Bakı Şəhəri Nərimanov Rayon Məhkəməsi Qərardad — İş №8(005)-366/2024

Azərbaycan Respublikası adından QƏRARDAD Bakı şəhəri İş № 8(005)-366/2024 01.07.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Tağıyeva Nərgiz Nazim qızının sədrliyi, Məhkəmə iclas katibi İsmayılov Pərvin Pərviz oğlunun katibliyi, Tələbkar iştirakı ilə, Bakı Şəhəri Nərimanov Rayon Məhkəməsinin 2(005)-1143/2023 saylı, xx.xx.2023-cü il tarixli icra sənədi üzrə Borclu məcburi gətirilməsi barədə Nərimanov Rayon İcra şöbəsinin icra məmuru Emil Zeynalovun təqdimatına məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Nərimanov Rayon İcra şöbəsinin icra məmuru Emil Zeynalov məhkəməyə təqdimatla müraciət edərək, ünvan 1 ünvanında qeydiyyatda olan Borclu Nərimanov rayon icra şöbəsinə məcburi gətirilməsi barədə qərardad qəbul edilməsini məhkəmədən xahiş etmişdir. Təqdimat onunla əsaslandırılmışdır ki, Nərimanov Rayon Məhkəməsinin 2(005)- 1143/2023-014 nömrəli, xx.xx.2023-cü il tarixli icra sənədinə əsasən, iddiaçı Tələbkar mülkiyyətində olan Bakı şəhəri, Nərimanov rayonu, H.Əliyev prospekti, ev 95A ünvanında yerləşən 47 saylı mənzilə dair cavabdeh Borclu tərəfindən yaradılan maneələr aradan qaldırılmalıdır. İddiaçı Tələbkar ünvan 1 ünvanında yerləşən mənzilə köçürülməlidir. İcra sənədi icraata daxil olduqdan sonra icraata başlamaq haqqında qərar qəbul edilmiş və icra sənədi üzrə tələbin dərhal icra edilməsi üçün müvafiq qaydada qərarın surəti bildirişlə bərabər Borclu icra sənədində göstərilən ünvanına göndərilmişdir. Bundan əlavə borclu ilə ona məxsus ***-***-**-** saylı mobil operator vasitəsiylə tərəflərindən əlaqə saxlanılmasına baxmayaraq borclu zənglərə cavab verməmişdir. Daha sonra, icra sənədinin icrasının təmin edilməsi məqsədi ilə xx.xx.2024-cü və xx.xx.2024-cü il tarixlərində iddiaçı Tələbkar mülkiyyətində olan Bakı şəhəri, Nərimanov rayonu, H.Əliyev prospekti, ev 95A ünvanında olmuş, lakin sözügedən mənzilin qapısı tərəflərindən dəfələrlə döyülsə də, qapını açan olmamış və bu səbəbdən də Nərimanov Rayon Məhkəməsinin 2(005)-1143/2023-014 nömrəli, xx.xx.2023-cü il tarixli icra sənədinin icrası mümkün olmamışdır. Tərəflərindən tətbiq edilmiş icra tədbirlərinə baxmayaraq, borclu Kərimov X1 rayon icra şöbəsinə gəlməmiş və icra sənədinin icrasını təmin etməkdən yayınmışdır. Məhkəmə iclasında iştirak edən Tələbkar borclunun icra məmurunun çağırışlarına gəlmədiyini, evin qapısını açmadığını bildirmiş və təqdimatın təmin edilməsini xahiş etmişdir. İcra məmuru və borcluya məhkəmə tərəfindən iclasın vaxtı və yeri barədə bildiriş göndərilməsinə baxmayaraq, məhkəmə iclasına gəlməmiş, gəlməmə səbəbləri barədə məhkəməyə məlumat verməmişlər. Məhkəmə mülki prosessual qanunvericiliyə uyğun olaraq təqdimata onların iştirakı olmadan baxılmasını mümkün hesab etmişdir. Məhkəmə təqdimatı və ona əlavə edilmiş sənədləri araşdıraraq hesab edir ki, Borclu məcburi gətirilməsi üçün kifayət qədər əsaslar olduğundan təqdimat təmin edilməlidir. İş materiallarına əlavə edilmiş və məhkəmə iclasında tədqiq edilmiş: - Bakı Şəhəri Nərimanov Rayon Məhkəməsinin xx.xx.2023-cü il tarixli, 2(005)- 1143/2023 saylı icra vərəqəsinə əsasən iddiaçı Tələbkar mülkiyyətində olan Bakı şəhəri, Nərimanov rayonu, H.Əliyev prospekti, ev 95A ünvanında yerləşən 47 saylı mənzilə dair cavabdeh Borclu tərəfindən yaradılan maneələr aradan qaldırılmalı, iddiaçı Tələbkar ünvan 1 ünvanında yerləşən mənzilə köçürülməlidir; - Nərimanov Rayon icra şöbəsinin xx.xx.2024-cü il tarixli qərarının və bildirişinin surətlərindən görünür ki, Bakı Şəhəri Nərimanov Rayon Məhkəməsinin 2(005)-1143/2023- 014 nömrəli, xx.xx.2023-cü il tarixli icra sənədi üzrə icraata başlanmış, borcluya icra sənədində göstərilən tələbin 10 gün müddətində könüllü icra olunması barədə xəbərdarlıq edilmişdir; - İcra məmuru Emil Zeynalov, Azər Əliyev və Tələbkar imzaları ilə təsdiq edilmiş xx.xx.2024-cü il tarixli aktın surətindən görünür ki, onlar ünvan 4 ünvanında olmuşlar. Mənzilin qapısı dəfələrlə döyülsə də, qapını açan və cavab verən olmadığı üçün icra sənədini icra etmək mümkün olmamışdır; - İcra məmuru Emil Zeynalov, Azər Əliyev və Tələbkar imzaları ilə təsdiq edilmiş xx.xx.2024-cü il tarixli aktın surətindən görünür ki, onlar ünvan 4 ünvanında olmuşlar. Mənzilin qapısı dəfələrlə döyülsə də, qapını açan və cavab verən olmadığı üçün icra sənədini icra etmək mümkün olmamışdır; - Bakı Şəhəri Nərimanov Rayon İcra şöbəsinin icra məmurunun xx.xx.2024-cü il tarixli “borclunun məcburi qaydada gətirilməsi barədə” qərarının surətindən görünür ki, Borclu Nərimanov Rayon İcra Şöbəsinə məcburi gətirilməsi üçün məhkəməyə təqdimat verilməsi qərara alınmışdır. “İcra haqqında” Azərbaycan Respublikası Qanununun 2.1 və 3.1-ci maddələrinə əsasən məhkəmə və digər orqanların qərarlarının məcburi icrası icra məmurları tərəfindən həyata keçirilir. Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. “İcra haqqında” Qanunun 10.1-ci maddəsinə görə borclu fiziki şəxsdirsə, icra hərəkətləri onun yaşadığı yerdə, yaxud onun iş yerində və ya onun əmlakının olduğu yerdə həyata keçirilir. Həmin Qanunun 44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi və könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi üçün əsaslardır. Eyni Qanunun 84.2 və 84.3-cü maddələrinə görə icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Həmin Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra məmurları qurumunun rəhbəri tərəfindən yoxlanılaraq təsdiq olunur. Göstərilənlərə əsasən məhkəmə hesab edir ki, borclu icra məmurunun qanuni tələblərini yerinə yetirməyərək, edilən xəbərdarlıqlara məhəl qoymayaraq icra məmurunun çağırışlarına gəlməkdən üzrsüz səbəbdən yayındığından, məhkəmə qərarının icrasını təmin etmək məqsədilə Bakı Şəhəri Nərimanov Rayon Məhkəməsinin 2(005)-1143/2023 nömrəli, xx.xx.2023-cü il tarixli icra sənədinin icrası ilə əlaqədar Borclu Nərimanov Rayon İcra şöbəsinə məcburi gətirilməsi barədə təqdimat əsaslı hesab olunaraq təmin edilməli, Borclu məcburi qaydada Nərimanov Rayon İcra şöbəsinə gətirilməlidir. Yuxarıda göstərilənlərə əsaslanaraq və Azərbaycan Respublikası Mülki Prosessual Məcəlləsinin 231, 263, 264, 267 və 268-cı maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı Şəhəri Nərimanov Rayon Məhkəməsinin 2(005)-1143/2023 saylı, xx.xx.2023-cü il tarixli icra sənədinin icrasının təmin edilməsi məqsədilə Borclu Bakı Şəhəri Nərimanov Rayon İcra şöbəsinə məcburi gətirilsin. Qərardaddan tərəfə rəsmi qaydada təqdim edildiyi gündən sonra 10 gün müddətində Bakı Şəhəri Nərimanov Rayon Məhkəməsinə “Elektron məhkəmə” informasiya sistemində yaradılmış elektron kabinet vasitəsilə şikayət verilə bilər. Hakim Nərgiz Tağıyeva