Bakı Şəhəri Nərimanov Rayon Məhkəməsi Qərardad — İş №8(005)-396/2024

Azərbaycan Respublikası adından QƏRARDAD Bakı şəhəri İş № 8(005)-396/2024 14.08.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Ramin Nizaməddin oğlunun sədrliyi Cəfərov Davud Rauf oğlunun katibliyi ilə, Nərimanov Rayon Məhkəməsinin 2(005)-3365/2019 saylı, xx.xx.2019-cu il tarixli icra sənədinin icrasını təmin etmək məqsədi ilə Borclu məxsus əmlakların üzərinə həbs qoyulması barədə Bakı Şəhəri Nərimanov Rayon İcra şöbəsinin icra məmuru Rafail Səfərovun təqdimatına məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Bakı Şəhəri Nərimanov Rayon İcra şöbəsinin icra məmuru Rafail Səfərov təqdimatla məhkəməyə müraciət edərək, icra sənədi üzrə Borclu məxsus olan əmlakın ümumi sahəsi 154,30 kv.m torpaq sahəsi 0,1250 ha olan ünvan 1 ünvanında yerləşən qeyri yaşayış sahəsinin və əmlakın ümumi sahəsi 158.20 kv.m, torpaq sahəsi 0.1250 ha olan ünvan 1 ünvanında yerləşən zirzəminin üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Nərimanov Rayon Məhkəməsinin 2(005)- 3365/2019 saylı, xx.xx.2019-cu il tarixli icra sənədinə əsasən Borclu xx.xx.2019-cu il tarixdən başlayaraq xx.xx.2017-ci il təvəllüdlü X1 yetkinlik yaşına çatanadək saxlanması üçün hər ay 160 manat sabit pul məbləğində aliment tutularaq Tələbkar xeyrinə ödənilməlidir. İcra sənədi şöbənin icraatına xx.xx.2019-cu il tarixdə daxil olmuş, həmin tarixdə icraata başlamaq haqqında qərar qəbul edilərək bildirişlə birlikdə borclunun ünvanına, məlumat üçün isə tərəflərə göndərilmişdir. Tələbkar xx.xx.2024-cü il tarixli ərizə ilə şöbəyə müraciət edərək, Borclu xx.xx.2024-cü il tarixə 8160 manat ödənilməmiş aliment borcunun olduğunu, borclu barəsində məcburi icra tədbirləri həyata keçirilməsini xahiş etmişdir. İcra sənədinin icrası ilə bağlı “Elektron İcra” İnformasiya Sistemindən borclunun məlumatı çıxarılmış, məlumata əsasən əmlakın ümumi sahəsi 154,30 kv.m torpaq sahəsi 0,1250 ha olan ünvan 1 ünvanında yerləşən qeyri yaşayış sahəsinin və əmlakın ümumi sahəsi 158,20 kv.m, torpaq sahəsi 0,1250 ha olan ünvan 1 ünvanında yerləşən zirzəminin borclu X3 mülkiyyətində olduğu müəyyən olunmuşdur. İcra məmuru, tələbkar və borclu məhkəmə iclasının vaxtı və yeri barədə qanunla müəyyən edilmiş qaydada xəbərdar edilsələr də, onlar məhkəmə iclasına gəlməmiş, gəlməmələrinin səbəblərini məhkəməyə bildirməmişlər. Məhkəmə təqdimata onların iştirakı olmadan baxılmasını mümkün hesab etmişdir. İş materiallarında olan: Nərimanov Rayon Məhkəməsinin 2(005)-3365/2019 saylı, xx.xx.2019-cu il tarixli icra sənədindən görünür ki, xx.xx.2017-ci il təvəllüdlü X2 yetkinlik yaşına çatanadək saxlanması üçün cavabdeh Borclu hər ay 160 manat sabit pul məbləğində aliment tutularaq iddiaçı Tələbkar Sərəbstan qızına verilməlidir. Alimentin tutulması xx.xx.2019-cu il tarixdən hesablanmışdır. İcraata başlamaq haqqında qərar və bildirişin surətindən görünür ki, Nərimanov Rayon Məhkəməsinin 2(005)-3365/2019 saylı, xx.xx.2019-cu il tarixli icra sənədi üzrə icraata başlanılmış, tələbin könüllü icrası barədə bildiriş borcluya göndərilmişdir. Elektron çıxarışdan görünür ki, Borclu adına ümumi sahəsi 154,30 kv.m torpaq sahəsi 0,1250 ha olan ünvan 1 ünvanında yerləşən qeyri yaşayış sahəsi və əmlakın ümumi sahəsi 158.20 kv.m, torpaq sahəsi 0.1250 ha olan ünvan 1 ünvanında yerləşən zirzəmi mövcuddur. Azərbaycan Respublikası Konstitusiyasının 129-cu maddəsinin tələbinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. “İcra haqqında” Azərbaycan Respublikası Qanununun 2.1-ci maddəsinə əsasən məhkəmə və digər orqanların qərarlarının məcburi icrası icra məmurları tərəfindən həyata keçirilir. Bu Qanunun 6.1.1-ci maddəsinə əsasən Azərbaycan Respublikası məhkəmələrinin qərarları icra sənədi sayılır. “İcra haqqında” Qanunun 44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi və könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi üçün əsaslardır. Məcburi icra tədbirlərindən biri də borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsidir (Qanunun 43.1.1-ci maddəsi). Həmin Qanunun 45.1-ci maddəsinə uyğun olaraq, tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Eyni Qanunun 50.2-ci maddəsinə görə icra sənədi icraya yönəldilənə qədər borclunun əmlakı üzərinə həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə tərəfindən işin müəyyən edilmiş hallarından görünür ki, borclu icra məmuru tərəfindən verilən müddət ərzində tələbi könüllü surətdə icra etmədiyindən məcburi icra tədbirlərinin tətbiqi ilə əlaqədar “İcra haqqında” Azərbaycan Respublikası Qanununun 44.1-ci maddəsində müəyyən edilmiş əsaslar yaranmışdır. Həmçinin təqdimata əlavə edilmiş sənədlərə əsasən borcluya məxsus daşınmaz əmlakların mövcud olduğu müəyyən edilmişdir. Beləliklə, məhkəmə iş üzrə toplanmış sübutlara hüquqi qiymət verərək hesab edir ki, borclu tərəfindən icra sənədi könüllü icra edilmədiyindən, icra sənədinin icrasının təmin edilməsi məqsədi ilə təqdimat təmin edilməli, Borclu məxsus ümumi sahəsi 154,30 kv.m torpaq sahəsi 0,1250 ha olan ünvan 1 ünvanında yerləşən qeyri yaşayış sahəsinin və əmlakın ümumi sahəsi 158.20 kv.m, torpaq sahəsi 0.1250 ha olan ünvan 1 ünvanında yerləşən zirzəminin üzərinə həbs qoyulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 263-264 və 268-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Nərimanov Rayon Məhkəməsinin 2(005)-3365/2019 saylı, xx.xx.2019-cu il tarixli icra sənədinin icrasını təmin etmək məqsədi ilə Borclu məxsus ümumi sahəsi 154,30 kv.m torpaq sahəsi 0,1250 ha olan ünvan 1 ünvanında yerləşən qeyri yaşayış sahəsinin və əmlakın ümumi sahəsi 158.20 kv.m, torpaq sahəsi 0.1250 ha olan ünvan 1 ünvanında yerləşən zirzəminin üzərinə həbs qoyulsun. Qərardaddan tərəfə rəsmi qaydada verildikdən sonra 10 gün müddətində Bakı Şəhəri Nərimanov Rayon Məhkəməsinə şikayət verilə bilər. Hakim Ramin Quliyev