Bakı Şəhəri Nəsimi Rayon Məhkəməsi Qərardad — İş №8(006)-377/2023

Azərbaycan Respublikası adından QƏRARDAD Bakı şəhəri İş № 8(006)-377/2023 22.11.2023 BAKI ŞƏHƏRİ NƏSİMİ RAYON MƏHKƏMƏSİ Hakim Xəlilov Ramin Adilxan oğlunun sədrliyi, Cəfərova Gülhanə Coşqun qızının katibliyi ilə Bakı şəhəri Nəsimi rayon İcra şöbəsinin icra məmuru X1 Bakı şəhəri Nəsimi Rayon Məhkəməsinin xx.xx.2023-cü il tarixli, 2(006)-659/2023 saylı icra sənədi üzrə borclu “X5” MMC-nin rəhbəri Borclu məcburi gətirilməsinə dair təqdimatına açıq məhkəmə iclasında baxaraq, MÜƏYYƏN ETDİ: Bakı şəhəri Nəsimi rayon İcra şöbəsinin icra məmuru icra məmuru X2 məhkəməyə təqdimatla müraciət edərək, kı şəhəri Nəsimi Rayon Məhkəməsinin xx.xx.2023-cü il tarixli, 2(006)-659/2023 saylı icra sənədi üzrə borclu “X5” MMC-nin rəhbəri Borclu məcburi gətirilməsi barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Nəsimi Rayon Məhkəməsinin 2(006)-659/2023-010 saylı, xx.xx.2023- cü il tarixli icra sənədinə əsasən “X5” MMC ilə Tələbkar arasında bağlanılmış xx.xx.2022-ci il tarixli podrat müqaviləsi ləğv edilməli, borclu “X5” MMC-dən 5000 (beş min) manat və ödənilmiş dövlət rüsumunun əvəzi kimi 70 (yetmiş) manat məbləğində pul tutularaq Tələbkar ödənilməlidir. İcra sənədi icraata xx.xx.2023-cü il tarixdə daxil olmuş, müvafiq qaydada icraata başlamaq haqqında qərar qəbul edilərək tələbin könüllü icra olnması üçün borcluya bildiriş göndərilmişdir. Lakin borclu icra sənədinin icrası ilə bağlı onun ünvanına göndərilmiş qərara və çoxsaylı xəbərdarlıqlara heç bir münasibət bildirməmiş və məhkəmə qərarının icrasından üzrsüz səbəbdən yayınmışdır. Göstərilənlərə əsasən Nəsimi Rayon Məhkəməsinin 2(006)-659/2023-010 saylı, xx.xx.2023-cü il tarixli icra sənədinin icrasının təmin məqsədi “X5” MMC-nin rəhbəri Borclu Nəsimi rayon İcra şöbəsinə polis vasitəsilə məcburi qaydada gətirilməsinə dair qərar qəbul edilməsi məhkəmədən xahiş olunmuşdur. Məhkəmə iclasının yeri və vaxtı barədə qanunla müəyyən edilmiş qaydada xəbərdarlıq edilməsinə baxmayaraq, tərəflər məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Hazırkı halda məhkəmə təqdimata tərəflərin iştirakları olmadan baxılmasını mümkün hesab etmişdir. Məhkəmə təqdimatı və iş materiallarını nəzərdən keçirərək hesab edir ki, təqdimat təmin edilməlidir. Belə ki, təqdimata əlavə edilmiş Bakı şəhəri Nəsimi Rayon Məhkəməsinin xx.xx.2023-cü il tarixli, 2(006)-659/2023 saylı icra vərəqinə əsasən iddia tələbi qismən təmin edilməli, “X5” MMC ilə Tələbkar arasında bağlanmış xx.xx.2022-ci il tarixli podrat müqaviləsi ləğv edilməli, cavabdeh “X5” MMC-dən 5000 manat və ödənilmiş dövlət rüsumunun əvəzi kimi 70 manat məbləğində pul tutularaq iddiaçı Tələbkar ödənilməli, iddia tələbi qalan hissədə təmin edilməməlidir. Təqdimata əlavə edilmiş borclunun məcburi gətirilməsi haqqında xx.xx.2023-cü il tarixli qərardan görünür ki, icra sənədi icra şöbəsinə xx.xx.2023-cü il tarixdə daxil olmuş və həmin tarixdə icraata başlamaq haqqında qərar qəbul edilərək icra edilməsi üçün borcluya göndərilmişdir. İcra sənədi üzrə tələbin təmin edilməsi məqsədi ilə şöbəyə könüllü gəlməyən borclu “X5” MMC-nin rəhbəri Borclu məcburi gətirilməsi zərurəti yaranmışdır. Bu səbəbdən icra məmuru X2 tərəfindən xx.xx.2023-cü il tarixdə borclunun məcburi gətirilməsi barədə qərar qəbul edilmişdir. Beləliklə, iş materiallarından görünür ki, tələbin könüllü icra olunması haqqında borclu xəbərdar olunsa da o, tələbin icrasını könüllü olaraq yerinə yetirməmiş, icra məmurunun çağırışına gəlməmişdir. “İcra haqqında” Azərbaycan Respublikası Qanununun 10.1-ci maddəsinə əsasən borclu fiziki şəxsdirsə, icra hərəkətləri onun yaşadığı yerdə, yaxud onun iş yerində və ya onun əmlakının olduğu yerdə həyata keçirilir. Borclu hüquqi şəxsdirsə, icra hərəkətləri onun olduğu yerdə və ya əmlakının olduğu yerdə həyata keçirilir. Eyni Qanununun 44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi və könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi üçün əsaslardır. Həmin Qanununun 84.2-ci maddəsinə əsasən icra məmurunun çagırışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Qeyd olunan Qanununun 84.2-ci maddəsinə əsasən 84.3-cü həmin Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra məmurları qurumunun rəhbəri tərəfindən yoxlanılaraq təsdiq olunur. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2 və 15.3-cü maddələrinə əsasən məhkəmənin qanuni qüvvəyə minmiş qətnaməsi, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqı, onların vəzifəli şəxsləri həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Belə olan halda məhkəmə hesab edir ki, təqdimat təmin edilməli və xx.xx.1988-ci il təvəllüdlü, ünvan 1 ünvanında qeydiyyatda olan Borclu “X5” MMC-nin rəhbəri Əsədov X3 rayon İcra şöbəsinə məcburi gətirilməlidir. Yuxarıda qeyd olunanlara əsasən və «İcra haqqında» Azərbaycan Respublikası Qanununun 84.2-ci maddəsini və Azərbaycan Respublikası Mülki Prosessual Məcəlləsinin 263-264, 266-268-ci maddələrini rəhbər tutaraq, QƏRARA ALDİ: Bakı şəhəri Nəsimi rayon İcra şöbəsinin icra məmuru X1 borclu “X5” MMC-nin rəhbəri Borclu məcburi gətirilməsi barədə təqdimatı təmin olunsun. Bakı şəhəri Nəsimi Rayon Məhkəməsinin xx.xx.2023-cü il tarixli, 2(006)-659/2023 saylı icra sənədi üzrə xx.xx.1988-ci il təvəllüdlü, ünvan 1 ünvanında qeydiyyatda olan Borclu “X5” MMC-nin rəhbəri Əsədov X3 rayon İcra şöbəsinə məcburi gətirilsin. Qərarın icrası Bakı şəhəri Nəsimi rayon İcra şöbəsinə və Nəsimi Rayon Polis İdarəsinə həvalə edilsin. Qərardaddan rəsmi qaydada verildikdən sonra tərəflər 10 (on) gün müddətində işə baxan Nəsimi Rayon Məhkəməsinə şikayət verə bilərlər.