Bakı Şəhəri Nərimanov Rayon Məhkəməsi Qərardad — İş №8(005)-32/2021

Azərbaycan Respublikası adından QƏRARDAD Bakı şəhəri İş № 8(005)-32/2021 19.01.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Novruzova Aytən Nazim qızının sədrliyi Məhkəmə iclasının katibi X1 iştirakı ilə, Nərimanov Rayon Məhkəməsinin 8(005)-529/2018 saylı, xx.xx.2018-ci il tarixli qərardadı ilə Borclu mülkiyyətində olan nəqliyyat vasitəsi üzərinə qoyulmuş həbsin götürülməsinə dair Bakı şəhəri Nərimanov rayon İcra və Probasiya şöbəsinin icra məmuru Rəfail Səfərovun təqdimatına məhkəmənin inzibati binasında, açıq məhkəmə iclasında baxaraq, məhkəmə müəyyən etdi: Bakı şəhəri Nərimanov rayon İcra və probasiya şöbəsinin icra məmuru Rəfail Səfərov təqdimatla məhkəməyə müraciət edərək, Nərimanov Rayon Məhkəməsinin 8(005)-529/2018 saylı, xx.xx.2018-ci il tarixli qərardadı ilə Borclu mülkiyyətində olan “Toyota Prado” minik markalı, **-XK-*** dövlət nömrə nişanlı nəqliyyat vasitəsi üzərinə qoyulmuş həbsin götürülməsini xahiş etmişdir. Təqdimat onunla əsaslandırılmışdır ki, Nərimanov Rayon Məhkəməsinin 2(005)- 999/2016 saylı, xx.xx.2016-cı il tarixli icra sənədinə əsasən, borclu X2 cəmi 4176,50 manat məbləğində pul Tələbkar ASC-nin xeyrinə tutulmalıdır. İcra sənədi Şöbənin icraatına xx.xx.2016-cı il tarixdə daxil olmuş və həmin tarixdə icraata başlamaq haqqında qərar qəbul edilərək icra olunması üçün borcluya, məlumat üçün isə digər tərəflərə göndərilmişdir. İcra tədbirləri zamanı borclunun adına “Toyota Prado” minik markalı, **-XK- *** dövlət nömrə nişanlı nəqliyyat vasitəsi aşkar edilmiş və həmin əmlak üzərinə həbs qoyulması haqqında təqdimatla məhkəməyə müraciət edilmişdir. Nərimanov Rayon Məhkəməsinin 8(005)-529/2018 saylı, xx.xx.2018-ci il tarixli qərardadı ilə Borclu mülkiyyətində olan “Toyota Prado minik” markalı, **-XK-*** dövlət nömrə nişanlı nəqliyyat vasitəsi üzərinə həbs qoyulmuşdur. İcra sənədi üzrə icraata xitam verildiyindən Borclu mülkiyyətində olan “Toyota Prado minik" markalı, **-XK-*** dövlət nömrə nişanlı nəqliyyat vasitəsi üzərinə qoyulmuş həbsin götürülməsi zərurəti yaranmışdır. Tərəflərə məhkəmə iclasının yeri və vaxtı barədə məlumat verilsə də, məhkəmə iclasında iştirak etməmişlər. Məhkəmə təqdimata tərəflərin iştirakı olmadan baxılmasını mümkün hesab etmişdir. Məhkəmə təqdimatı və ona əlavə edilmiş sənədləri nəzərdən keçirib, iş materiallarını araşdırıb hesab edir ki, təqdimat təmin edilməlidir. Belə ki, icra işinin materiallarında olan və məhkəmə baxışında tədqiq edilmiş: İşdə olan Nərimanov Rayon Məhkəməsinin 8(005)-529/2018 saylı, xx.xx.2018-ci il tarixli qərardadı ilə Bakı Şəhəri Nərimanov Rayon Məhkəməsinin 2(005)-999/2016 saylı, xx.xx.2016-cı il tarixli icra vərəqəsinin icrasının təmin edilməsi məqsədi ilə Borclu məxsus “Toyota Prado” minik markalı, **-XK-*** dövlət nömrə nişanlı nəqliyyat vasitəsi üzərinə həbs qoyulmuşdur. Hazırda Tələbkar ASC Bakı şəhəri Nərimanov rayon İcra və Probasiya şöbəsinə müraciət edərək, Borclu hazırda borcu olmadığını bildirmişdir. Bakı şəhəri Nərimanov rayon İcra və Probasiya şöbəsinin xx xxxxxx 2018-ci il tarixli qərarı ilə Bakı Şəhəri Nərimanov Rayon Məhkəməsinin 2(005)-999/2016 saylı, xx.xx.2016cı il tarixli icra sənədi üzrə icraata xitam verilmişdir. “İcra haqqında” Azərbaycan Respublikasının Qanunun: 23.1.1-ci Tələbin icra edilmədiyi və ya qismən icra edildiyi icra sənədi tələbkarın ərizəsi əsasında icra sənədini vermiş məhkəməyə və ya digər orqana qaytarılır: 20.1.5-ci maddəsinə əsasən icra sənədi tam icra olunduqda icra sənədi üzrə icraata xitam verilir; 20.3-cü maddəsinə əsasən icra məmuru icraata xitam verilməsi barədə qərar qəbul etdikdən sonra icraat üzrə hər hansı icra hərəkətlərinin həyata keçirilməsinə yol verilmir; 20.8-ci maddəsinə əsasən icra sənədi məhkəməyə və ya icra sənədini vermiş digər orqana qaytarıldıqdan sonra icra məmuru təyin etdiyi bütün icra tədbirlərini ləğv edir. Məhkəmə qeyd edir ki, məhkəmə tərəfindən verilmiş icra sənədi qanunvericliklə müəyyən edilmiş müddətlərdə icra edilmədikdə icra məmurları tərəfindən məcburi icra tədbirlərin keçirilməsi üçün əsas yaranır. Göründüyü kimi icra sənədi üzrə borclunun hazırda borcu yoxdur. icraata xitam verilmişdir, bu da öz növbəsində Borclu mülkiyyətində olan “Toyota Prado” minik markalı, **-XK-*** dövlət qeydiyyat nişanlı nəqliyyat vasitəsi üzərinə qoyulmuş həbs götürülməsini hüquqi baxımdan şərtləndirir. Bu səbəbdən təqdimat təmin edilməli, borclunun avtomobilin üzərinə qoyulmuş həbs götürülməlidir. Qeyd olanlara əsasən və “İcra Haqqında” Azərbaycan Respublikası Qanununun 20ci maddəsini, Azərbaycan Respublikası MPM-in 263-264-cü maddələrini rəhbər tutaraq, məhkəmə qərara aldı: Təqdimat təmin edilsin. Nərimanov Rayon Məhkəməsinin 8(005)-529/2018 saylı, xx.xx.2018-ci il tarixli qərardadı ilə Borclu mülkiyyətində olan “Toyota Prado” minik markalı, (ban: JTEBX3FJ40K023013) **-XK-*** dövlət qeydiyyat nişanlı avtomobilin üzərinə qoyulmuş həbs götürülsün. Qərardaddan rəsmi qaydada verildikdən sonra 10 (on) gün müddətində Bakı Şəhəri Nərimanov Rayon Məhkəməsinə şikayət verilə bilər. Sədrlik edən Aytən Novruzova