Bakı Şəhəri Nizami Rayon Məhkəməsi Qərardad — İş №8(007)-101/2023

Azərbaycan Respublikası adından QƏRARDAD Bakı şəhəri İş № 8(007)-101/2023 27.03.2023 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi, Tələbkar X2 iştirakı ilə Bakı Şəhəri Nizami Rayon Məhkəməsinin 2(007)-2322/2022- saylı, xx.xx.2022-ci il tarixli icra sənədi üzrə borclunun məcburi qaydada gətirilməsi barədə Bakı Şəhəri Nizami Rayon İcra Şöbəsinin icra məmuru Əlihüseyn Aslanovun təqdimatına açıq məhkəmə iclasında baxaraq, MÜƏYYƏN ETDİ: Bakı şəhəri Nizami rayon İcra Şöbəsinin icra məmuru Əlihüseyn Aslanovun təqdimatla məhkəməyə müraciət edərək, göstərmişdir ki, Bakı Şəhəri Nizami Rayon Məhkəməsinin 2(007)-2322/2022- saylı,xx.xx.2022-ci il tarixli icra sənədnə əsasən xx.xx.2018-ci il təvəllüdlü X3 və xx.xx.2019-cu il təbəllidlü X1 yetkinlik yaşına çatanadək saxlanması üçün Borclu X2 xeyrinə hər ay hər uşağa görə 50 manat olmaqla 100 manat,3 ilə görə 3600 manat(36 x 100= 3600)04 iyun 2022-ci il tarixdən başlayaraq hər ay hər uşağa görə 193 manat olmaqla cəmi 386 manat aliment tutulmalıdır. İcra sənədi icraata xx.xx.2023-cü tarixdə şöbəyə daxil olmuş, icraata başlamaq haqqında qərar qəbul edilərək, tələbin 10 gün müddətində könüllü icra edilməsinə dair bildirişlə birlikdə Borclunin qeydiyyatda olduğu ünvana göndərilmişdir. Borcluya dəfələrlə yazılı xəbərdarlıq edilməsinə baxmayaraq bu günə kimi icra sənədinin icrası təmin edilməmiş və heç bir münasibət bildirilməmişdir. Qeyd olunanlara əsasən Bakı Şəhəri Nizami Rayon Məhkəməsinin 2(007)-2322/2022- saylı,xx.xx.2022-ci il tarixli icra sənədinin icrasının təmin edilməsi məqsədi ilə borclu, ünvan 1 ünvanda qeydiyyatda olan Borclunin polis orqanı vasitəsi ilə Nizami rayon İcra şöbəsinə məcburi qaydada gətirilməsinə barədə qərardad qəbul edilməsini xahiş etmişdir. Məhkəmə iclasında tələbkar X4 təqdimatın təmin olunmasını xahiş etdi. İcra məmuru və borclu məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəməyə gəlməməyin səbəbini və ya mümkünsüzlüyünü bildirmədən və bu barədə sübutlar təqdim etmədən məhkəməyə gəlməmişlər. Azərbaycan Respublikası MPM-nin 231.2-ci maddəsinə görə işdə iştirak edən şəxslər məhkəmə iclasının vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həllinə mane olmur. Məhkəmə iş materiallarını tədqiq edərək, hesab edir ki, icra sənədi üzrə borclunun məcburi qaydada gətirilməsi dair icra məmurunun təqdimatı əsaslıdır və təmin edilməlidir. Belə ki, “İcra haqqında” Azərbaycan Respublikası Qanununda nəzərdə tutulan qaydada tələbin könüllü icrası borclu tərəfindən həyata keçirilməmiş, görülmüş icra tədbirləri nəticə verməmişdir. “İcra haqqında” Azərbaycan Respublikası Qanununun 44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi və könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi üçün əsaslardır. Həmin Qanunu 84.2-ci maddəsinə əsasən icra məmurunun çagırışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Qeyd olunanlara əsasən, məhkəmə borclunun icra sənədini könüllü icra etməməsini, eləcə də icra orqanına gəlmək barədə icra məmurunun tələblərini yerinə yetirməməməsini nəzərə alaraq hesab edir ki, Bakı Şəhəri Nizami Rayon Məhkəməsinin 2(007)-2322/2022 saylı, xx.xx.2022-ci il tarixli icra sənədinin icrasının təmin edilməsi məqsədi ilə borclu, ünvan 2 ünvanda qeydiyyatda olan Borclunin barəsində polis orqanı vasitəsi ilə Nizami rayon İcra şöbəsinə məcburi qaydada gətirilmə növündə məcburiyyət tədbiri tətbiq edilməlidir. Yuxarıda göstərilənlərə əsasən və Azərbaycan Respublikası MPM-nin 231, 263, 264, 267 və 268-cı maddələrini rəhbər tutaraq, məhkəmə QƏRARA ALDİ: Bakı şəhəri Nizami Rayon İcra Şöbəsinin icra məmuru Əlihüseyn Aslanovun təqdimatı təmin edilsin. Bakı Şəhəri Nizami Rayon Məhkəməsinin 2(007)-2322/2022- saylı,xx.xx.2022-ci il tarixli icra sənədinin icrasının təmin edilməsi məqsədi ilə borclu, ünvan 3 ünvanda qeydiyyatda olan Borclu məcburi qaydada Bakı şəhəri Nizami rayon İcra Şöbəsinə gətirilsin. Qərardadın icrası Bakı şəhəri Nizami rayon Polis İdarəsinə və Bakı şəhəri Nizami rayon İcra Şöbəsinə həvalə edilsin. Qərardaddan 10 gün müddətində Bakı şəhəri Nizami rayon məhkəməsinə şikayət verilə bilər. Hakim: Fikrət Mirzəyev