Bakı Şəhəri Nərimanov Rayon Məhkəməsi Qərardad — İş №8(005)-412/2023

Azərbaycan Respublikası adından QƏRARDAD Bakı şəhəri İş № 8(005)-412/2023 06.09.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əfəndizadə Mehriban Xalid qızının sədrliyi Qurbanova Səkinə Nadir qızının katibliyi Tələbkar "xxxx" MMC-nin nümayəndəsi X1 iştirakı ilə, Bakı Şəhəri Nərimanov Rayon Məhkəməsinin 2(005)-2066/2023-005 nömrəli, xx.xx.2023-cü il tarixli icra sənədinin icrasının təmin edilməsi məqsədi ilə tələbin borclunun daşınar əmlakına yönəldilməsi üçün “Mercedes 190 minik” markalı, **-SH-*** dövlət qeydiyyat nişanlı, “Mercedes Benz 190 minik” markalı, **-TG-*** dövlət qeydiyyat nişanlı, “Tofash Shahin minik” markalı, **-SA-*** dövlət qeydiyyat nişanlı, “Mercedes E 190 minik” markalı, **-VD-*** dövlət qeydiyyat nişanlı, “Daevoo Espero minik” markalı, **-UJ-*** dövlət qeydiyyat nişanlı, “Volkswagen Passat CC minik” markalı, **-GN-*** dövlət qeydiyyat nişanlı, “Hyundai Elantra minik” markalı, **-SH-*** dövlət qeydiyyat nişanlı, avtomobillərin üzərinə həbs qoyulması barədə icra məmuru Azər Əliyevin təqdimatı və ona əlavə edilmiş sənədlərə açıq məhkəmə iclasında baxaraq, məhkəmə MÜƏYYƏN ETDİ: Bakı Şəhəri Nərimanov Rayon Məhkəməsinin 2(005)-2066/2023-005 nömrəli, xx.xx.2023-cü il tarixli icra sənədinin icrasının təmin edilməsi məqsədi ilə tələbin borclunun daşınar əmlakına yönəldilməsi üçün “Mercedes 190 minik” markalı, **-SH-*** dövlət qeydiyyat nişanlı, “Mercedes Benz 190 minik” markalı, **-TG-*** dövlət qeydiyyat nişanlı, “Tofash Shahin minik” markalı, **-SA-*** dövlət qeydiyyat nişanlı, “Mercedes E 190 minik” markalı, **-VD-*** dövlət qeydiyyat nişanlı, “Daevoo Espero minik” markalı, **-UJ-*** dövlət qeydiyyat nişanlı, “Volkswagen Passat CC minik” markalı, **-GN-*** dövlət qeydiyyat nişanlı, “Hyundai Elantra minik” markalı, **-SH-*** dövlət qeydiyyat nişanlı avtomobillərin üzərinə həbs qoyulmasına dair qərardad qəbul edilməsini xahiş etmişdir. Təqdimat onunla əsaslandırılır ki, Bakı Şəhəri Nərimanov Rayon Məhkəməsinin 2(005)-2066/2023-005 nömrəli, xx.xx.2023-cü il tarixli icra sənədinə əsasən Borclu 1393,8 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir. İcra sənədi şöbənin icraatına xx.xx.2021-ci tarixdə daxil olmuş, həmin tarixdə icraata başlamaq haqqında qərar qəbul edilərək icra edilməsi üçün borcluya poçt vasitəsi iiə göndərilmişdir. Borclu tərəfindən icra sənədinin icrası könüllü olaraq təmin edilmədiyi üçün borclunun əmlak vəziyyətinin yoxlanılması məqsədi ilə müvafiq orqan və təşkilatlara sorğular edilmişdir. Tələb olunan vəsaitin ödənilməsi məqsədi ilə “Elektron İcra” İnformasiya Sistemindən əldə edilmiş məlumata əsasən borclu X3 mülkiyyətində “Mercedes 190 minik” markalı, **-SH-*** dövlət qeydiyyat nişanlı, “Mercedes Benz 190 minik” markalı, **-TG-*** dövlət qeydiyyat nişanlı, “Tofash Shahin minik” markalı, **-SA-*** dövlət qeydiyyat nişanlı, “Mercedes E 190 minik” markalı, **-VD-*** dövlət qeydiyyat nişanlı, “Daevoo Espero minik” markalı, **-UJ-*** dövlət qeydiyyat nişanlı, “Volkswagen Passat CC minik” markalı, **-GN- *** dövlət qeydiyyat nişanlı, “Hyundai Elantra minik” markalı, **-SH-*** dövlət qeydiyyat nişanlı avtomobillərin olduğu müəyyən edilmişdir. Məhkəmə iclasında iştirak edən tələbkar "xxxx" MMC-nin nümayəndəsi X2 təqdimatın təmin edilməsini xahiş edir. Borclu və icra məmuruna məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasına gəlməmişlər. Məhkəmə Azərbaycan Respublikası Mülki - Prosessual Məcəlləsinin 231.2-ci maddəsinə əsasən təqdimata onların iştirakı olmadan baxılmasını mümkün saymışdır. Məhkəmə təqdimatı, əlavə olunan sənədləri və ümumilikdə icra işini araşdırıb hesab edir ki, təqdimat qismən təmin edilməlidir. İcra haqqında Qanunun 45.6-cı maddəsinə əsasən tələbkarın tələblərinin təmin edilməsi üçün borclunun yetərli pul vəsaitləri olmadıqda, Azərbaycan Respublikasının qanunvericiliyinə uyğun olaraq tələbin yönəldilə bilmədiyi əmlak istisna olmaqla, tələb borcluya məxsus olan digər əmlaka yönəldilir. Həmin Qanunun 45.7-ci maddəsinə əsasən tələb, borclunun əmlakına, o cümlədən nağd yaxud banklarda və ya digər kredit təşkilatlarında hesablarda və əmanətlərdə, habelə saxlancda olan pul vəsaitlərinə və başqa sərvətlərinə, icra ödənişinin ödənilməsi və icra hərəkətlərinin həyata keçirilməsi üçün çəkilən xərclər də nəzərə alınmaqla, icra sənədinin icrası üçün lazım olan miqdarda və həcmdə yönəldilir. Həmin Qanunun 50.1-ci maddəsinə əsasən İcraata başlamaq haqqında qərar borcluya təqdim olunduğu gündən ən geci 1 ay müddətində, təxirəsalınmaz hallarda isə qərarın təqdim olunması ilə eyni vaxtda borclunun əmlakı üzərinə həbs qoyulur. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Qanunun mənasından aydın olur ki, borclunun əmlakına icra məmuru tərəfindən həbs qoyulması gələcəkdə həmin əmlaka tutma yönəldilməsi yolu ilə icra sənədinin icrasını təmin etmək məqsədi daşıdığından, əmlaklar üzərinə həbs borc məbləği həddində qoyulmalıdır. Qeyd edilənləri nəzərə alaraq məhkəmə təqdimatda qeyd edilən nəqliyyat vasitələrinə deyil, borclunun mülkiyyətində olan “Tofash Shahin minik” markalı, **-SA-*** dövlət qeydiyyat nişanlı və “Hyundai Elantra minik” markalı, **-SH-*** dövlət qeydiyyat nişanlı nəqliyyat vasitələrinin üzərinə həbs qoyulmasını, beləliklə təqdimatın qismən təmin edilməsini daha ədalətli hesab edir. Qeyd olunanlara əsasən və Azərbaycan Respublikası MPM-nin 231, 263-264, 268-ci maddələrini rəhbər tutaraq, məhkəmə QƏRARA ALDİ: Təqdimat qismən təmin edlsin. Borclu məxsus “Tofash Shahin” minik markalı, **-SA-*** dövlət qeydiyyat nişanlı və “Hyundai Elantra minik” markalı, **-SH-*** dövlət qeydiyyat nişanlı nəqliyyat vasitələrinin üzərinə həbs qoyulsun. Qərardadın icrası Bakı Şəhəri Nərimanov Rayon İcra Şöbəsinə həvalə edilsin. Qərardaddan rəsmi qaydada verildikdən sonra 10 (on) gün müddətində elektron məhkəmə informasiya sistemində yaradılmış elektron kabinetdən Bakı şəhəri Nərimanov Rayon Məhkəməsinə şikayət verilə bilər. Hakim Mehriban Əfəndizadə