X1 ilə hər həftənin bazar günü saat 12:00-dan saat 18:00-dək, həmçinin iki daha çox günlərdən ibarət olan bayram günlərində hər bayramın ikinci günü saat 12:00-dan 16:00-dək ünsiyyətdə olma vaxtı təyin edilməlidir. İcra sənədi şöbənin icraatına xx.xx.2021-ci il tarixdə daxil olmuş, həmin tarixdə icraata başlamaq haqqında qərar qəbul edilərək könüllü icra barədə bildirişlə icra olunması üçün Borclu icra sənədində göstərilən ünvanına göndərilmişdir. Könüllü müddət ərzində borclu tərəfindən icra sənədinin icrası təmin edilmədiyi üçün ona Nərimanov Rayon İcra şöbəsinə məcburi qaydada gətirilməsinə dair təqdimatın verilməsi haqqında qərarın surəti göndərilmiş, lakin buna baxmayaraq Borclu şöbəyə gəlməkdən qərəzli olaraq yayınmış və icra məmurunu çağırışına məhəl qoymamışdır. Təqdimat vermiş icra məmuruna, tələbkara və borcluya məhkəmə tərəfindən iclasın vaxtı və yeri barədə bildiriş göndərilməsinə baxmayaraq, onlar məhkəmə iclasına gəlməmiş və bunun səbəbləri barədə məhkəməyə məlumat verməmişlər. Məhkəmə təqdimata onların iştirakı olmadan baxılmasını mümkün hesab etmişdir. Məhkəmə təqdimatı və ona əlavə edilmiş sənədləri araşdıraraq, borclunun Nərimanov rayon icra şöbəsinə məcburi gətirilməsi üçün kifayət qədər əsas olduğundan təqdimatın təmin edilməsi qənaətinə gəlir. Belə ki, təqdimata əlavə edilmiş: Nərimanov Rayon İcra Şöbəsinin icra məmuru X3 Rayon Məhkəməsinin 2(005)- 580/2021 nömrəli, xx.xx.2020-ci il tarixli icra sənədinə əsasən Tələbkar yetkinlik yaşına çatmayan xx.xx.2017-ci il təvəllüdlü X1 ilə hər həftəninbazar günü saat 12:00-dan saat 18:00-dək, həmçinin iki daha çox günlərdən ibarət olan bayram günlərində hər bayramın ikinci günü saat 12:00-dan 16:00-dək ünsiyyətdə olma vaxtı təyin edilməlidir. Bakı şəhəri Nərimanov rayon icra şöbəsinin icra məmuru Azər Əliyev tərəfindən qəbul edilmiş 27 iyul 2021-ci il tarixli qərarın və bildirişin təsdiq edilmiş surətlərindən görünür ki, Nərimanov Rayon Məhkəməsinin 2(005)-580/2021 nömrəli, xx.xx.2020-ci il nömrəli icra sənədi üzrə icraat başlanmış, tələbin könüllü icrası barədə bildiriş borcluya göndərilmişdir. Bakı şəhəri Nərimanov rayon icra şöbəsinin icra məmuru Azər Əliyev tərəfindən qəbul edilmiş 08 dekabr 2023-cü il tarixli qərardan görünür ki, Borclu məcburi qaydada Nərimanov rayon icra şöbəsinə gətirilməsi qərara alınmışdır. Həmin qərar icra qurumunun rəhbəri tərəfindən təsdiq edilmişdir. “İcra haqqında” Azərbaycan Respublikası Qanununun 2.1-ci maddəsinə məhkəmə və digər orqanların qərarlarının məcburi icrası icra məmurları tərəfindən həyata keçirilir. Həmin Qanunun 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Həmin Qanunun 84.2.-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Həmin Qanunun 84.3-cü maddəsinə əsasən bu Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Yuxarıda göstərilənlərə əsasən və “İcra haqqında” Azərbaycan Respublikası Qanununun 84-cü maddəsini rəhbər tutaraq, məhkəmə QƏRARA ALDİ: Təqdimat təmin edilsin. Nərimanov Rayon Məhkəməsinin 2(005)-580/2021 nömrəli, xx.xx.2020-ci il tarixli icra sənədi üzrə BAKİ ŞƏHƏRİ, NƏRİMANOV RAYONU, ƏHMƏD RƏCƏBLİ KÜÇƏSİ, 1960 MƏHƏLLƏSİ, EV 5A, MƏNZİL 169 ünvanında qeydiyyatda olan borclu xx.xx.1993-cü il təvəllüdlü Borclu Bakı Şəhəri Nərimanov Rayon İcra Şöbəsinə məcburi qaydada gətirilsin. Qərardadın icrası Nərimanov Rayon Polis İdarəsinə və Nərimanov Rayon İcra Şöbəsinə həvalə edilsin. Qərardad rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı şəhəri Nərimanov Rayon Məhkəməsinə şikayət verilə bilər. Hakim Mehriban Əfəndizadə