Bakı Şəhəri Nəsimi Rayon Məhkəməsi Qərardad — İş №8(006)-243/2024

Azərbaycan Respublikası adından QƏRARDAD Bakı şəhəri İş № 8(006)-243/2024 15.08.2024 BAKI ŞƏHƏRİ NƏSİMİ RAYON MƏHKƏMƏSİ Hakim Abidova Günay Çingiz qızı, Nəsimi rayon İcra şöbəsinin “Borclu ölkədən getmək hüququnun müvəqqəti məhdudlaşdırılmasına dair təqdimatının baxılmadan geri qaytarılmasına dair” ərizəsinə baxaraq, MÜƏYYƏN ETDİM: Nəsimi rayon İcra şöbəsinin icra məmuru Pərviz Babayev məhkəməyə təqdimatla müraciət edərək, Bakı şəhəri Nəsimi Rayon Məhkəməsinin çoxsaylı icra sənədləri və Nərimanov Rayon Məhkəməsinin bir icra sənədi üzrə Borclu tərəfindən icra sənədlərinin icrası tam şəkildə təmin olunanadək onun ölkədən getmək hüququnun müvəqqəti məhdudlaşdırılması barədə qərar qəbul edilməsi məsələsinə baxılmasını xahiş etmişdir. xx.xx.2024-cü il tarixdə Nəsimi Rayon İcra Şöbəsi tərəfindən məhkəməyə müraciət olunaraq, zərurət aradan qalxdığı üçün təqdimata baxılmadan geri qaytarılması xahiş edilmişdir. Məhkəmə təqdimatı və məktubu nəzərdən keçirərək hesab edir ki, təqdimat baxılmadan geri qaytarılmalıdır. Belə ki, Azərbaycan Respublikası Mülki Prosessual Məcəlləsinin: 13.4-cü maddəsinə əsasən, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 152.1, 152.1.9-cu maddəsinə görə, iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda, hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən, məhkəmə belə qənaətə gəlir ki, təqdimat baxılmadan geri qaytarılmalıdır. Yuxarıda qeyd olunanlara əsasən və Azərbaycan Respublikası Mülki Prosessual Məcəlləsinin 263-264, 266-268-ci maddələrini rəhbər tutaraq, məhkəmə QƏRARA ALDİ: Təqdimat baxılmadan geri qaytarılsın. Qərardaddan rəsmi qaydada verildiyi gündən 10 (on) gün müddətində Bakı şəhəri Nəsimi Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Günay Abidova